18.85C Vancouver 18.85C VancouverAug 17, 2021 12:07 AM -
ਵੈਨਕੂਵਰ ਪੁਲਿਸ ਨੇ ਐਤਵਾਰ ਦੀ ਸਵੇਰ ਇੱਕ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਹੈ।
35 ਸਾਲਾ ਵਿਅਕਤੀ ਨੂੰ ਉਸ ਵੇਲੇ ਗ੍ਰਿਫਤਾਰ ਕੀਤਾ ਗਿਆ ਜਦ ਕਮਰਸ਼ਲ ਡਰਾਈਵ 'ਤੇ 2 ਤੁਰ ਕੇ ਜਾਂਦੇ ਲੋਕਾਂ 'ਤੇ ਹਮਲਾ ਕੀਤਾ ਗਿਆ।
ਸਾਰਜੈਂਟ ਸਟੀਵ ਐਡੀਸਨ ਦਾ ਕਹਿਣਾ ਸੀ ਕਿ ਇਹ ਹਮਲੇ ਬਿਨਾ ਕਿਸੇ ਵਜ੍ਹਾ ਦੇ ਕੀਤੇ ਗਏ ਜਾਪਦੇ ਸਨ।
ਪੁਲਿਸ ਦਾ ਕਹਿਣਾ ਹੈ ਕਿ ਸ਼ੱਕੀ ਬ੍ਰੌਡਵੇ ਅਤੇ ਕਮਰਸ਼ਲ ਡਰਾਈਵ ਦੇ ਇਲਾਕੇ 'ਚ ਸਵੇਰੇ ਕਰੀਬ 8 ਵਜੇ ਤੁਰ ਕੇ ਜਾ ਰਿਹਾ ਸੀ ਜਿਸ ਦੌਰਾਨ ਉਸ ਨੇ ਇੱਕ ਫਾਸਟ ਫੂਡ ਰੈਸਟੂਰੈਂਟ ਦੇ ਬਾਹਰ ਇੱਕ ਆਦਮੀ ਨੂੰ ਦਬੋਚ ਲਿਆ ਅਤੇ ਉਸ 'ਤੇ ਜਿਨਸੀ ਹਮਲਾ ਕੀਤਾ।
ਕਈ ਲੋਕਾਂ ਨੇ ਘਟਨਾ ਵਾਪਰਦੀ ਵੇਖੀ ਅਤੇ ਪੁਲਿਸ ਨੂੰ ਸੱਦਿਆ।
ਪੀੜਤ ਵਿਅਕਤੀ ਦੀ ਉਮਰ 35 ਸਾਲ ਦੱਸੀ ਗਈ ਹੈ।
ਕੁਝ ਹੀ ਸਮੇਂ 'ਚ ਸ਼ੱਕੀ ਨੇ ਕਮਰਸ਼ਲ ਡਰਾਈਵ ਅਤੇ ਈਸਟ 12 ਐਵੀਨਿਊ ਦੇ ਕੋਲ ਤੁਰ ਕੇ ਜਾਂਦੀ ਇੱਕ ਔਰਤ 'ਤੇ ਹਮਲਾ ਕੀਤਾ।
ਇਸ ਵਿਅਕਤੀ ਨੂੰ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ ਅਤੇ ਉਸ 'ਤੇ ਫਿਲਹਾਲ ਦੋਸ਼ ਤੈਅ ਨਹੀਂ ਕੀਤੇ ਗਏ ਹਨ।
