10.89C Vancouver 10.89C VancouverJul 15, 2020 9:21 PM -
ਰਾਜਸਥਾਨ ਦੇ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਨੇ ਸੂਬੇ 'ਚ ਜਾਰੀ ਸਿਆਸੀ ਸੰਕਟ ਵਿਚਾਲੇ ਆਖਿਆ ਹੈ ਕਿ ਸੂਬੇ 'ਚ ਹੌਰਸ ਟਰੇਡਿੰਗ (ਵਿਧਾਇਕਾਂ ਦੀ ਖਰੀਦ) ਦੀ ਕੋਸ਼ਿਸ਼ ਹੋਈ ਹੈ।
ਉਨ੍ਹਾਂ ਕਿਹਾ, "ਸਾਨੂੰ ਆਪਣੇ ਵਿਧਾਇਕਾਂ ਨੂੰ 10 ਦਿਨ ਲਈ ਹੋਟਲ 'ਚ ਰੱਖਣਾ ਪਿਆ, ਜੇਕਰ ਅਜਿਹਾ ਨਾ ਕੀਤਾ ਜਾਂਦਾ, ਤਾਂ ਜੋ ਹੁਣ ਮਾਨੇਸਰ 'ਚ ਹੋ ਰਿਹਾ ਹੈ, ਇਹ ਉਸੇ ਵੇਲੇ ਹੋ ਜਾਣਾ ਸੀ।"
ਯਾਦ ਰਹੇ ਰਾਜਸਥਾਨ 'ਚ ਜਾਰੀ ਵਿਵਾਦ ਵਿਚਾਲੇ ਅਤੇ ਸਰਕਾਰ ਤੋੜਨ ਦੇ ਇਲਜ਼ਾਮ ਲੱਗਣ ਤੋਂ ਬਾਅਦ ਸਚਿਨ ਪਾਈਲਟ ਨੂੰ ਸੂਬੇ ਦੇ ਉਪ ਮੁੱਖ ਮੰਤਰੀ ਦੇ ਅਹੁਦੇ ਤੋਂ ਅਲਾਵਾ, ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਵਜੋਂ ਵੀ ਹਟਾ ਦਿੱਤਾ ਗਿਆ ਹੈ।
ਅਸ਼ੋਕ ਗਹਿਲੋਤ ਨੇ ਕਿਹਾ ਚੰਗੀ ਅੰਗਰੇਜ਼ੀ ਅਤੇ ਚੰਗਾ ਦਿਖਣਾ ਹੀ ਕਾਫੀ ਨਹੀਂ
ਰਾਜਸਥਾਨ 'ਚ ਅਹੁਦੇ ਤੋਂ ਹਟਾਏ ਜਾ ਚੁੱਕੇ ਉਪ ਮੁੱਖ ਮੰਤਰੀ ਸਚਿਨ ਪਾਈਲਟ 'ਤੇ ਸੂਬੇ ਦੇ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਨੇ ਨਿਸ਼ਾਨਾ ਸਾਧਿਆ ਹੈ।
ਉਨ੍ਹਾਂ ਕਿਹਾ ਕਿ ਚੰਗੀ ਅੰਗਰੇਜ਼ੀ ਬੋਲਣ ਨਾਲ ਜਾਂ ਚੰਗੀਆਂ ਬਾਈਟਸ (ਮੀਡੀਆ ਕੋਲ ਕੀਤੀਆਂ ਟਿੱਪਣੀਆਂ) ਦੇਣ ਨਾਲ ਜਾਂ ਚੰਗੇ ਦਿਖਣ ਨਾਲ ਸਭ ਕੁਝ ਠੀਕ ਨਹੀਂ ਹੋ ਜਾਂਦਾ।
ਅਸ਼ੋਕ ਗਹਿਲੋਤ ਨੇ ਕਿਹਾ, 'ਤੁਹਾਡੇ ਦਿਲ ਵਿੱਚ ਦੇਸ਼ ਦੇ ਲਈ ਕੀ ਹੈ, ਤੁਹਾਡੇ ਵਿਚਾਰ ਕੀ ਹਨ, ਨੀਤੀਆਂ ਕਿਵੇਂ ਦੀਆਂ ਹਨ, ਸਭ ਕੁਝ ਵੇਖਿਆ ਜਾਂਦਾ ਹੈ।
ਮੈਨੂੰ ਸਿਆਸਤ ਦੇ ਵਿੱਚ 40 ਸਾਲ ਹੋ ਗਏ ਹਨ, ਅਸੀਂ ਨਵੀਂ ਪੀੜ੍ਹੀ ਨੂੰ ਪਿਆਰ ਕਰਦੇ ਹਾਂ, ਅਤੇ ਭਵਿੱਖ ਵਿੱਚ ਸਭ ਕੁਝ ਤੁਹਾਡਾ ਹੀ ਹੋਵੇਗਾ।
ਨਵੀਂ ਪੀੜ੍ਹੀ ਦੇ ਲੋਕ ਕੇਂਦਰੀ ਮੰਤਰੀ ਬਣ ਰਹੇ ਹਨ, ਸੂਬੇ ਦੇ ਪ੍ਰਧਾਨ ਬਣਾਏ ਜਾ ਰਹੇ ਹਨ। ਸਾਡੇ ਸਮੇਂ 'ਚ ਜਿਸ ਪ੍ਰੀਕਿਰਿਆ ਵਿੱਚੋਂ ਸਾਨੂੰ ਲੰਘਣਾ ਪੈਂਦਾ ਸੀ, ਜੇਕਰ ਨਵੀਂ ਪੀੜ੍ਹੀ ਨੂੰ ਵੇਖਣਾ ਪੈਂਦਾ ਤਾਂ ਇਨ੍ਹਾਂ ਨੂੰ ਪਤਾ ਲੱਗਣਾ ਸੀ।"
