ਕਿਸਾਨਾਂ ਲਈ ਹਰ ਤਰ੍ਹਾਂ ਦੇ ਲੋੜੀਂਦੇ ਪ੍ਰਬੰਧ ਕੀਤੇ ਜਾਣਗੇ: ਆਮ ਆਦਮੀ ਪਾਰਟੀ

ਨਵੇਂ ਖੇਤੀਬਾੜੀ ਬਿੱਲਾਂ ਦੇ ਵਿਰੋਧ 'ਚ ਦਿੱਲੀ ਪਹੁੰਚੇ ਕਿਸਾਨਾਂ ਨੂੰ ਅੱਜ ਸ਼ੁੱਕਰਵਾਰ ਨੂੰ, ਆਮ ਆਦਮੀ ਪਾਰਟੀ ਵੱਲੋਂ ਰੋਹ-ਵਿਖਾਵਾ ਕਰਨ ਲਈ ਤਿਕਰੀ ਸਰਹੱਦ ਜ਼ਰੀਏ ਬੁਰਾੜੀ ਦੇ ਨਿਰੰਕਾਰੀ ਸਮਾਗਮ ਮੈਦਾਨ 'ਚ ਪਹੁੰਚਣ ਦੀ ਇਜਾਜ਼ਤ ਦਿੱਤੀ ਗਈ ਹੈ ਅਤੇ ਸਰਕਾਰ ਵੱਲੋਂ ਹਰ ਤਰ੍ਹਾਂ ਦੇ ਲੋੜੀਂਦੇ ਇੰਤਜ਼ਾਮ ਕੀਤੇ ਜਾਣ ਦਾ ਯਕੀਨ ਵੀ ਦਿਵਾਇਆ ਗਿਆ ਹੈ |

ਪਾਰਟੀ ਦੇ ਅਧਿਕਾਰਿਤ ਟਵਿੱਟਰ ਖਾਤੇ 'ਤੇ ਲਿਖਿਆ ਗਿਆ,"ਆਮ ਆਦਮੀ ਪਾਰਟੀ ਦਿੱਲੀ ਚ ਕਿਸਾਨਾਂ ਦਾ ਸਵਾਗਤ ਕਰਦੀ ਹੈ| ਅਸੀਂ ਕਿਸਾਨਾਂ ਦਾ ਪੂਰਾ ਧਿਆਨ ਰੱਖਾਂਗੇ ਅਤੇ ਉਹਨਾਂ ਲਈ ਲੋੜੀਂਦੇ ਪ੍ਰਬੰਧ ਕਰਾਂਗੇ| ਅਸੀਂ ਇਸ ਲੜਾਈ 'ਚ ਕਿਸਾਨਾਂ ਦੇ ਨਾਲ ਖੜੇ ਹਾਂ| ਜੈ ਕਿਸਾਨ|"

ਇਸਦੇ ਨਾਲ ਹੀ ਪਾਰਟੀ ਵੱਲੋਂ ਦਿੱਲੀ ਪੁਲਿਸ ਵੱਲੋਂ ਰੋਹ ਵਿਖਾਵਾ ਕਰਨ ਵਾਲੇ ਕਿਸਾਨਾਂ ਲਈ ਸਟੇਡੀਅਮਾਂ ਨੂੰ ਆਰਜ਼ੀ ਤੌਰ ਤੇ ਜੇਲ੍ਹਾਂ 'ਚ ਤਬਦੀਲ ਕਰਨ ਲਈ ਉਹਨਾਂ ਤੋਂ ਮਨਜ਼ੂਰੀ ਲੈਣ ਦੇ ਫੈਸਲੇ ਨੂੰ ਨਕਾਰਨ ਬਾਰੇ ਅਤੇ ਕੇਂਦਰ ਸਰਕਾਰ ਨੂੰ ਉਨ੍ਹਾਂ ਦੀਆਂ ਮੰਗਾਂ ਮੰਨਣ ਲਈ ਕਹਿਣ ਬਾਰੇ ਵੀ ਦੱਸਿਆ ਗਿਆ ਹੈ|

ਦਿੱਲੀ ਮੈਟਰੋ ਕਾਰਪੋਰੇਸ਼ਨ (ਡੀਐਮਆਰਸੀ) ਵੱਲੋਂ ਵੀ ਸਾਵਧਾਨੀ ਵਰਤਦਿਆਂ ਰਾਜਧਾਨੀ ਦੇ ਕਈ ਸਟੇਸ਼ਨਾਂ ਨੂੰ ਬੰਦ ਕਰ ਦਿੱਤਾ ਗਿਆ ਹੈ|

