18.21C Vancouver 18.21C VancouverJun 3, 2024 4:25 PM - The Canadian Press
ਬੀ.ਸੀ. ਟਰਾਂਸਜ਼ਿਟ ਦਾ ਕਹਿਣਾ ਹੈ ਕਿ ਉਸ ਨੇ ਟਰਾਂਸਪੋਰਟ ਕੈਨੇਡਾ ਦੇ ਰੀਕਾਲ ਨੋਟਿਸ ਨੂੰ ਦੇਖਦਿਆਂ ਕਈ ਬੱਸਾਂ ਨੂੰ ਵਿਕਟੋਰੀਆ ਦੇ ਫਲੀਟ ਵਿਚੋਂ ਹਟਾ ਦਿੱਤਾ ਹੈ।
ਏਜੰਸੀ ਨੇ ਕਿਹਾ ਕਿ ਉਸ ਦੀਆਂ ਸੀ.ਐੱਨ.ਜੀ. ਵਿਸੀਨਿਟੀ ਮੋਟਰ ਕਾਰਪੋਰੇਸ਼ਨ ਦੀਆਂ ਕਈ ਬੱਸਾਂ ਵਿਚ ਇਸਤੇਮਾਲ ਕੀਤਾ ਗਿਆ ਨਿਰਮਾਤਾ ਭਾਗ ਦਾ ਇੱਕ ਅਜਿਹਾ ਹਿੱਸਾ ਹੈ, ਜਿਸ ਨੂੰ ਟਰਾਂਸਪੋਰਟ ਕੈਨੇਡਾ ਨੇ ਰੀਕਾਲ ਕੀਤਾ ਹੈ। ਇਸ ਲਈ ਥੋੜ੍ਹੀ ਦੇਰ ਲਈ ਬੱਸਾਂ ਨੂੰ ਸੇਵਾ ਤੋਂ ਹਟਾ ਦਿੱਤਾ ਗਿਆ ਹੈ। ਬੀ.ਸੀ. ਟਰਾਂਸਜ਼ਿਟ ਮੁਤਾਬਕ ਹਫਤੇ ਦੇ ਆਖਿਰ ਤੱਕ ਇਨ੍ਹਾਂ ਦੇ ਹਿੱਸਿਆਂ ਨੂੰ ਬਦਲ ਦਿੱਤਾ ਜਾਵੇਗਾ ਅਤੇ ਇਸ ਦੇ ਬਾਅਦ ਇਨ੍ਹਾਂ ਨੂੰ ਮੁੜ ਸੇਵਾ ਲਈ ਲਿਆਂਦਾ ਜਾਵੇਗਾ।
ਟਰਾਂਸਪੋਰਟ ਕੈਨੇਡਾ ਨੇ ਪਿਛਲੇ ਹਫਤੇ ਫਿਊਲ ਸਿਸਟਮ ਨਾਲ ਚੱਲਣ ਵਾਲੀਆਂ ਕੁਝ ਬੱਸਾਂ ਲਈ ਰੀਕਾਲ ਨੋਟਿਸ ਜਾਰੀ ਕੀਤਾ ਸੀ ਕਿਉਂਕਿ ਇਨ੍ਹਾਂ ਵਿਚ ਕੁਦਰਤੀ ਗੈਸ ਲੀਕ ਹੋਣ ਕਾਰਨ ਅੱਗ ਲੱਗਣ ਦਾ ਖਤਰਾ ਸੀ। ਫਿਲਹਾਲ ਜਦ ਤੱਕ ਬੱਸਾਂ ਸੇਵਾ ਲਈ ਵਾਪਿਸ ਨਹੀਂ ਆਉਂਦੀਆਂ ਤਦ ਤੱਕ ਸਵਾਰੀਆਂ ਨੂੰ ਆਪਣੇ ਟੂਰ ਰੱਦ ਜਾਂ ਬਾਅਦ ਵਿਚ ਰੱਖਣ ਲਈ ਸਲਾਹ ਦਿੱਤੀ ਗਈ ਹੈ।
