12.35C Vancouver 12.35C VancouverOct 25, 2024 5:32 PM - The Canadian Press
ਮੈਟਰੋ ਵੈਨਕੂਵਰ ਅਤੇ ਦੱਖਣੀ ਤੱਟ ਬੀ. ਸੀ. ਦੇ ਕੁਝ ਹਿੱਸਿਆਂ ਲਈ ਇਹ ਵੀਕੈਂਡ ਵੀ ਖਰਾਬ ਮੌਸਮ ਵਾਲਾ ਹੋ ਸਕਦਾ ਹੈ। ਵਾਤਾਵਰਣ ਅਤੇ ਜਲਵਾਯੂ ਤਬਦੀਲੀ ਕੈਨੇਡਾ ਏਜੰਸੀ ਨੇ ਮੈਟਰੋ ਵੈਨਕੂਵਰ, ਗ੍ਰੇਟਰ ਵਿਕਟੋਰੀਆ, ਦੱਖਣੀ ਖਾੜੀ ਦੇ ਟਾਪੂ ਅਤੇ ਪੂਰਬੀ ਵੈਨਕੂਵਰ ਟਾਪੂ, ਦੇ ਕੁਝ ਹਿੱਸਿਆਂ ਲਈ 90 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਹਵਾਵਾਂ ਚੱਲਣ ਦੀ ਚਿਤਾਵਨੀ ਦਿੱਤੀ ਹੈ।
ਫੈਡਰਲ ਮੌਸਮ ਏਜੰਸੀ ਦਾ ਕਹਿਣਾ ਹੈ ਕਿ ਹਵਾ ਦਾ ਝੱਖੜ ਦੇਰ ਰਾਤ ਨੂੰ ਸ਼ੁਰੂ ਹੋ ਜਾਵੇਗਾ ਅਤੇ ਸ਼ਨੀਵਾਰ ਸਵੇਰ ਤੱਕ ਜਾਰੀ ਰਹੇਗਾ। ਨਾਲ ਹੀ ਚਿਤਾਵਨੀ ਦਿੱਤੀ ਹੈ ਕਿ ਤੇਜ਼ ਹਵਾਵਾਂ ਕਾਰਨ ਬਿਜਲੀ ਬੰਦ ਹੋ ਸਕਦੀ ਹੈ। ਮੌਸਮ ਏਜੰਸੀ ਮੁਤਾਬਕ, ਬਾਊਂਡਰੀ ਬੇਅ ਨੇੜੇ ਮੈਟਰੋ ਵੈਨਕੂਵਰ ਵਿਚ ਹਵਾਵਾਂ ਦਾ ਜ਼ੋਰ ਸਭ ਤੋਂ ਤੇਜ਼ ਹੋ ਸਕਦਾ ਹੈ। ਸ਼ਨੀਵਾਰ ਅਤੇ ਐਤਵਾਰ ਨੂੰ ਮੈਟਰੋ ਵੈਨਕੂਵਰ ਵਿਚ ਹਲਕੀ ਬਾਰਸ਼ ਹੋਣ ਦੀ ਸੰਭਾਵਨਾ ਵੀ ਹੈ।
