12.64C Vancouver 12.64C VancouverMay 19, 2021 7:30 PM -
ਵੈਨਕੂਵਰ ਪੁਲਿਸ ਵੱਲੋਂ ਕੰਸਟ੍ਰਕਸ਼ਨ ਕੰਪਨੀਆਂ ਨੂੰ ਉਤਸ਼ਾਹਿਤ ਕੀਤਾ ਜਾ ਰਿਹਾ ਹੈ ਕਿ ਅਪਰਾਧ ਤੋਂ ਬਚਾਅ ਲਈ ਵਧੇਰੇ ਸਾਵਧਾਨੀ ਵਰਤੀ ਜਾਵੇ।
ਸ਼ਹਿਰ ਦੇ ਵੈਸਟ ਸਾਈਡ 'ਚ ਵਧੀਆਂ ਚੋਰੀ ਦੀਆਂ ਵਾਰਦਾਤਾਂ ਤੋਂ ਬਾਅਦ ਇਹ ਅਪੀਲ ਕੀਤੀ ਗਈ ਹੈ।
ਸਾਰਜੈਂਟ ਸਟੀਵ ਐਡੀਸਨ ਨੇ ਕਿਹਾ ਕਿ ਇਸ ਸਾਲ ਲੰਬਰ ਕੀਮਤਾਂ 'ਚ ਵਾਧੇ ਵਿਚਾਲੇ ਵੀ.ਪੀ.ਡੀ. ਨੇ ਕੰਸਟ੍ਰਕਸ਼ਨ ਦੀਆਂ ਥਾਵਾਂ 'ਤੇ 'ਬ੍ਰੇਕ ਐਂਡ ਐਂਟਰ' ਦੀਆਂ ਘਟਨਾਵਾਂ 'ਚ ਵਾਧਾ ਦਰਜ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਕੁਝ ਮਾਮਲਿਆਂ 'ਚ ਚੋਰਾਂ ਨੇ ਹਜ਼ਾਰਾਂ ਦੀ ਕੀਮਤ ਵਾਲੇ ਪਲਾਈਵੁਡ ਅਤੇ ਹੋਰ ਬਿਲਡਿੰਗ ਪਦਾਰਥ ਚੋਰੀ ਕਰ ਲਏ ਸਨ।
ਇਸ 'ਚ ਤਾਜ਼ਾ ਮਾਮਲਾ 10 ਮਈ ਦਾ ਦੱਸਿਆ ਗਿਆ ਹੈ ਜਦ ਕੈਰਿਸਡੇਲ 'ਚ ਇੱਕ ਕੰਸਟ੍ਰਕਸ਼ਨ ਸਾਈਟ 'ਤੇ ਪਲਾਈਵੁਡ ਦੀਆਂ 60 ਸ਼ੀਟਸ ਅਤੇ ਹੋਰ ਸਾਮਾਨ ਚੋਰੀ ਕਰ ਲਿਆ ਗਿਆ।
ਇਸ ਤੋਂ ਪਹਿਲਾਂ ਅਰਬੱਟਸ ਰਿਜ (Arbutus Ridge), ਕਿਟਸਿਲਾਨੋ (Kitsilano), ਮਾਰਪੋਲ (Marpole) ਅਤੇ ਡਨਬਰ (Dunbar) 'ਚ ਵੀ ਅਜਿਹੇ ਮਾਮਲੇ ਰਿਪੋਰਟ ਹੋਏ ਹਨ।
ਜਨਵਰੀ ਤੋਂ ਘਟੋ-ਘੱਟ 7 ਕੰਸਟ੍ਰਕਸ਼ਨ ਸਾਈਟਸ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ।
ਇੱਕ ਮਾਮਲੇ 'ਚ ਚੋਰਾਂ ਨੇ $10,000 ਤੋਂ ਵਧੇਰੇ ਦੇ ਪਲਾਈਵੁਡ ਚੋਰੀ ਕਰ ਲਏ ਸਨ।
