Entertainment

ਸੌਰਭ ਦਿਵੇਦੀ ਵਲੋਂ ਨੈਟ ਫਲਿਕਸ ਦੀ ਫਿਲਮ 'ਕਰਤਵਯ' ਵਿੱਚ ਕੀਤੀ ਅਦਾਕਾਰੀ ਨਾਲ ਸੋਸ਼ਲ ਮੀਡੀਆ 'ਤੇ ਕਾਫੀ ਚਰਚੇ ਛਿੜ ਗਏ ਹਨ। 'ਕਰਤਵਯ' ਵਿੱਚ ਸੈਫ ਅਲੀ ਖਾਨ ਮੁੱਖ ਭੂਮਿਕਾ ਨਿਭਾਅ ਰਹੇ ਹਨ। ਪੱਤਰਕਾਰ ਤੋਂ ਅਦਾਕਾਰ ਬਣੇ ਸੌਰਭ ਦਿਵੇਦੀ ਵਲੋਂ ਨਿਭਾਏ ਖਾਸ ਭਰਪੂਰ ਕਿਰਦਾਰ ਕਾਰਨ ਉਸ ਬਾਰੇ ਕਾਫੀ ਚਰਚਾ ਹੋ ਰਹੀ ਹੈ।

ਬਾਲੀਵੁੱਡ ਅਦਾਕਾਰ ਸਲਮਾਨ ਖਾਨ ਬੀਤੇ ਦਿਨੀਂ ਮੁੰਬਈ ਦੇ ਹਿੰਦੂਜਾ ਹਸਪਤਾਲ ਦੇ ਬਾਹਰ ਪੱਤਰਕਾਰਾਂ ਨਾਲ ਤਲਖ ਕਲਾਮੀ ਵਿੱਚ ਉਲਝ ਗਏ। ਅਸਲ ਵਿੱਚ ਸਲਮਾਨ ਉੱਥੇ ਆਪਣੇ ਇਕ ਦੋਸਤ ਦਾ ਹਾਲ-ਚਾਲ ਪੁੱਛਣ ਲਈ ਪਹੁੰਚੇ ਸਨ। ਪਰ ਉਸ ਨੂੰ ਪੱਤਰਕਾਰਾਂ ਅਤੇ ਫੋਟੋਗ੍ਰਾਫਰਾਂ ਦੀ ਭਾਰੀ ਭੀੜ ਨੇ ਘੇਰ ਲਿਆ। ਪ੍ਰੈਸ ਵਾਲੇ ਸਲਮਾਨ ਕੋਲੋਂ ਉਸ ਦੀ ਆਉਣ ਵਾਲੀ ਫਿਲਮ 'ਮਾਤ੍ਰਭੂਮੀ' ਬਾਰੇ ਜਾਨਣਾ ਚਾਹੁੰਦੇ ਸਨ। ਇਸ ਕਰਕੇ ਉਨ੍ਹਾਂ ਨੇ 'ਮਾਤ੍ਰਭੂਮੀ' ਦਾ ਨਾਂਅ ਲੈ ਕੇ ਉੱਚੀ ਉੱਚੀ ਬੋਲਣਾ ਸ਼ੁਰੂ ਕਰ ਦਿੱਤਾ।

