15.31C Vancouver 15.31C VancouverNov 3, 2021 12:32 AM - Connect News
ਵੈਨਕੂਵਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਟੀਨੇਜਰ 'ਤੇ ਜਿਨਸੀ ਹਮਲੇ ਦੀ ਘਟਨਾ ਦੇ 30 ਸਾਲ ਬਾਅਦ ਇੱਕ ਸ਼ੱਕੀ ਨੂੰ ਕਾਬੂ ਕੀਤਾ ਗਿਆ ਹੈ।
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਘਟਨਾ 16 ਫਰਵਰੀ 1989 ਨੂੰ ਰਿਪੋਰਟ ਹੋਈ ਸੀ।
ਪੁਲਿਸ ਨੇ ਦੱਸਿਆ ਕਿ ਇੱਕ ਟੀਨੇਜਰ ਲੜਕੀ ਨੂੰ ਕਥਿਤ ਤੌਰ 'ਤੇ ਇੱਕ ਗੱਡੀ 'ਚ ਖਿੱਚ ਲਿਆ ਗਿਆ ਸੀ।
ਇਸ ਟੀਨੇਜਰ ਨੂੰ ਮੇਨ ਸਟ੍ਰੀਟ ਅਤੇ ਈਸਟ 16 ਐਵੀਨਿਊ ਕੋਲ ਜਿਨਸੀ ਹਮਲੇ ਦਾ ਸ਼ਿਕਾਰ ਬਣਾਇਆ ਗਿਆ।
ਜਾਂਚ ਅਧਿਕਾਰੀਆਂ ਨੇ ਵਾਰਦਾਤ ਦੇ ਮੌਕੇ ਤੋਂ ਸਬੂਤ ਇਕੱਠੇ ਕੀਤੇ ਸੀ ਪਰ ਕਿਸੇ ਸ਼ੱਕੀ ਦੀ ਪਛਾਣ ਕਰਨ 'ਚ ਕਾਮਯਾਬੀ ਹਾਸਿਲ ਨਹੀਂ ਹੋ ਸਕੀ ਸੀ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਕਿਹਾ ਕਿ ਪੁਲਿਸ ਇਸ ਪ੍ਰਕਾਰ ਦੇ ਹਿੰਸਕ ਅਪਰਾਧ ਦੀ ਜਾਂਚ ਬੰਦ ਨਹੀਂ ਕਰਦੀ।
ਉਨ੍ਹਾਂ ਦੱਸਿਆ ਕਿ ਇਸ ਮਾਮਲੇ 'ਚ ਸਾਲ 2017 'ਚ ਇੱਕ ਨਵੀਂ ਜਾਣਕਾਰੀ ਹਾਸਿਲ ਹੋਈ ਸੀ।
ਉਨ੍ਹਾਂ ਦੱਸਿਆ ਕਿ ਜਾਂਚ ਅਧਿਕਾਰੀਆਂ ਨੇ ਫਿਰ ਤੋਂ ਜਾਂਚ ਅਰੰਭੀ ਅਤੇ ਇਸੇ ਦੌਰਾਨ ਇੱਕ ਸ਼ੱਕੀ ਦੀ ਪਛਾਣ ਹੋ ਸਕੀ।
ਬੀਤੇ ਮਹੀਨੇ 55 ਸਾਲਾ ਜੋਸਫ ਰਿਚਰਡਸਨ ਨੂੰ ਔਟਵਾ 'ਚ ਗ੍ਰਿਫਤਾਰ ਕੀਤਾ ਗਿਆ।
ਸ਼ੱਕੀ 'ਤੇ ਜਿਨਸੀ ਹਮਲੇ, ਹਮਲੇ, ਧਮਕਾਉਣ, ਕਨਫਾਈਨਮੈਂਟ ਅਤੇ $5,000 ਤੋਂ ਘਟ ਦੀ ਚੋਰੀ ਦੇ ਦੋਸ਼ ਲੱਗੇ ਹਨ।
ਸ਼ੱਕੀ ਨੂੰ ਪੁਲਿਸ ਹਿਰਾਸਤ 'ਚ ਰੱਖਿਆ ਗਿਆ ਹੈ।
