ਇੱਕ ਪਲ ’ਚ ਉੱਜੜ ਗਏ ਪਿੰਡ! ਨੇਪਾਲ ’ਚ ਹੜ੍ਹ ਦੀ ਤਬਾਹੀ ਨੇ ਛੱਡੇ ਖੌਫਨਾਕ ਨਿਸ਼ਾਨ

ਨੇਪਾਲ ਵਿੱਚ ਆਏ ਭਿਆਨਕ ਹੜ੍ਹ ਦੌਰਾਨ ਕਈ ਪਿੰਡ ਨਕਸ਼ੇ ਤੋਂ ਪੂਰੀ ਤਰ੍ਹਾਂ ਸਾਫ ਹੋ ਗਏ ਹਨ। ਹਵਾਈ ਵੀਡੀਓ ਵਿੱਚ ਇਨ੍ਹਾਂ ਪਿੰਡਾਂ ਦੀਆਂ ਭਿਆਨਕ ਤਸਵੀਰਾਂ ਦਿਖਾਈਆਂ ਗਈਆਂ ਹਨ। ਚੀਨ ਨਾਲ ਲੱਗਦੀ ਨੇਪਾਲ ਦੀ ਸਰਹੱਦ ਤੇ ਸਥਿਤ ਬਹੁਤ ਸਾਰੇ ਪਿੰਡ ਸੜਕਾਂ ਬਾਜ਼ਾਰ ਅਤੇ ਮਹੱਤਵਪੂਰਨ ਬੁਨਿਆਦੀ ਢਾਂਚੇ ਹੜ੍ਹ ਦੇ ਪਾਣੀ ਵਿੱਚ ਸਾਫ ਹੋ ਗਏ।

ਤਸਵੀਰਾਂ ਦਿਖਾਉਂਦੀਆਂ ਹਨ ਕਿ ਪਿੰਡਾਂ ਦਾ ਪੂਰਾ ਭਾਈਚਾਰਾ ਚਿੱਕੜ ਅਤੇ ਮਲਬੇ ਹੇਠ ਦੱਬਿਆ ਗਿਆ ਹੈ। ਪਾਣੀ ਦੀ ਮਾਰ ਇੰਨੀ ਤੇਜ਼ੀ ਨਾਲ ਪਈ ਕਿ ਬਰਫ, ਚੱਟਾਨਾਂ ਦੇ ਵੱਡੇ ਟੋਟੇ ਅਤੇ ਚਿੱਕੜ ਆਦਿ ਇੰਨੀ ਤੇਜ਼ੀ ਨਾਲ ਅਚਨਚੇਤ ਡਿੱਗਿਆ ਕਿ ਲੋਕਾਂ ਨੂੰ ਸੰਭਲਣ ਦਾ ਮੌਕਾ ਹੀ ਨਹੀਂ ਮਿਲਿਆ। ਪਿੰਡਾਂ ਵਿੱਚ ਬਿਜਲੀ ਦਾ ਢਾਂਚਾ ਪੂਰੀ ਤਰ੍ਹਾਂ ਤਬਾਹ ਹੋ ਗਿਆ ਹੈ। ਜ਼ਿਆਦਾਤਰ ਇਮਾਰਤਾਂ ਢਹਿ ਗਈਆਂ ਹਨ ਜਾਂ ਫਿਰ ਮਲਬੇ ਦੇ ਢੇਰਾਂ ਹੇਠ ਦੱਬੀਆਂ ਗਈਆਂ ਹਨ।