9.84C Vancouver 9.84C VancouverJul 24, 2020 2:43 AM -
ਇੰਦੌਰ ਦੀ ਇੱਕ ਪੀ.ਐਚ.ਡੀ. ਕੀਤੀ ਹੋਈ ਸਬਜ਼ੀ ਵੇਚਣ ਵਾਲੀ ਔਰਤ, ਜਿਸ ਦਾ ਨਾਮ ਡਾ. ਰਾਇਸਾ ਅੰਸਾਰੀ ਦੱਸਿਆ ਜਾ ਰਿਹਾ ਹੈ, ਉਸ ਦਾ ਇੰਦੌਰ ਮਿਊਨਿਸਪਲ ਕਾਰਪੋਰੇਸ਼ਨ ਦੇ ਖਿਲਾਫ਼ ਜ਼ਾਹਿਰ ਕੀਤਾ ਗਿਆ ਗੁੱਸਾ ਸੋਸ਼ਲ ਮੀਡੀਆ 'ਤੇ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ।
ਇਸ ਦਾ ਮੁੱਖ ਕਾਰਨ ਹੈ ਕਿ ਇੱਕ ਸਬਜ਼ੀ ਵੇਚਣ ਵਾਲੀ ਔਰਤ ਨੂੰ ਬੇਹੱਦ ਵਧੀਆ ਤਰੀਕੇ ਨਾਲ ਅੰਗਰੇਜ਼ੀ ਭਾਸ਼ਾ ਬੋਲਦਿਆਂ ਆਪਣਾ ਗੁੱਸਾ ਜ਼ਾਹਿਰ ਕਰਦੇ ਹੋਏ ਵੇਖਿਆ ਜਾਣਾ ਕੋਈ ਆਮ ਗੱਲ ਨਹੀਂ ਹੈ।
ਉਨ੍ਹਾਂ ਇਲਜ਼ਾਮ ਲਗਾਏ ਕਿ ਸਬਜ਼ੀ ਵੇਚਣ ਵਾਲਿਆਂ ਨੂੰ ਆਈ.ਐਮ.ਸੀ. ਅਧਿਕਾਰੀਆਂ ਵੱਲੋਂ ਨਿਯਮਾਂ ਦਾ ਹਵਾਲਾ ਦੇ ਕੇ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਹੈ।
ਖਬਰ ਅਜੈਂਸੀ ਏ.ਐਨ.ਆਈ, ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਕਿਹਾ, "ਮੈਂ ਇੱਥੇ ਸਬਜ਼ੀਆਂ ਅਤੇ ਫ਼ਲ ਵੇਚ ਰਹੀ ਹਾਂ। ਇੱਥੇ ਖੜੇ ਲੋਕ ਮੇਰੇ ਪਰਿਵਾਰ ਅਤੇ ਦੋਸਤਾਂ ਜਿਹੇ ਹਨ। ਮੇਰੇ ਪਰਿਵਾਰ ਦੇ ਵਿੱਚ 20 ਲੋਕ ਹਨ। ਉਨ੍ਹਾਂ ਦਾ ਗੁਜ਼ਾਰਾ ਕਿਵੇਂ ਹੋਵੇਗਾ ? ਉਨ੍ਹਾਂ ਦੀ ਕਮਾਈ ਕਿਵੇਂ ਹੋਵੇਗੀ ? ਸਾਡੀ ਸਟਾਲ 'ਤੇ ਕੋਈ ਭੀੜ ਵੀ ਨਹੀਂ ਹੈ, ਪਰ ਇਹ ਲੋਕ ਫਿਰ ਵੀ ਸਾਨੂੰ ਇੱਥੋਂ ਹਟਣ ਲਈ ਕਹਿੰਦੇ ਹਨ।"
ਸਬਜ਼ੀ ਵੇਚਣ ਵਾਲੀ ਇਸ ਔਰਤ ਦਾ ਕਹਿਣਾ ਹੈ ਕਿ ਉਨ੍ਹਾਂ ਅੰਗਰੇਜ਼ੀ ਮੀਡੀਅਮ 'ਚ ਮੈਟੀਰੀਅਲ ਸਾਇੰਸ ਵਿੱਚ ਪੀ.ਐਚ.ਡੀ. ਕੀਤੀ ਹੋਈ ਹੈ।
