12.85C Vancouver 12.85C VancouverMay 25, 2021 8:33 PM -
ਵੈਨਕੂਵਰ ਪੁਲਿਸ ਨੇ ਐਤਵਾਰ ਨੂੰ ਇੱਕ ਪਾਰਟੀ 'ਤੇ ਛਾਪਾ ਮਾਰਨ ਤੋਂ ਬਾਅਦ $11,000 ਤੋਂ ਵਧੇਰੇ ਦੇ ਜੁਰਮਾਨੇ ਲਗਾਏ ਹਨ।
ਮਾਮਲਾ ਐਤਵਾਰ ਸਵੇਰ ਦਾ ਦੱਸਿਆ ਗਿਆ ਹੈ।
ਲੋਕ ਸਿਹਤ ਨਿਰਦੇਸ਼ਾਂ ਦੇ ਉਲੰਘਣ ਦੇ ਮਾਮਲੇ 'ਚ ਇੱਕ ਘਰ ਤਕ ਪਹੁੰਚ ਕੀਤੀ ਗਈ ਸੀ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਕਿਹਾ ਕਿ ਪੁਲਿਸ ਨੇ ਲਗਾਤਾਰ ਸਪਸ਼ਟ ਕੀਤਾ ਹੈ ਕਿ ਜਾਣਬੁੱਝ ਕੇ ਲੋਕ ਸਿਹਤ ਨਿਰਦੇਸ਼ਾਂ ਦੀ ਉਲੰਘਣਾ ਕਰਨ ਦੇ ਮਾਮਲਿਆਂ 'ਚ ਢਿੱਲ ਨਹੀਂ ਵਰਤੀ ਜਾਵੇਗੀ।
ਉਨ੍ਹਾਂ ਦੱਸਿਆ ਕਿ 23 ਮਈ ਨੂੰ ਤੜਕੇ ਕਰੀਬ 1 ਵਜੇ 1200 West Georgia Street ਦੇ ਇਲਾਕੇ 'ਚ ਇੱਕ ਸੁਈਟ ਦੀ ਜਾਣਕਾਰੀ ਮਿਲੀ ਸੀ।
ਪੁਲਿਸ ਨੇ ਇਸ ਘਰ ਦਾ ਦਰਵਾਜ਼ਾ ਖੜਕਾਇਆ ਪਰ ਲੋਕਾਂ ਨੇ ਦਰਵਾਜ਼ਾ ਨਹੀਂ ਖੋਲ੍ਹਿਆ।
ਇਸ ਤੋਂ ਬਾਅਦ ਤਲਾਸ਼ੀ ਦਾ ਵਾਰੰਟ ਹਾਸਿਲ ਕਰ ਅੰਦਰ ਦਾਖਿਲਾ ਲਿਆ ਗਿਆ।
ਪਾਰਟੀ ਦੇ ਹੋਸਟ ਨੂੰ $2,300 ਦਾ ਜੁਰਮਾਨਾ ਲਗਾਇਆ ਗਿਆ।
ਬਾਕੀ ਦੇ 16 ਲੋਕਾਂ ਨੂੰ $575 ਦੇ ਜੁਰਮਾਨੇ ਲਗਾਏ ਗਏ।
ਸਬੂਤ ਦੇ ਤੌਰ 'ਤੇ 4 ਸਪੀਕਰ ਅਤੇ ਕੁਝ ਕੇਬਲ ਅਤੇ ਇੱਕ ਟਰਨਟੇਬਲ ਨੂੰ ਜਬਤ ਕਰ ਲਿਆ ਗਿਆ।
