14.52C Vancouver 14.52C VancouverOct 13, 2021 8:29 PM -
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਨੌਰਥ ਸਾਨੀਚ ਵਿੱਚ ਇੱਕ ਔਰਤ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਇਸ ਔਰਤ ਨੇ ਕਥਿਤ ਤੌਰ 'ਤੇ ਬੀ.ਸੀ. ਫੈਰੀਸ ਦੇ ਸਟਾਫ਼ ਮੈਂਬਰ 'ਤੇ ਚਾਕੂ ਨਾਲ ਹਮਲੇ ਦੀ ਧਮਕੀ ਦਿੱਤੀ ਸੀ ਅਤੇ ਇੱਕ ਸਵਾਰੀ ਤੋਂ ਲੁੱਟ ਦੀ ਕੋਸ਼ਿਸ਼ ਕੀਤੀ ਸੀ।
ਘਟਨਾ ਸ਼ਵਾਰਟਸ ਬੇਅ ਫੈਰੀ ਟਰਮਿਨਲ ਕੋਲ ਵਾਪਰੀ।
ਪੁਲਿਸ ਨੇ ਦੱਸਿਆ ਕਿ ਪੀੜਤ ਵਿਅਕਤੀ ਨੇ ਆਪਣਾ ਫੋਨ ਔਰਤ ਨੂੰ ਦੇਣ ਤੋਂ ਇਨਕਾਰ ਕੀਤਾ।
ਇਸੇ ਵਿਚਾਲੇ ਬੀ.ਸੀ. ਫੈਰੀਸ ਵਰਕਰਾਂ ਨੇ ਘਟਨਾ 'ਚ ਦਖਲ ਦਿੱਤਾ।
ਨਤੀਜਾ ਇਹ ਹੋਇਆ ਕਿ ਔਰਤ ਨੇ ਸਟਾਫ਼ ਨੂੰ ਧਮਕਾਇਆ।
ਇਸ ਤੋਂ ਬਾਅਦ ਉਹ ਟਰਮਿਨਲ ਤੋਂ ਦੌੜ ਗਈ।
ਅਫ਼ਸਰਾਂ ਨੂੰ ਜਲਦੀ ਹੀ ਇੱਕ ਹੋਰ ਘਟਨਾ ਦੀ ਜਾਣਕਾਰੀ ਮਿਲੀ ਜਦ ਇੱਕ ਔਰਤ ਇੱਕ ਘਰ 'ਚ ਬ੍ਰੇਕ ਐਂਡ ਐਂਟਰ ਦੀ ਕੋਸ਼ਿਸ਼ ਕਰ ਰਹੀ ਸੀ।
ਅਫ਼ਸਰਾਂ ਨੇ ਮੌਕੇ 'ਤੇ ਪਹੁੰਚ ਔਰਤ ਨੂੰ ਗ੍ਰਿਫਤਾਰ ਕਰ ਲਿਆ।
ਪੁਲਿਸ ਨੇ ਦੱਸਿਆ ਕਿ ਔਰਤ ਵਿਕਟੋਰੀਆ ਦੀ ਹੈ ਅਤੇ ਉਸ 'ਤੇ ਡਾਕੇ, ਸ਼ਰਾਰਤ, ਹਥਿਆਰ ਨਾਲ ਹਮਲੇ ਅਤੇ ਬ੍ਰੇਕ ਐਂਡ ਐਂਟਰ ਦੇ ਦੋਸ਼ ਲੱਗੇ ਹਨ।
