16.49C Vancouver 16.49C VancouverSep 19, 2022 7:24 PM - Connect News
ਵੈਨਕੂਵਰ 'ਚ ਪੀ.ਐਨ.ਈ. ਐਮਫੀਥੀਏਟਰ 'ਚ ਬੀਤੀ ਰਾਤ ਅਚਾਨਕ ਇੱਕ ਕਾਂਸਰਟ ਰੱਦ ਹੋਣ ਤੋਂ ਬਾਅਦ ਹਿੰਸਾ ਭੜਕ ਗਈ।
ਇਸ ਮਾਮਲੇ 'ਚ ਵੈਨਕੂਵਰ ਪੁਲਿਸ ਨੇ ਅਪਡੇਟ ਦਿੱਤੀ ਹੈ ਕਿ ਘਟਨਾ ਸੰਬੰਧੀ ਅਪਰਾਧਿਕ ਜਾਂਚ ਲਾਂਚ ਕਰ ਦਿੱਤੀ ਗਈ ਹੈ।
ਵੈਨਿਊ ਦੇ ਅੰਦਰ ਅਤੇ ਬਾਹਰ ਦੀਆਂ ਝਗੜੇ ਅਤੇ ਹਿੰਸਾ ਸੰਬੰਧੀ ਕਈ ਤਸਵੀਰਾਂ ਅਤੇ ਵੀਡੀਓ ਸਾਹਮਣੇ ਆਏ ਹਨ।
ਇਸ ਦੌਰਾਨ ਪ੍ਰਾਪਰਟੀ ਨੂੰ ਭਾਰੀ ਨੁਕਸਾਨ ਪਹੁੰਚਿਆ ਹੈ।
ਇੱਕ ਮੁੱਖ ਐਕਟ ਦੇ ਰੱਦ ਹੋਣ ਕਾਰਨ ਹਿੰਸਾ ਭੜਕੀ ਮੰਨੀ ਜਾ ਰਹੀ ਹੈ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਦੱਸਿਆ ਕਿ ਅਨੇਕਾਂ ਅਫ਼ਸਰ ਪਹਿਲਾਂ ਹੀ ਵੈਨਿਊ 'ਚ ਮੌਜੂਦ ਸਨ ਅਤੇ ਸਿਕਿਉਰਿਟੀ 'ਚ ਮਦਦ ਕਰ ਰਹੇ ਸਨ ਜਦ ਅਚਾਨਕ ਸੈਂਕੜੇ ਲੋਕ ਹਿੰਸਾ ਕਰਨ ਲੱਗੇ।
ਸਥਿਤੀ ਵਿਗੜਦੇ ਵੇਖ ਦਰਜਨਾਂ ਹੋਰ ਅਫ਼ਸਰ ਮੌਕੇ 'ਤੇ ਪਹੁੰਚੇ। ਇਸ ਦੌਰਾਨ ਅਫਸਰਾਂ 'ਤੇ ਵੀ ਬੋਤਲਾਂ ਅਤੇ ਹੋਰ ਚੀਜਾਂ ਸੁੱਟੀਆਂ ਗਈਆਂ।
ਮੌਕੇ 'ਤੇ ਕਾਬੂ ਪਾਉਣ ਲਈ ਮੈਟਰੋ ਵੈਨਕੂਵਰ ਟ੍ਰਾਂਜ਼ਿਟ ਪੁਲਿਸ ਨੇ ਵੀ ਮਦਦ ਕੀਤੀ।
ਘਟਨਾ 'ਚ ਕਿਸੇ ਦੇ ਗੰਭੀਰ ਜਖਮੀ ਹੋਣ ਤੋਂ ਬਚਾਅ ਰਿਹਾ ਪਰ ਹਜ਼ਾਰਾਂ ਡਾਲਰ ਦੀ ਪ੍ਰਾਪਰਟੀ ਦਾ ਨੁਕਸਾਨ ਹੋਇਆ ਮੰਨਿਆ ਜਾ ਰਿਹਾ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਮੌਕੇ ਤੋਂ 7 ਲੋਕਾਂ ਨੂੰ ਸ਼ਾਂਤੀ ਭੰਗ ਕਰਨ ਦੇ ਮਾਮਲੇ 'ਚ ਗ੍ਰਿਫਤਾਰ ਕੀਤਾ ਗਿਆ।
ਕਾਂਸਟੇਬਲ ਵਿਸਿੰਟਨ ਨੇ ਕਿਹਾ ਕਿ ਪ੍ਰਾਪਰਟੀ ਦੇ ਨੁਕਸਾਨ ਤੋਂ ਇਲਾਵਾ, ਕਾਂਸਰਟ 'ਚ ਮੌਜੂਦ ਲੋਕਾਂ ਲਈ ਖਤਰਾ ਖੜਾ ਕਰਨ ਅਤੇ ਅਪਰਾਧਿਕ ਐਕਟਸ ਨੂੰ ਅੰਜਾਮ ਦੇਣ ਲਈ ਤਹਿ ਤਕ ਜਾਂਚ ਕੀਤੀ ਜਾਵੇਗੀ ਅਤੇ ਸ਼ਾਂਤੀ ਵਿਗਾੜਨ ਵਾਲਿਆਂ ਖਿਲਾਫ ਅਪਰਾਧਿਕ ਦੋਸ਼ ਲਗ ਸਕਦੇ ਹਨ।