ਕਾਮੇਡੀ ਸ਼ੋਅ India's Got Latent ਦੇ ਫੈਨਜ਼ ਲਈ ਖੁਸ਼ਖਬਰੀ ਹੈ। 2024 ਵਿੱਚ ਯੂਟਿਊਬ 'ਤੇ ਸ਼ੁਰੂ ਹੋਇਆ ਇਹ ਸ਼ੋਅ ਕਾਨੂੰਨੀ ਵਿਵਾਦਾਂ ਕਾਰਨ ਅਚਾਨਕ ਹਟਾ ਦਿੱਤਾ ਗਿਆ ਸੀ। ਹੁਣ ਸਟੈਂਡ-ਅੱਪ ਕਾਮੇਡੀਅਨ ਸਮੈ ਰੈਨਾ ਇਸ ਸ਼ੋਅ ਨੂੰ ਨਵੇਂ ਅੰਦਾਜ਼ ਨਾਲ ਵਾਪਸ ਲਿਆਉਣ ਦੀ ਤਿਆਰੀ ਕਰ ਰਹੇ ਹਨ।ਹਾਲ ਹੀ ਵਿੱਚ ਸ਼ੂਟਿੰਗ ਦੌਰਾਨ ਦੀ ਇੱਕ ਝਲਕ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ, ਜਿਸ ਨੇ ਫੈਨਜ਼ ਵਿੱਚ ਨਵਾਂ ਉਤਸ਼ਾਹ ਪੈਦਾ ਕਰ ਦਿੱਤਾ। ਇਸ ਤਸਵੀਰ ਵਿੱਚ ਜੱਜਿੰਗ ਪੈਨਲ 'ਚ ਦੋ ਨਵੇਂ ਚਿਹਰੇ ਨਜ਼ਰ ਆਏ-ਬਾਲੀਵੁੱਡ ਅਦਾਕਾਰਾ ਆਲੀਆ ਭੱਟ ਅਤੇ ਸ਼ਰਵਰੀ।ਸੋਸ਼ਲ ਮੀਡੀਆ ਯੂਜ਼ਰਜ਼ ਦਾ ਮੰਨਣਾ ਹੈ ਕਿ ਇਹ ਐਪੀਸੋਡ ਦੋਵਾਂ ਦੀ ਆਉਣ ਵਾਲੀ ਸਪਾਈ ਥ੍ਰਿਲਰ ਫਿਲਮ ਅਲਫਾ ਦੀ ਪ੍ਰਮੋਸ਼ਨ ਨਾਲ ਜੁੜਿਆ ਹੋ ਸਕਦਾ ਹੈ। ਕੁਝ ਫੈਨਜ਼ ਨੇ ਤਾਂ ਇਹ ਵੀ ਕਿਹਾ ਕਿ ਵਾਇਰਲ ਤਸਵੀਰ ਏ.ਆਈ. ਨਾਲ ਬਣਾਈ ਹੋ ਸਕਦੀ ਹੈ।ਸ਼ੋਅ ਦੀ ਵਾਪਸੀ ਨੂੰ ਲੈ ਕੇ ਦਰਸ਼ਕਾਂ ਵਿੱਚ ਕਾਫੀ ਉਤਸੁਕਤਾ ਹੈ ਅਤੇ ਹੁਣ ਸਭ ਦੀ ਨਜ਼ਰ ਇਸ ਗੱਲ 'ਤੇ ਹੈ ਕਿ ਨਵੇਂ ਸੀਜ਼ਨ ਵਿੱਚ ਹੋਰ ਕਿਹੜੇ ਸੈਲੀਬ੍ਰਿਟੀ ਨਜ਼ਰ ਆਉਣਗੇ।

ਦਿਲਜੀਤ ਦੋਸਾਂਝ ਔਰਾ ਵਰਲਡ ਟੂਰ 2026 ਕਰਕੇ ਆਪਣੀ ਆਉਣ ਵਾਲੀ ਫ਼ਿਲਮ "Main Vaapas Aaunga" ਦੇ ਟ੍ਰੇਲਰ ਲਾਂਚ 'ਚ ਸ਼ਾਮਲ ਨਹੀਂ ਹੋ ਸਕੇ। 19 ਮਈ ਨੂੰ ਮੁੰਬਈ ਵਿੱਚ ਹੋਏ ਟ੍ਰੇਲਰ ਲਾਂਚ ਦੌਰਾਨ ਦਿਲਜੀਤ ਦੀ ਗੈਰ-ਹਾਜ਼ਰੀ ਨੇ ਫੈਨਜ਼ ਅਤੇ ਮੀਡੀਆ ਨੂੰ ਹੈਰਾਨ ਕਰ ਦਿੱਤਾ। ਮਸ਼ਹੂਰ ਇਮਤਿਆਜ਼ ਅਲੀ ਦੁਆਰਾ ਨਿਰਦੇਸ਼ਿਤ, ਇਸ ਫਿਲਮ ਵਿੱਚ ਸ਼ਰਵਰੀ, ਵੇਦਾਂਗ ਰੈਨਾ ਅਤੇ ਪ੍ਰਸਿੱਧ ਨਸੀਰੂਦੀਨ ਸ਼ਾਹ ਵੀ ਹਨ।

