13.91C Vancouver 13.91C VancouverJul 15, 2026 4:43 PM - Connect Newsroom - Ramandeep Kaur with files from The Canadian Press
ਵੈਸਟਜੈੱਟ ਦੇ ਫਲਾਈਟ ਅਟੈਂਡੈਂਟ ਦੀ ਯੂਨੀਅਨ ਨੇ ਉਸ ਦੇ 99.4 ਫੀਸਦੀ ਮੈਂਬਰਾਂ ਵਲੋਂ ਹੜਤਾਲ ਦੇ ਪੱਖ ਵਿਚ ਵੋਟ ਪਾਏ ਜਾਣ ਦਾ ਐਲਾਨ ਕੀਤਾ ਹੈ, ਜਿਸ ਕਾਰਨ ਅਗਸਤ ਦੇ ਲੌਂਗ ਵੀਕੈਂਡ ਦੌਰਾਨ ਹਜ਼ਾਰਾਂ ਕੈਨੇਡੀਅਨ ਦੀਆਂ ਯਾਤਰਾ ਯੋਜਨਾਵਾਂ ਪ੍ਰਭਾਵਿਤ ਹੋ ਸਕਦੀਆਂ ਹਨ। ਬੁੱਧਵਾਰ ਨੂੰ ਸਵੇਰੇ ਆਏ ਵੋਟਿੰਗ ਦੇ ਨਤੀਜਿਆਂ ਮੁਤਾਬਕ,ਯੂਨੀਅਨ ਦੀ ਅਗਵਾਈ ਹੇਠ ਏਅਰਲਾਈਨ ਦੇ ਕਰੀਬ 4,400 ਫਲਾਈਟ ਅਟੈਂਡੈਂਟ ਡੀਲ ਨਾ ਹੋਣ ਦੀ ਸੂਰਤ ਵਿਚ 2 ਅਗਸਤ ਨੂੰ ਕਾਨੂੰਨੀ ਤੌਰ 'ਤੇ ਹੜਤਾਲ ਕਰਨ ਦੇ ਸਮਰਥ ਹੋ ਗਏ ਹਨ।
ਇਸ ਕੰਟਰੈਕਟ ਵਿਵਾਦ ਵਿਚ ਮੁੱਖ ਮੁੱਦੇ ਤਨਖਾਹਾਂ ਨੂੰ ਮਹਿੰਗਾਈ ਦੇ ਹਿਸਾਬ ਨਾਲ ਵਧਾਉਣਾ, ਵਰਕਿੰਗ ਕੰਡੀਸ਼ਨ ਵਿਚ ਸੁਧਾਰ ਕਰਨਾ ਅਤੇ ਡਿਊਟੀ ਦੇ ਸਾਰੇ ਘੰਟਿਆਂ ਦਾ ਭੁਗਤਾਨ ਕਰਵਾਉਣਾ ਸ਼ਾਮਲ ਹਨ। ਵੈਸਟਜੈੱਟ ਦੇ ਸੀਈਓ ਅਲੈਕਸਿਸ ਵਾਨ ਹੋਏਂਸਬਰੋਚ ਨੇ ਕਿਹਾ ਕਿ ਏਅਰਲਾਈਨ ਗੱਲਬਾਤ ਦੀ ਮੇਜ਼ 'ਤੇ ਅਜਿਹੇ ਸਮਝੌਤੇ 'ਤੇ ਪਹੁੰਚਣ ਲਈ ਵਚਨਬੱਧ ਹੈ ਜੋ ਵਰਕਰਜ਼ ਅਤੇ ਕੰਪਨੀ ਦੋਵਾਂ ਦੇ ਹੱਕ ਵਿਚ ਹੋਵੇ।
ਗੌਰਤਲਬ ਹੈ ਕਿ ਜੇਕਰ ਫਲਾਈਟ ਅਟੈਂਡੈਂਟ ਨੂੰ ਹੜਤਾਲ 'ਤੇ ਜਾਣ ਲਈ ਮਜ਼ਬੂਰ ਹੋਣਾ ਪੈਂਦਾ ਹੈ ਤਾਂ ਦੇਸ਼ ਦੀ ਦੂਜੀ ਸਭ ਤੋਂ ਵੱਡੀ ਏਅਰਲਾਈਨ ਨੂੰ ਜਹਾਜ਼ ਖੜ੍ਹੇ ਕਰਨੇ ਪੈ ਸਕਦੇ ਹਨ, ਹੜਤਾਲ ਦੀ ਸੰਭਾਵੀ ਤਾਰੀਖ਼ ਕਈ ਕੈਨੇਡੀਅਨ ਸੂਬਿਆਂ ਵਿਚ ਆਉਣ ਵਾਲੀ ਛੁੱਟੀ ਤੋਂ ਠੀਕ ਇੱਕ ਦਿਨ ਪਹਿਲਾਂ ਦੀ ਹੈ, ਜੋ ਕਿ ਸਾਲ ਦਾ ਸਭ ਤੋਂ ਵਿਅਸਤ ਯਾਤਰਾ ਦਾ ਸਮਾਂ ਹੁੰਦਾ ਹੈ।
