23.09C Vancouver 23.09C VancouverMar 17, 2022 11:20 PM - Connect News
ਵੈਨਕੂਵਰ ਦੇ ਇੱਕ ਹਸਪਤਾਲ ਵਿੱਚੋਂ ਇੱਕ ਸੈਕਸ ਅਪਰਾਧੀ ਰਫੂਚੱਕਰ ਹੋ ਗਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਅਪਰਾਧੀ ਦੀ ਕੈਨਡਾ ਭਰ ਦੇ ਵਾਰੰਟ 'ਤੇ ਭਾਲ ਕੀਤੀ ਜਾ ਰਹੀ ਹੈ।
ਅਧਿਕਾਰੀਆਂ ਨੇ ਦੱਸਿਆ ਕਿ ਫਰਾਰ ਹੋਏ ਅਪਰਾਧੀ ਦਾ ਨਾਮ ਮਾਰਸਲ ਲੌਸਨ ਹੈ।
ਉਸ ਦੀ ਉਮਰ 40 ਸਾਲ ਦੱਸੀ ਗਈ।
ਉਸ 'ਤੇ ਜਾਰੀ ਲੌਂਗ ਟਰਮ ਸੁਪਰਵਿਜਨ ਔਰਡਰ ਅਨੁਸਾਰ ਉਸ ਦੇ ਲਈ ਹਸਪਤਾਲ 'ਚ ਰਹਿੰਦੇ ਹੋਏ ਮੈਡਿਕਲ ਟਰੀਟਮੈਂਟ ਹਾਸਿਲ ਕਰਨਾ ਜਰੂਰੀ ਸੀ।
ਹੁਣ ਪੁਲਿਸ ਨੇ ਇਸ ਵਿਅਕਤੀ ਦੀ ਤਸਵੀਰ ਜਾਰੀ ਕਰ ਲੋਕਾਂ ਨੂੰ ਇਸ ਨੂੰ ਵੇਖਣ 'ਤੇ ਪੁਲਿਸ ਨੂੰ ਦੱਸਣ ਦੀ ਅਪੀਲ ਕੀਤੀ ਹੈ।
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਵਿਅਕਤੀ ਦਾ ਸੈਕਸ਼ੁਅਲ ਅਪਰਾਧਾਂ ਦਾ ਇਤਿਹਾਸ ਰਿਹਾ ਹੈ।
ਉਸ ਦੇ ਰੀ-ਔਫੈਂਡ ਕਰਨ ਦੇ ਆਸਾਰ ਵੀ ਦੱਸੇ ਗਏ ਹਨ। ਅਪਰਾਧੀ ਦੀ ਤਸਵੀਰ ਵੀ ਜਾਰੀ ਕੀਤੀ ਗਈ ਹੈ ਜੋ ਕਿ ਕਨੈਕਟ ਐਫ.ਐਮ. ਦੇ ਫੇਸਬੁੱਕ ਪੇਜ 'ਤੇ ਵੀ ਵੇਖੀ ਜਾ ਸਕਦੀ ਹੈ।
