16.57C Vancouver 16.57C VancouverJul 11, 2020 1:36 AM -
ਪੁਲਿਸ ਨਾਲ ਮੁਕਾਬਲੇ 'ਚ ਮਾਰੇ ਗਏ ਨਾਮੀ ਅਪਰਾਧੀ ਵਿਕਾਸ ਦੂਬੇ ਦੇ ਪਿਤਾ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਬੇਟੇ ਨਾਲ ਅਜਿਹਾ ਹੀ ਹੋਣਾ ਚਾਹੀਦਾ ਸੀ।
ਰਾਮ ਕੁਮਾਰ ਦੂਬੇ ਨੇ ਕਿਹਾ, "ਉੱਤਰ ਪ੍ਰਦੇਸ਼ ਪ੍ਰਸ਼ਾਸਨ ਨੇ ਮੇਰੇ ਪੁੱਤਰ ਖਿਲਾਫ਼ ਸਹੀ ਕਾਰਵਾਈ ਕੀਤੀ ਹੈ।"
ਪਿਤਾ ਨੇ ਪੁਲਿਸ ਦੀ ਕਾਰਵਾਈ ਨੂੰ ਜਾਇਜ਼ ਦੱਸਿਆ ਅਤੇ ਕਿਹਾ ਕਿ ਉਨ੍ਹਾਂ ਦੇ ਪੁੱਤਰ ਨੇ 8 ਪੁਲਿਸ ਵਾਲਿਆਂ ਨੂੰ ਕਤਲ ਕੀਤਾ ਸੀ ਜਿਸ ਦੇ ਲਈ ਉਸ ਨੂੰ ਮੁਆਫ ਨਹੀਂ ਕੀਤਾ ਜਾ ਸਕਦਾ ਸੀ।
ਉਨ੍ਹਾਂ ਕਿਹਾ, "ਜੇਕਰ ਉਸ ਨੇ ਕਦੀ ਸਾਡੀ ਸੁਣੀ ਹੁੰਦੀ, ਤਾਂ ਉਸ ਦੇ ਨਾਲ ਕਦੀ ਅਜਿਹਾ ਨਾ ਹੁੰਦਾ।
ਵਿਕਾਸ ਨੇ ਕਦੀ ਵੀ ਸਾਡੀ ਮਦਦ ਨਹੀਂ ਕੀਤੀ।
ਉਸ ਦੇ ਕਾਰਨ ਸਾਡੇ ਪੁਸ਼ਤੈਨੀ ਘਰ ਨੂੰ ਵੀ ਢਹਿ ਢੇਰੀ ਕਰ ਦਿੱਤਾ ਗਿਆ।
ਉਸ ਨੇ 8 ਪੁਲਿਸ ਵਾਲਿਆਂ ਨੂੰ ਕਤਲ ਕਰ ਦਿੱਤਾ। ਜੇਕਰ ਪੁਲਿਸ ਨੇ ਇਹ ਕਾਰਵਾਈ ਨਾ ਕੀਤੀ ਹੁੰਦੀ ਤਾਂ ਕੱਲ ਨੂੰ ਕਿਸੇ ਹੋਰ ਨੇ ਵੀ ਅਜਿਹੀਆਂ ਹੀ ਗਤੀਵਿਧੀਆਂ ਨੂੰ ਅੰਜਾਮ ਦੇਣਾ ਸੀ।"
ਉਨ੍ਹਾਂ ਇਹ ਵੀ ਕਿਹਾ ਕਿ ਉਹ ਆਪਣੇ ਬੇਟੇ ਦੇ ਸੰਸਕਾਰ 'ਚ ਵੀ ਸ਼ਾਮਿਲ ਨਹੀਂ ਹੋ ਰਹੇ।
ਯਾਦ ਰਹੇ ਵਿਕਾਸ ਦੂਬੇ ਦਾ ਅੱਜ ਕਾਨਪੁਰ 'ਚ ਸੰਸਕਾਰ ਕਰ ਦਿੱਤਾ ਗਿਆ।
ਸੰਸਕਾਰ ਮੌਕੇ ਉਸ ਦੀ ਪਤਨੀ, ਛੋਟਾ ਪੁੱਤਰ ਅਤੇ ਸਾਲਾ ਮੌਜੂਦ ਸਨ, ਪਰ ਕੋਈ ਹੋਰ ਪਰਿਵਾਰਿਕ ਮੈਂਬਰ ਸੰਕਸਕਾਰ 'ਚ ਸ਼ਾਮਿਲ ਨਹੀਂ ਹੋਇਆ।
