ਕੈਨੇਡਾ ਵਿਚ ਵਾਲਮਾਰਟ ਦੇ ਹੋਰ ਖੇਤਰਾਂ ’ਚ ਜਲਦ ਹੀ ਰੋਬੋਟ ਕੰਮ ਕਰਦੇ ਆਉਣਗੇ ਨਜ਼ਰ

ਕੈਨੇਡਾ ਵਿਚ ਵਾਲਮਾਰਟ ਦੇ ਹੋਰ ਵੰਡ ਖ਼ੇਤਰ ਵਿਚ ਵੀ ਜਲਦ ਹੀ ਰੋਬੋਟ ਕੰਮ ਕਰਦੇ ਨਜ਼ਰ ਆਉਣ ਵਾਲੇ ਹਨ। ਕੰਪਨੀ ਦਾ ਕਹਿਣਾ ਹੈ ਕਿ ਉਹ ਓਨਟਾਰੀਓ ਦੇ ਦੋ ਵੰਡ ਖ਼ੇਤਰ ਵਿਚ ਅਗਲੇ ਪੰਜ ਸਾਲਾਂ ਵਿਚ ਰੋਬੋਟ ਨਿਯੁਕਤ ਕਰਨ ਜਾ ਰਹੀ ਹੈ, ਜਿਨ੍ਹਾਂ ਵਿਚ ਇੱਕ ਸੈਂਟਰ ਮਿਸੀਸਾਗਾ ਅਤੇ ਦੂਸਰਾ ਕੌਰਨਵਾਲ ਵਿਚ ਹੈ।

ਕੈਲਗਰੀ ਡਿਸਟ੍ਰੀਬਿਊਸ਼ਨ ਸੈਂਟਰ ਵਿਚ ਇਹ ਪਹਿਲਾਂ ਤੋਂ ਹੀ ਵਰਤੋਂ ਵਿਚ ਹਨ। ਵਾਲਮਾਰਟ ਕੈਨੇਡਾ ਦਾ ਕਹਿਣਾ ਹੈ ਕਿ ਉਸ ਦੀਆਂ ਹੋਰ ਸਹੂਲਤਾਂ ਵਿਚ ਰੋਬੋਟ ਵਿਚ ਆ ਰਹੇ ਹਨ ਪਰ ਇਸ ਨਾਲ ਨੌਕਰੀਆਂ ਖਤਰੇ ਵਿਚ ਨਹੀਂ ਹਨ।

ਕੈਲਗਰੀ ਸੈਟਰ ਵਿਚ ਕੰਪਨੀ ਦੇ ਤਿੰਨ ਤਰ੍ਹਾਂ ਦੇ ਰੋਬੋਟ ਹਨ, ਜਿਨ੍ਹਾਂ ਵਿਚ ਇੱਕ ਸਾਮਾਨ ਨੂੰ ਟਰਾਂਸਪੋਰਟ ਕਰਦੇ ਹਨ ਅਤੇ ਦੂਜੇ ਉਹਨਾਂ ਨੂੰ ਖੋਲ੍ਹਣ ਦਾ ਕੰਮ ਕਰਦੇ ਹਨ ਅਤੇ ਰੋਬੋਟ ਦਾ ਤੀਜਾ ਗਰੁੱਪ ਉਤਪਾਦ ’ਤੇ ਸ਼ਿਪਿੰਗ ਟੈਗ ਲਗਾਉਣ ਲਈ ਲੇਬਰ ਵਜੋਂ ਕੰਮ ਕਰਦਾ ਹੈ। ਸਟ੍ਰੈਟਵਿਊ ਰਿਸਰਚ ਮੁਤਾਬਕ, 2029 ਤੱਕ ਗਲੋਬਲ ਰਿਟੇਲ ਰੋਬੋਟਿਕਸ ਮਾਰਕੀਟ ਯੂ.ਐੱਸ. $105 ਬਿਲੀਅਨ ’ਤੇ ਪਹੁੰਚ ਸਕਦੀ ਹੈ।