ਲੁਧਿਆਣਾ ’ਚ ਪਿਛਲੇ ਛੇ ਦਿਨ ਪਹਿਲਾਂ ਗੰਨ ਪੁਆਇੰਟ ’ਤੇ ਅਗਵਾ ਹੋਈ ਪੰਜਾਬੀ ਗਾਇਕਾ ਇੰਦਰ ਕੌਰ ਉਰਫ ਯਸ਼ਿੰਦਰ ਕੌਰ ਦਾ ਕਤਲ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਦੱਸ ਦੇਈਏ ਕਿ ਗਾਇਕਾ ਦੀ ਲਾਸ਼ ਸਮਰਾਲਾ ਦੀ ਨੀਲੋਂ ਨਹਿਰ ’ਚੋਂ ਬਰਾਮਦ ਹੋਈ ਹੈ। ਪਰਿਵਾਰ ਨੂੰ ਸ਼ਨਾਖਤ ਦੇ ਲਈ ਬੁਲਾਇਆ ਗਿਆ ਹੈ, ਫਿਲਹਾਲ ਸਮਰਾਲਾ ਸਿਵਲ ਹਸਪਤਾਲ ਦੇ ਵਿੱਚ ਮ੍ਰਿਤਕ ਦੇਹ ਨੂੰ ਰਖਵਾਇਆ ਗਿਆ ਹੈ।

ਅਦਾਕਾਰਾ ਨੇਹਾ ਧੂਪੀਆ ਅਤੇ ਅੰਗਦ ਬੇਦੀ ਪਹਿਲੀ ਵਾਰ ਇਕ ਸ਼ੋਅ ਵਿੱਚ ਇਕੱਠੇ ਦਿਖਾਈ ਦੇਣਗੇ। ਦੋਵਾਂ ਨੇ ਆਪਣੇ ਨਵੇਂ ਸ਼ੋਅ 'ਡਬਲ ਡੇਟ' ਦੇ ਟ੍ਰੇਲਰ ਨੂੰ ਰਿਲੀਜ਼ ਕਰ ਦਿੱਤਾ ਹੈ, ਜਿਸ ਵਿੱਚ ਨੇਹਾ ਅਤੇ ਅੰਗਦ ਹੋਸਟ ਦੇ ਤੌਰ 'ਤੇ ਨਜ਼ਰ ਆਉਣਗੇ।

ਵਿਰਾਟ ਕੋਹਲੀ ਬਾਰੇ ਚੱਲ ਰਹੇ ਇੰਸਟਾਗ੍ਰਾਮ ਵਿਵਾਦ ਨੇ ਹੋਰ ਡੂੰਘਾ ਮੋੜ ਲੈ ਲਿਆ ਹੈ, ਜਦੋਂਕਿ ਜਰਮਨ ਦੀ ਇਕ ਇਨਫੂਐਂਸਰ ਅਤੇ ਗਾਇਕਾ ਲੀਜ਼ਲਾਜ਼ ਨੇ ਇਸ ਤਰ੍ਹਾਂ ਦੇ ਦੋਸ਼ ਲਾ ਦਿੱਤੇ ਕਿ ਕੁਝ ਪੱਤਰਕਾਰਾਂ ਨੇ ਰਾਇਲ ਚੈਲੇਂਜਰਜ਼ ਦੇ ਸਟਾਰ ਨੂੰ ਜਨਤਕ ਤੌਰ' ਤੇ ਬਦਨਾਮ ਕਰਨ ਅਤੇ ਉਨ੍ਹਾਂ ਵਿਰੁੱਧ ਝੂਠੇ ਦੋਸ਼ ਲਗਾਉਣ ਲਈ ਉਨ੍ਹਾਂ ਕੋਲ ਪੈਸੇ ਦੀ ਪੇਸ਼ਕਸ਼ ਕੀਤੀ ਸੀ।

