ਐਡਮਿੰਟਨ ਦੇ ਇਕ ਸ਼ੂਟਰ ਦਾ ਨਾਮ ਕੈਨੇਡਾ ਦੀ ਮੋਸਟ ਵਾਟੰਡ ਸ਼ੱਕੀਆਂ ਦੀ ਸੂਚੀ ਵਿਚ ਸ਼ਾਮਿਲ

ਐਡਮਿੰਟਨ ਦੇ ਇਕ ਸ਼ੂਟਰ ਦਾ ਨਾਮ ਕੈਨੇਡਾ ਦੀ ਮੋਸਟ ਵਾਟੰਡ ਸ਼ੱਕੀਆਂ ਦੀ ਸੂਚੀ ਵਿਚ ਸ਼ਾਮਿਲ ਕੀਤਾ ਗਿਆ ਹੈ। ਪੁਲਿਸ ਨੇ ਵੈਸਟ ਐਡਮਿੰਟਨ ਮਾਲ ਵਿਚ ਪਿਛਲੇ ਸਾਲ ਗੋਲੀਬਾਰੀ ਕਰਨ ਵਾਲੇ 24 ਸਾਲਾ ਲੇਰੋਨ ਐਂਡਰਿਊ ਜੌਨ ਦੀ ਤਸਵੀਰ ਜਾਰੀ ਕੀਤੀ ਹੈ।

ਉਸ ਨੂੰ ਜਾਣ-ਬੁੱਝ ਕੇ ਹਥਿਆਰ ਰੱਖਣ, ਬੇਧਿਆਨੀ ਨਾਲ ਹਥਿਆਰ ਰੱਖਣ, ਬਿਨਾਂ ਇਜਾਜ਼ਤ ਦੇ ਹਥਿਆਰ ਰੱਖਣ ਅਤੇ ਬਿਨਾਂ ਸੀਰੀਅਲ ਨੰਬਰ ਦੇ ਬੰਦੂਕ ਰੱਖਣ ਲਈ ਚਾਰਜ ਕੀਤਾ ਗਿਆ ਹੈ।

ਪੁਲਿਸ ਮੁਤਾਬਕ ਮਾਲ ਦੇ ਪਾਰਕੇਡ ਵਿਚ ਅਗਸਤ, 2023 ਵਿਚ ਦੋ ਗਰੁੱਪ ਵਿਚਕਾਰ ਝਗੜਾ ਹੋਇਆ ਸੀ। ਜਾਂਚ ਅਧਿਕਾਰੀਆਂ ਮੁਤਾਬਕ ਸ਼ੂਟਿੰਗ ਟਾਰਗੇਟਡ ਸੀ। ਇਕ ਗਰੁੱਪ ਮਾਲ ਦੇ ਬਾਹਰ ਉਡੀਕ ਕਰ ਰਿਹਾ ਸੀ। ਇਸ ਦੌਰਾਨ 4 ਵਿਚੋਂ 3 ਨੂੰ ਸ਼ੂਟ ਕੀਤਾ ਗਿਆ ਸੀ। ਇਸ ਕਾਰਨ ਢਾਈ ਘੰਟਿਆਂ ਤੱਕ ਇਲਾਕੇ ਨੂੰ ਲਾਕਡਾਊਨ ਕਰ ਦਿੱਤਾ ਗਿਆ ਸੀ। ਉਸ ਦਾ ਨਾਮ ਕੈਨੇਡਾ ਦੇ ਮੋਸਟ ਵਾਟੰਡ 25 ਲੋਕਾਂ ਦੀ ਸੂਚੀ ਵਿਚ ਸ਼ਾਮਿਲ ਹੈ। ਪੁਲਿਸ ਵਲੋਂ ਉਸ ਦੀ ਭਾਲ ਵਿਚ ਲੋਕਾਂ ਨੂੰ ਮਦਦ ਕਰਨ ਦੀ ਅਪੀਲ ਕੀਤੀ ਗਈ ਹੈ।