15.29C Vancouver 15.29C VancouverAug 26, 2021 8:58 PM -
ਵੈਨਕੂਵਰ ਪੁਲਿਸ ਵੱਲੋਂ $12,000 ਦੀ ਕੀਮਤ ਦੇ ਡੈਂਟਲ ਗੋਲਡ ਦੇ ਮਾਲਿਕ ਦੀ ਭਾਲ ਕੀਤੀ ਜਾ ਰਹੀ ਹੈ।
ਇਸ ਦੀ ਭਾਲ ਇਸੇ ਸਾਲ ਜੂਨ ਮਹੀਨੇ 'ਚ ਹੋਈ ਸੀ।
ਸਾਰਜੈਂਟ ਸਟੀਵ ਐਡੀਸਨ ਨੇ ਦੱਸਿਆ ਕਿ ਇਹ ਇੱਕ ਹੈਰਾਨ ਕਰਨ ਵਾਲਾ ਗੁੰਝਲਦਾਰ ਮਾਮਲਾ ਹੈ ਅਤੇ ਜਾਂਚ ਅਧਿਕਾਰੀਆਂ ਸਾਹਮਣੇ ਲੰਮੇ ਸਮੇਂ ਤੋਂ ਕੋਈ ਅਜਿਹਾ ਮਾਮਲਾ ਨਹੀਂ ਆਇਆ ਸੀ।
ਉਨ੍ਹਾਂ ਦੱਸਿਆ ਕਿ ਇਹ ਸਪਸ਼ਟ ਨਹੀਂ ਹੋ ਸਕਿਆ ਹੈ ਕਿ ਇਹ ਗੋਲਡ ਕਿਥੋਂ ਹਾਸਿਲ ਕੀਤਾ ਗਿਆ ਅਤੇ ਇਸ ਦਾ ਮਾਲਿਕ ਕੌਣ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਮੰਨਿਆ ਜਾ ਰਿਹਾ ਹੈ ਕਿ ਇਸ ਨੂੰ ਅਪਰਾਧਿਕ ਤੌਰ 'ਤੇ ਹਾਸਿਲ ਕੀਤਾ ਗਿਆ ਅਤੇ ਜੇਕਰ ਕਿਸੇ ਕੋਲ ਇਸ ਦੀ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
ਇਸ ਡੈਂਟਲ ਗੋਲਡ ਦੇ ਵਿੱਚ ਦੰਦਾਂ ਨਾਲ ਸੰਬੰਧਤ ਸੋਨੇ ਦੀਆਂ ਫਿਲਿੰਗਸ, ਕੈਪਸ ਅਤੇ ਬ੍ਰਿਜਿਸ ਸ਼ਾਮਿਲ ਹਨ।
ਇਸ ਨੂੰ ਈਸਟ ਵੈਨਕੂਵਰ 'ਚ ਇੱਕ ਗੋਲਡ ਦੇ ਖਰੀਦਦਾਰ ਨੂੰ ਵੇਚ ਦਿੱਤਾ ਗਿਆ ਸੀ।
ਸਾਰਜੈਂਟ ਸਟੀਵ ਐਡੀਸਨ ਨੇ ਦੱਸਿਆ ਕਿ ਇਸ ਨੂੰ ਚੋਰੀ ਦਾ ਸੋਨਾ ਮੰਨਦੇ ਹੋਏ ਇਸ ਨੂੰ ਜਬਤ ਕਰ ਲਿਆ ਗਿਆ ਸੀ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਇਸ ਮਾਮਲੇ 'ਚ ਫਿਲਹਾਲ ਕੋਈ ਗ੍ਰਿਫਤਾਰੀ ਨਹੀਂ ਹੋਈ ਹੈ ਅਤੇ ਕੋਈ ਦੋਸ਼ ਤੈਅ ਨਹੀਂ ਕੀਤੇ ਗਏ ਹਨ।