ਪੰਜਾਬੀ ਗਾਇਕ ਅਤੇ ਬਾਲੀਵੁੱਡ ਅਦਾਕਾਰ ਦਿਲਜੀਤ ਦੋਸਾਂਝ ਵੱਲੋਂ ਪੰਜਾਬ ਦੀ ਰਾਜਨੀਤੀ ਵਿੱਚ ਆਉਣ ਤੋਂ ਇਨਕਾਰ ਕਰਨ ਪਿੱਛੇ ਇੱਕ ਹੋਰ ਵੱਡਾ ਕਾਰਨ ਸਾਹਮਣੇ ਆਇਆ ਹੈ। ਜਾਣਕਾਰੀ ਮੁਤਾਬਕ ਦਿਲਜੀਤ ਦੋਸਾਂਝ ਹੁਣ ਭਾਰਤੀ ਨਾਗਰਿਕ ਨਹੀਂ ਰਹੇ ਅਤੇ ਉਹ ਸਾਲ 2022 ਵਿੱਚ ਅਮਰੀਕਾ ਦੀ ਨਾਗਰਿਕਤਾ ਹਾਸਲ ਕਰ ਚੁੱਕੇ ਹਨ।

ਫਿਲਮ ਐਂਡ ਟੈਲੀਵਿਜ਼ਨ ਇੰਸਟੀਚਿਊਟ ਆਫ ਇੰਡੀਆ ਦੀ ਇੱਕ ਵਿਦਿਆਰਥਣ ਦੀ ਲਘੂ ਫਿਲਮ 'ਪਰਛਾਵੇਂ ਮੱਸਿਆ ਰਾਤਾਂ ਦੇ' (Shadows of the Moonless Nights) ਦੀ ਚੋਣ 2026 ਕਾਨਸ ਫਿਲਮ ਫੈਸਟੀਵਲ ਦੇ 'ਲਾ ਸਿਨੇਫ' ਮੁਕਾਬਲੇ ਵਾਲੇ ਸੈਕਸ਼ਨ ਲਈ ਕੀਤੀ ਗਈ ਹੈ। ਮੇਹਰ ਮਲਹੋਤਰਾ ਵਲੋਂ ਨਿਰਦੇਸ਼ਤ ਇਹ 24 ਮਿੰਟ ਦੀ ਫਿਲਮ 14 ਲਾਈਵ-ਐਕਸ਼ਨ ਅਤੇ ਪੰਜ ਐਨੀਮੇਟਡ ਲਘੂ ਫਿਲਮਾਂ ਦੀ ਲਾਈਨ-ਅਪ ਦਾ ਹਿੱਸਾ ਹੈ, ਜੋ ਫਿਲਮ ਸਕੂਲਾਂ ਦੀਆਂ ਫਿਕਸ਼ਨ ਜਾਂ ਐਨੀਮੇਟਡ ਫਿਲਮਾਂ ਨੂੰ ਪ੍ਰਦਰਸ਼ਿਤ ਕਰਨ ਲਈ ਸਮਰਪਿਤ ਹੈ।ਕਾਨਸ ਫਿਲਮ ਫੈਸਟੀਵਲ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਇਸ ਸਾਲ ਦੇ ਐਡੀਸ਼ਨ ਲਈ ਦੁਨੀਆ ਭਰ ਦੇ ਫਿਲਮ ਸਕੂਲਾਂ ਤੋਂ 2,750 ਐਂਟਰੀਆਂ ਪ੍ਰਾਪਤ ਹੋਈਆਂ ਸਨ। ਬਿਆਨ ਵਿੱਚ ਅੱਗੇ ਦੱਸਿਆ ਗਿਆ ਕਿ ਚੁਣੀਆਂ ਗਈਆਂ ਫਿਲਮਾਂ 12 ਮਹਿਲਾਵਾਂ ਅਤੇ ਨੌਂ ਪੁਰਸ਼ਾਂ ਵੱਲੋਂ ਨਿਰਦੇਸ਼ਿਤ ਹਨ, ਜੋ ਪੰਦਰਾਂ ਦੇਸ਼ਾਂ ਅਤੇ ਚਾਰ ਮਹਾਂਦੀਪਾਂ ਦੀ ਨੁਮਾਇੰਦਗੀ ਕਰਦੀਆਂ ਹਨ।