8.77C Vancouver 8.77C VancouverOct 16, 2020 1:45 AM -
ਦਿੱਲੀ ਦੇ ਧੌਲਾ ਕੁਆਂ ਇਲਾਕੇ 'ਚ ਇੱਕ ਟ੍ਰੈਫਿਕ ਪੁਲਿਸ ਮੁਲਾਜ਼ਮ ਲਈ ਇੱਕ ਗੱਡੀ ਨੂੰ ਰੋਕਣਾ ਉਸ ਵੇਲੇ ਮਹਿੰਗਾ ਸਾਬਿਤ ਹੋਇਆ, ਜਦ ਗੱਡੀ ਵਾਲੇ ਨੇ ਗੱਡੀ ਦੌੜਾ ਲਈ ਅਤੇ ਮੁਲਾਜ਼ਮ ਮੁਸ਼ਕਿਲ ਤੋਂ ਆਪਣਾ ਬਚਾਅ ਕਰ ਸਕਿਆ।
ਮੁਲਾਜ਼ਮ ਦੇ ਗੱਡੀ ਤੋਂ ਪਾਸੇ ਹੋਣ ਤੋਂ ਪਹਿਲਾਂ, ਉਸ ਨੂੰ ਗੱਡੀ ਦੇ ਬੋਨਟ 'ਤੇ ਲਟਕੇ ਹੋਏ ਗੱਡੀ ਦੌੜਾਈ ਗਈ।
ਕਿਸੇ ਨਿਯਮ ਦੇ ਉਲੰਘਣ ਦੇ ਮਾਮਲੇ 'ਚ ਗੱਡੀ ਨੂੰ ਰੋਕਿਆ ਗਿਆ ਪਰ ਵਾਹਨ ਭਜਾਏ ਜਾਣ ਤੋਂ ਬਾਅਦ, ਟ੍ਰੈਫਿਕ ਮੁਲਾਜ਼ਮ ਗੱਡੀ ਤੋਂ ਪਾਸੇ ਨਾ ਹੋ ਸਕਿਆ ਅਤੇ ਗੱਡੀ 'ਤੇ ਹੀ ਲਟਕ ਗਿਆ।
ਕੁਝ ਦੂਰੀ 'ਤੇ ਜਦ ਉਹ ਗੱਡੀ ਤੋਂ ਡਿੱਗਿਆ ਤਾਂ ਉਸ ਵੇਲੇ ਵੀ ਉਹ ਗੱਡੀ ਦੇ ਹੇਠਾਂ ਆਉਣ ਤੋਂ ਵਾਲ-ਵਾਲ ਬੱਚ ਗਿਆ।
ਗੱਡੀ ਵਾਲਾ ਮੌਕੇ ਤੋਂ ਨਿਕਲ ਗਿਆ ਸੀ, ਪਰ ਬਾਅਦ 'ਚ ਕਾਬੂ ਕਰ ਲਿਆ ਗਿਆ।
ਘਟਨਾ 12 ਅਕਤੂਬਰ ਦੀ ਦੱਸੀ ਗਈ ਹੈ।
ਘਟਨਾ ਦੀ ਸੀ.ਸੀ.ਟੀ.ਵੀ. ਵੀਡੀਓ ਉਜਾਗਰ ਹੋਈ ਹੈ ਜੋ ਸੋਸ਼ਲ ਮੀਡੀਆ 'ਤੇ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ।
ਵਾਹਨ ਚਾਲਕ ਖਿਲਾਫ਼ ਐਫ.ਆਈ.ਆਰ. ਦਰਜ ਕਰ ਲਈ ਗਈ ਹੈ।
