20.78C Vancouver 20.78C VancouverJul 14, 2026 5:57 PM - Connect Newsroom - Ramandeep Kaur with files from The Canadian Press
ਵੈਨਕੂਵਰ ਪੁਲਿਸ ਨੇ ਇੱਕ ਈ-ਸਕੂਟਰ ਹਾਦਸੇ ਵਿਚ 30 ਸਾਲਾ ਮਹਿਲਾ ਦੀ ਮੌਤ ਹੋਣ ਦੀ ਪੁਸ਼ਟੀ ਕੀਤੀ ਹੈ,ਪੁਲਿਸ ਮੁਤਾਬਕ, ਇਹ ਹਾਦਸਾ 3 ਜੁਲਾਈ ਨੂੰ ਕਮਰਸ਼ੀਅਲ ਡਰਾਈਵ ਅਤੇ ਵੇਨੇਬਲਸ ਸਟ੍ਰੀਟ ਦੇ ਇਲਾਕੇ ਵਿਚ ਵਾਪਰਿਆ ਸੀ। ਮਹਿਲਾ ਵੇਨੇਬਲਸ ਸਟ੍ਰੀਟ 'ਤੇ ਰਹੀ ਸੀ, ਜਦੋਂ ਉਸ ਦਾ ਈ-ਸਕੂਟਰ ਇੱਕ ਗੱਡੀ ਦੀ ਸਾਈਡ ਨਾਲ ਟਕਰਾ ਗਿਆ।
ਟੱਕਰ ਕਾਰਨ ਮਹਿਲਾ ਸੜਕ 'ਤੇ ਡਿੱਗ ਗਈ ਅਤੇ ਉਸ ਦੇ ਸਿਰ 'ਤੇ ਗੰਭੀਰ ਸੱਟ ਲੱਗੀ। ਹਸਪਤਾਲ ਲਿਜਾਣ ਸਮੇਂ ਉਹ ਹੋਸ਼ ਵਿਚ ਸੀ ਪਰ ਸ਼ਨੀਵਾਰ ਨੂੰ ਉਸ ਦੀ ਮੌਤ ਹੋ ਗਈ। ਇਸੇ ਤਰ੍ਹਾਂ ਐਤਵਾਰ ਨੂੰ ਦੁਪਹਿਰ ਕਰੀਬ 2 ਵਜੇ ਕੋਲ ਹਾਰਬਰ Quay ਅਤੇ ਨਿਕੋਲਾ ਸਟ੍ਰੀਟ ਨੇੜੇ ਈ-ਸਕੂਟਰ ਸਵਾਰ ਇੱਕ 54 ਸਾਲਾ ਮਹਿਲਾ ਨੂੰ ਪਿੱਛੋਂ ਆ ਰਹੇ ਇੱਕ ਹੋਰ ਈ-ਸਕੂਟਰ ਸਵਾਰ ਨੇ ਟੱਕਰ ਮਾਰ ਦਿੱਤੀ, ਜਿਸ ਦੇ ਨਤੀਜੇ ਵਜੋ ਮਹਿਲਾ ਦੇ ਸਿਰ 'ਤੇ ਸੱਟ ਲੱਗੀ ਅਤੇ ਉਸ ਦੀ ਮੋਢੇ ਨੂੰ ਛਾਤੀ ਨਾਲ ਜੋੜ ਵਾਲੀ ਹੱਡੀ ਵੀ ਟੁੱਟ ਗਈ।
ਪੁਲਿਸ ਮੁਤਾਬਕ, ਉਸ ਦੇ ਠੀਕ ਹੋਣ ਦੀ ਉਮੀਦ ਹੈ। ਸਾਰਜੈਂਟ ਐਡਮ ਡੋਨਾਲਡਸਨ ਨੇ ਕਿਹਾ ਕਿ ਦੋਵਾਂ ਪੀੜਤਾਂ ਵਿਚੋਂ ਕਿਸੇ ਨੇ ਵੀ ਨੇ ਹੈਲਮੇਟ ਨਹੀਂ ਪਾਇਆ ਹੋਇਆ ਸੀ, ਜਦੋਂ ਕਿ ਮੋਟਰ ਵ੍ਹੀਕਲ ਐਕਟ ਤਹਿਤ ਇਹ ਕਾਨੂੰਨੀ ਤੌਰ 'ਤੇ ਲਾਜ਼ਮੀ ਹੈ। ਦੱਸਣਯੋਗ ਹੈ ਕਿ ਮੌਜੂਦਾ ਸਮੇਂ ਬੀ. ਸੀ. ਵਿਚ ਪਾਇਲਟ ਪ੍ਰੋਜੈਕਟ ਤਹਿਤ ਸਿਰਫ ਚੋਣਵੇਂ ਸ਼ਹਿਰਾਂ ਵਿਚ ਈ-ਸਕੂਟਰ ਚਲਾਉਣ ਦੀ ਇਜਾਜ਼ਤ ਹੈ।