ਡੀਐਮਆਰਸੀ ਨੇ ਅੱਜ ਟਵੀਟ ਕਰਦਿਆਂ ਲਿਖਿਆ,"ਬ੍ਰਿਗੇਡੀਅਰ ਹੁਸ਼ਿਆਰ ਸਿੰਘ, ਬਹਾਦਰਗੜ੍ਹ ਸਿਟੀ, ਸ਼੍ਰੀ ਰਾਮ ਸ਼ਰਮਾ, ਤਿਕਰੀ ਬਾਰਡਰ, ਤਿਕਰੀ ਕਲਾਂ ਅਤੇ ਗ੍ਰੀਨ ਲੇਨ ਦੇ ਘੇਵਾਰਾ ਸਟੇਸ਼ਨ ਹੁਣ ਬੰਦ ਹਨ|"

ਇਸ ਤੋਂ ਅਲਾਵਾ, ਸਿੰਘੂ ਬਾਰਡਰ (ਦਿੱਲੀ-ਹਰਿਆਣਾ) ਸਰਹੱਦ ਵੱਲ ਵਾਹਨ ਲਿਜਾਣ ਦੀ ਵੀ ਇਜਾਜ਼ਤ ਨਹੀਂ ਹੈ|

ਕੌਮੀ ਰਾਜਧਾਨੀ 'ਚ ਆਵਾਜਾਈ ਨੂੰ ਕਈ ਥਾਂਵਾਂ ਵੱਲ ਮੋੜਨ ਵਾਲੀ ਦਿੱਲੀ ਪੁਲਿਸ ਦਾ ਕਹਿਣਾ ਹੈ,"ਅੰਤਰ-ਰਾਜੀ ਵਾਹਨ ਪੱਛਮੀ/ਪੂਰਬੀ ਪੈਰੀਫਰਲ ਐਕਸਪ੍ਰੈਸ ਵੇਅ ਤੋਂ ਜਾ ਸਕਦੇ ਹਨ|"

ਦਿੱਲੀ ਆਵਾਜਾਈ ਪੁਲਿਸ ਨੇ ਟਵੀਟ ਕੀਤਾ ਹੈ," ਕਿਸਾਨਾਂ ਸੰਘਰਸ਼ ਕੋਰਡੀਨੇਸ਼ਨ ਕਮੇਟੀ ਵੱਲੋਂ ਕੀਤੇ ਜਾ ਰਹੇ ਰੈਲ਼ੀ/ਮਾਰਚ/ ਰੋਹ-ਵਿਖਾਵੇ ਨੂੰ ਧਿਆਨ 'ਚ ਰੱਖਦਿਆਂ, ਟ੍ਰੈਫ਼ਿਕ ਪੁਲਿਸ ਵੱਲੋਂ ਮੁਕਾਬਰਾ ਚੌਕ ਅਤੇ ਜੀਟੀਕੇ ਰੋਡ ਡੀ ਆਵਾਜਾਈ ਨੂੰ ਹੋਰ ਰਾਹ 'ਤੇ ਪਾ ਦਿੱਤਾ ਗਿਆ ਹੈ|ਇਸ ਇਲਾਕੇ 'ਚ ਬਹੁਤ ਹੀ ਵੱਧ ਟ੍ਰੈਫਿਕ ਹੈ|"

ਦਿੱਲੀ ਪੁਲਿਸ ਦੀ ਇੱਕ ਹੋਰ ਟਵੀਟ 'ਚ ਉਹਨਾਂ ਵੱਲੋਂ ਲਿਖਿਆ ਗਿਆ ਹੈ,"ਸਥਾਨਕ ਪੁਲਿਸ ਵੱਲੋਂ ਤਿਕਰੀ ਸਰਹੱਦ 'ਤੇ ਆਵਾਜਾਈ ਲਈ ਬਿਲਕੁਲ ਹੀ ਬੰਦ ਕਰ ਦਿੱਤੀ ਗਈ ਹੈ| ਹਰਿਆਣਾ ਵੱਲ ਜਾਣ ਵਾਲੀ ਆਵਾਜਾਈ ਵੀ ਬੰਦ ਕਰ ਦਿੱਤੀ ਗਈ ਹੈ| ਸਾਰੇ ਵਾਹਨ ਵਾਲਿਆਂ ਨੂੰ ਇਸ ਰੂਟ 'ਤੇ ਨਾ ਆਉਣ ਦੀ ਸਲਾਹ ਦਿੱਤੀ ਜਾਂਦੀ ਹੈ..."