14.58C Vancouver 14.58C VancouverAug 12, 2020 9:27 PM -
ਕਾਂਗਰਸ ਦੇ ਰਾਸ਼ਟਰੀ ਬੁਲਾਰੇ ਰਾਜੀਵ ਤਿਆਗੀ ਦਾ ਦੇਹਾਂਤ ਹੋ ਗਿਆ ਹੈ।
ਉਨ੍ਹਾਂ ਬੁੱਧਵਾਰ ਸ਼ਾਮ ਆਖਰੀ ਸਾਹ ਲਏ। ਰਾਜੀਵ ਤਿਆਗੀ 53 ਸਾਲ ਦੇ ਸਨ।
ਇੱਕ ਟੀ.ਵੀ. ਡਿਬੇਟ 'ਚ ਹਿੱਸਾ ਲੈਣ ਤੋਂ ਕੁਝ ਸਮੇਂ ਬਾਅਦ, ਉਨ੍ਹਾਂ ਨੂੰ ਛਾਤੀ 'ਚ ਬੇਆਰਾਮੀ ਮਹਿਸੂਸ ਹੋਈ ਅਤੇ ਉਨ੍ਹਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਪਰ ਹਸਪਤਾਲ ਪਹੁੰਚਣ 'ਤੇ ਰਾਜੀਵ ਤਿਆਗੀ ਨੂੰ ਮ੍ਰਿਤ ਐਲਾਨ ਦਿੱਤਾ ਗਿਆ।
ਰਾਹੁਲ ਗਾਂਧੀ ਨੇ ਰਾਜੀਵ ਤਿਆਗੀ ਦੇ ਦੇਹਾਂਤ 'ਤੇ ਦੁੱਖ ਦਾ ਪ੍ਰਗਟਾਵਾ ਕਰਦੇ ਹੋਏ ਇੱਕ ਟਵੀਟ 'ਚ ਲਿਖਿਆ, "ਕਾਂਗਰਸ ਨੇ ਅੱਜ ਆਪਣੇ ਇੱਕ ਸ਼ੇਰ ਨੂੰ ਗਵਾ ਦਿੱਤਾ ਹੈ। ਕਾਂਗਰਸ ਹਮੇਸ਼ਾ ਰਾਜੀਵ ਤਿਆਗੀ ਦੇ ਪਾਰਟੀ ਪ੍ਰਤੀ ਪ੍ਰੇਮ ਅਤੇ ਸੰਘਰਸ਼ ਨੂੰ ਯਾਦ ਰੱਖੇਗੀ। ਮੈਂ ਰਾਜੀਵ ਤਿਆਗੀ ਨੂੰ ਯਾਦ ਕਰ ਰਿਹਾ ਹਾਂ, ਅਤੇ ਉਨ੍ਹਾਂ ਦੇ ਪਰਿਵਾਰ ਲਈ ਸ਼ੋਕ ਜ਼ਾਹਿਰ ਕਰਦਾ ਹਾਂ।"
ਇਸ ਤੋਂ ਅਲਾਵਾ ਕਾਂਗਰਸ ਦੀ ਜਨਰਲ ਸਕੱਤਰ ਪ੍ਰਿਯੰਕਾ ਗਾਂਧੀ, ਮੱਧ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਸ਼ਿਵਰਾਜ ਚੌਹਾਨ, ਕਾਂਗਰਸੀ ਲੀਡਰ ਸਚਿਨ ਪਾਈਲਟ, ਸਮਾਜਵਾਦੀ ਪਾਰਟੀ ਦੇ ਪ੍ਰਧਾਨ ਅਖਿਲੇਸ਼ ਯਾਦਵ ਅਤੇ ਕਈ ਹੋਰ ਰਾਜਨੀਤਕ ਸ਼ਖਸੀਅਤਾਂ ਨੇ ਰਾਜੀਵ ਤਿਆਗੀ ਦੇ ਦੇਹਾਂਤ 'ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।
