ਕੈਨੇਡਾ ਦੀ ਮੁੱਖ ਵਿਰੋਧੀ ਧਿਰ ਕੰਜ਼ਰਵੇਟਿਵ ਪਾਰਟੀ ਇਸ਼ਤਿਹਾਰਬਾਜ਼ੀ ’ਤੇ ਖ਼ਰਚ ਕਰਨ ਦੇ ਮਾਮਲੇ ਵਿਚ ਸਭ ਤੋਂ ਮੁਹਰੇ

ਕੈਨੇਡਾ ਦੀ ਮੁੱਖ ਵਿਰੋਧੀ ਧਿਰ ਕੰਜ਼ਰਵੇਟਿਵ ਪਾਰਟੀ ਇਸ਼ਤਿਹਾਰਬਾਜ਼ੀ ’ਤੇ ਖ਼ਰਚ ਕਰਨ ਦੇ ਮਾਮਲੇ ਵਿਚ ਸਭ ਤੋਂ ਮੁਹਰੇ ਹੈ। ਪਿਛਲੇ ਸਾਲ ਕੰਜ਼ਰਵੇਟਿਵ ਪਾਰਟੀ ਨੇ $8.5 ਮਿਲੀਅਨ ਤੋਂ ਵੱਧ ਇਸ਼ਤਿਹਾਰਬਾਜ਼ੀ ’ਤੇ ਖਰਚ ਕੀਤੇ, ਜਦੋਂ ਕਿ ਲਿਬਰਲਸ ਨੇ ਲਗਭਗ $381,000 ਅਤੇ ਐੱਨ. ਡੀ. ਪੀ. ਨੇ ਸਿਰਫ $42,000 ਦੇ ਕਰੀਬ ਫੰਡ ਇਸ਼ਤਿਹਾਰਬਾਜ਼ੀ ’ਤੇ ਖ਼ਰਚ ਕੀਤਾ।

ਫੈਡਰਲ ਪਾਰਟੀ ਦੀਆਂ ਸਾਲਾਨਾ ਵਿੱਤੀ ਰਿਟਰਨ ਤੋਂ ਇਹ ਜਾਣਕਾਰੀ ਸਾਹਮਣੇ ਆਈ ਹੈ, ਜੋ ਹਾਲ ਹੀ ਵਿਚ ਇਲੈਕਸ਼ਨ ਕੈਨੇਡਾ ਨੇ ਔਨਲਾਈਨ ਪੋਸਟ ਕੀਤੀ ਹੈ। ਕੰਜ਼ਰਵੇਟਿਵ ਦੀ ਸਟੇਟਮੈਂਟ ਤੋਂ ਪਤਾ ਚੱਲਦਾ ਹੈ ਕਿ ਪਾਰਟੀ ਕੋਲ ਚੰਗਾ ਫੰਡ ਹੈ, 2023 ਦੇ ਅੰਤ ਵਿਚ ਇਸ ਕੋਲ $16 ਮਿਲੀਅਨ ਕੈਸ਼ ਸੀ, ਜਦੋਂ ਕਿ ਸਾਲ ਦੇ ਸ਼ੁਰੂ ਵਿਚ ਇਹ ਫੰਡ ਲਗਭਗ $3.2 ਮਿਲੀਅਨ ਸੀ।

ਉਥੇ ਹੀ, ਲਿਬਰਲ ਪਾਰਟੀ ਕੋਲ ਦਸੰਬਰ ਦੇ ਅੰਤ ਤੱਕ ਤਕਰੀਬਨ $2.8 ਮਿਲੀਅਨ ਕੈਸ਼ ਸੀ, ਜੋ ਜਨਵਰੀ ਦੇ $530,000 ਦੀ ਤੁਲਨਾ ਵਿਚ ਕਾਫੀ ਘੱਟ ਰਿਹਾ।

ਐਨ.ਡੀ.ਪੀ. ਨੇ 2023 ਲਈ ਕਿਸੇ ਵੀ ਕੈਸ਼ ਹੋਲਡਿੰਗ ਦੀ ਰਿਪੋਰਟ ਨਹੀਂ ਕੀਤੀ ਕਿਉਂਕਿ ਇਹ ਅਜੇ ਵੀ 2021 ਦੀ ਚੋਣ ਮੁਹਿੰਮ ਦੇ ਲੋਨ ਦਾ ਭੁਗਤਾਨ ਕਰ ਰਹੀ ਸੀ ਪਰ ਪਾਰਟੀ ਨੇ ਇਸ ਸਾਲ ਦੇ ਸ਼ੁਰੂ ਵਿਚ ਕਿਹਾ ਕਿ ਉਹ ਹੁਣ ਚੰਗੀ ਸਥਿਤੀ ਵਿਚ ਹੈ।