ਹੁਣ ਵੈਨਕੂਵਰ ਵ੍ਹਾਈਟਕੈਪਸ ਲਈ ਖੇਡਣਗੇ ਜਰਮਨੀ ਦੇ ਦਿੱਗਜ ਫੁੱਟਬਾਲਰ ਥਾਮਸ ਮੂਲਰ

ਵੈਨਕੂਵਰ ਵ੍ਹਾਈਟਕੈਪਸ ਨੇ ਕਲੱਬ ਦੇ ਇਤਿਹਾਸ ਵਿਚ ਸਭ ਤੋਂ ਵੱਡੀ ਪ੍ਰਾਪਤੀ ਕਰਦੇ ਹੋਏ ਜਰਮਨੀ ਦੇ ਦਿੱਗਜ ਫੁੱਟਬਾਲਰ ਥਾਮਸ ਮੂਲਰ ਨੂੰ ਆਪਣੇ ਨਾਲ ਸ਼ਾਮਲ ਕਰ ਲਿਆ ਹੈ। ਵ੍ਹਾਈਟਕੈਪਸ ਨੇ ਬੁੱਧਵਾਰ ਨੂੰ ਇਸ ਕਦਮ ਦਾ ਐਲਾਨ ਕੀਤਾ।

ਮੂਲਰ ਨੇ 2025 ਦੇ ਬਾਕੀ ਰਹਿੰਦੇ ਸੀਜ਼ਨ ਲਈ ਐਗਰੀਮੈਂਟ ਸਾਈਨ ਕੀਤੇ ਹਨ ਅਤੇ ਸਮਝੌਤੇ ਵਿਚ 2026 ਲਈ ਨਾਮਜ਼ਦ ਖਿਡਾਰੀ ਦਾ ਵਿਕਲਪ ਵੀ ਸ਼ਾਮਲ ਹੈ। ਮੂਲਰ- ਬਾਇਰਨ ਮਿਊਨਿਖ ਕਲੱਬ ਦੇ ਸਾਬਕਾ ਦਿੱਗਜ ਮਿਡਫੀਲਡਰ ਹਨ।

ਬਾਇਰਨ ਕਲੱਬ ਵਿਚ ਉਨ੍ਹਾਂ ਵਲੋਂ ਖੇਡੇ ਗਏ ਮੁਕਾਬਲਿਆਂ ਵਿਚ 250 ਗੋਲ ਉਨ੍ਹਾਂ ਦੇ ਨਾਮ ਹਨ। ਵ੍ਹਾਈਟਕੈਪਸ ਨੇ ਐਫਸੀ ਸਿਨਸਿਨਾਟੀ ਤੋਂ ਮੂਲਰ ਦੇ rights ਕਰੀਬ $400,000 ਵਿਚ ਹਾਸਲ ਕੀਤੇ। ਉਹ ਆਪਣਾ ਅੰਤਰਰਾਸ਼ਟਰੀ ਟ੍ਰਾਂਸਫਰ ਸਰਟੀਫਿਕੇਟ, ਵੀਜ਼ਾ ਅਤੇ ਵਰਕ ਪਰਮਿਟ ਪ੍ਰਾਪਤ ਹੋਣ ਤੋਂ ਬਾਅਦ ਅਧਿਕਾਰਤ ਤੌਰ 'ਤੇ ਵ੍ਹਾਈਟਕੈਪਸ ਵਿਚ ਸ਼ਾਮਲ ਹੋਣਗੇ।

ਬ੍ਰਾਜ਼ੀਲ ਵਿਚ 2014 ਦੇ ਵਿਸ਼ਵ ਕੱਪ ਵਿਚ ਮੂਲਰ ਨੇ ਪੰਜ ਗੋਲ ਕੀਤੇ ਸਨ। ਖਿਡਾਰੀ ਨੇ ਬੁੱਧਵਾਰ ਨੂੰ ਇੱਕ ਔਨਲਾਈਨ ਵੀਡੀਓ ਪੋਸਟ ਕਰਦੇ ਹੋਏ ਕਿਹਾ ਕਿ ਵ੍ਹਾਈਟਕੈਪਸ ਅਸੀਂ ਇਤਿਹਾਸ ਸਿਰਜਾਂਗੇ।