14.44C Vancouver 14.44C VancouverJul 30, 2024 3:39 PM - The Canadian Press
ਵੈਸਟਜੈੱਟ ਅਤੇ ਏਅਰ ਨਾਰਥ ਦੇ ਮੁਸਾਫਰ ਹੁਣ ਏਅਰਲਾਈਨ ਦੇ ਕੈਨੇਡਾ ਭਰ ਵਿਚ 100 ਤੋਂ ਵੱਧ ਮੰਜ਼ਿਲਾਂ ਤੱਕ ਪਹੁੰਚਣ ਲਈ ਇੱਕ ਹੀ ਟਿਕਟ ਬੁੱਕ ਕਰ ਸਕਣਗੇ। ਦੋਹਾਂ ਏਅਰਲਾਈਨ ਨੇ ਇਸ ਲਈ ਇੱਕ ਸਮਝੌਤਾ ਕੀਤਾ ਹੈ।
ਵੈਸਟਜੈੱਟ ਨੇ ਇੱਕ ਸਟੇਟਮੈਂਟ ਵਿਚ ਕਿਹਾ ਕਿ ਏਅਰ ਨਾਰਥ ਨਾਲ ਉਸ ਦੀਆਂ ਯੂਕੋਨ ਅਤੇ ਉੱਤਰੀ ਪੱਛਮੀ ਪ੍ਰਦੇਸ਼ਾਂ ਲਈ ਕੁਨੈਕਟਿੰਗ ਫਲਾਈਟਸ ਲਈ ਸਿੰਗਲ ਟਿਕਟ ਬੁੱਕ ਕੀਤੀ ਜਾ ਸਕਦੀ ਹੈ।
ਇਹ ਵਿਵਸਥਾ 31 ਜੁਲਾਈ ਤੋਂ ਸ਼ੁਰੂ ਹੋ ਰਹੀ ਹੈ। ਇਸ ਤਹਿਤ ਮੁਸਾਫਰਾਂ ਨੂੰ ਵਾਰ-ਵਾਰ ਚੈੱਕ ਇੰਨ ਦੀ ਲੋੜ ਨਹੀਂ ਹੋਵੇਗੀ, ਇਸ ਲਈ ਇੱਕ ਹੀ ਚੈੱਕ ਇਨ ਪੁਆਇੰਟ ਹੋਵੇਗਾ।
ਵੈਸਟਜੈੱਟ ਵਿਖੇ ਹਵਾਈ ਅੱਡਿਆਂ ਦੇ ਮਾਮਲਿਆਂ ਦੇ ਨਿਰਦੇਸ਼ਕ ਨੇ ਕਿਹਾ ਕਿ ਇਹ ਸਮਝੌਤਾ ਯੂਕੋਨ ਅਤੇ ਉੱਤਰੀ ਪੱਛਮੀ ਪ੍ਰਦੇਸ਼ਾਂ ਲਈ ਹਵਾਈ ਯਾਤਰਾ ਨੂੰ ਨਵੇਂ ਮੁਕਾਮ ’ਤੇ ਪਹੁੰਚਾਉਣ ਵਾਲਾ ਹੈ, ਜਿਸ ਨਾਲ ਸੈਰ ਸਪਾਟਾ ਅਤੇ ਬਿਜਨਸ ਟਰੈਵਲ ਦੇ ਨਵੇਂ ਮੌਕੇ ਪੈਦਾ ਹੋਣਗੇ।
ਏਅਰ ਨਾਰਥ ਮੌਜੂਦਾ ਸਮੇਂ ਕੈਨੇਡਾ ਵਿਚ 12 ਥਾਵਾਂ ਲਈ ਹਵਾਈ ਸਰਵਿਸ ਦਿੰਦੀ ਹੈ, ਜਿਸ ਵਿਚ ਯੂਕੋਨ ਦੀਆਂ 4 ਥਾਵਾਂ ਦੇ ਨਾਲ-ਨਾਲ ਉੱਤਰੀ ਪੱਛਮੀ ਪ੍ਰਦੇਸ਼ਾਂ ਦਾ ਇਨੂਵਿਕ ਇਲਾਕਾ ਸ਼ਾਮਲ ਹੈ।
