15.43C Vancouver 15.43C VancouverJan 10, 2022 11:13 PM - Connect News
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਸ਼ਹਿਰ 'ਚ ਇਸ ਵੀਕਐਂਡ ਦੌਰਾਨ ਇੱਕ ਕੈਬ ਚਾਲਕ 'ਤੇ ਹਮਲਾ ਹੋਇਆ ਹੈ।
ਮਾਮਲਾ ਸ਼ੁੱਕਰਵਾਰ ਰਾਤ ਦਾ ਦੱਸਿਆ ਗਿਆ ਹੈ।
ਪੀੜਤ ਕੈਬ ਚਾਲਕ ਦੀ ਉਮਰ 55 ਸਾਲ ਦੱਸੀ ਗਈ ਹੈ।
ਇੱਕ ਸਵਾਰੀ ਨੇ ਹਥਿਆਰ ਨਾਲ ਕੈਬ ਚਾਲਕ 'ਤੇ ਹਮਲਾ ਕੀਤਾ।
ਕਥਿਤ ਤੌਰ 'ਤੇ ਹਮਲੇ ਤੋਂ ਬਾਅਦ ਸਵਾਰੀ ਨੇ ਕੈਬ ਚਾਲਕ ਨੂੰ ਧਮਕਾਇਆ ਅਤੇ ਉਸ ਨੂੰ ਰਿਚਮੰਡ ਤੋਂ ਵੈਨਕੂਵਰ ਡਾਊਨਟਾਊਨ ਪਹੁੰਚਣ ਲਈ ਕਿਹਾ।
ਕੈਬ ਚਾਲਕ ਨੂੰ ਕਥਿਤ ਤੌਰ 'ਤੇ ਲਾਲ ਬੱਤੀਆਂ ਵੀ ਟਪਾਉਣ ਲਈ ਮਜਬੂਰ ਕੀਤਾ ਗਿਆ।
ਦੱਸਿਆ ਗਿਆ ਹੈ ਕਿ ਕੈਬ 'ਚ ਬੈਠੀ ਸਵਾਰੀ ਪਾਗਲਪਣ ਕਰਦੀ ਜਾਪ ਰਹੀ ਸੀ ਅਤੇ ਉਸ ਨੂੰ ਲੱਗ ਰਿਹਾ ਸੀ ਕਿ ਉਸ ਦਾ ਪਿੱਛਾ ਕੀਤਾ ਜਾ ਰਿਹਾ ਹੈ।
ਅਫ਼ਸਰਾਂ ਨੇ ਸ਼ੱਕੀ ਨੂੰ ਉਸ ਵੇਲੇ ਗ੍ਰਿਫਤਾਰ ਕੀਤਾ ਜਦ ਉਸ ਨੇ ਗ੍ਰੈਨਵਿਲ ਅਤੇ ਜੌਰਜੀਆ ਸਟ੍ਰੀਟਸ ਦੇ ਕੋਲ ਸਥਿਤ ਲੰਡਨ ਡਰੱਗਸ 'ਤੇ ਕੁਝ ਸਟਾਫ਼ ਮੈਂਬਰਾਂ ਨੂੰ ਵੀ ਧਮਕਾਇਆ।
ਮਾਮਲੇ 'ਚ ਇੱਕ 43 ਸਾਲਾ ਵਿਅਕਤੀ 'ਤੇ ਦੋਸ਼ ਲੱਗੇ ਹਨ।
