ਆਲੀਆ ਭੱਟ ਨੇ ਬਾਫਟਾ ਐਵਾਰਡ ਸਮਾਰੋਹ ਵਿੱਚ ਕੀਤੀ ਸ਼ਿਰਕਤ

ਲੰਡਨ ਦੇ ਰਾਇਲ ਫੈਸਟੀਵਲ ਹਾਲ ਵਿੱਚ 22 ਫਰਵਰੀ ਨੂੰ 79ਵੇਂ ਬਾਫਟਾ ਐਵਾਰਡਜ਼ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ। ਸਮਾਰੋਹ ਦੀ ਇਸ ਸ਼ਾਨਦਾਰ ਅਤੇ ਰੰਗੀਨੀਆਂ ਭਰੀ ਸ਼ਾਮ ਦੌਰਾਨ ਸੰਸਾਰ ਭਰ ਦੀਆਂ ਪ੍ਰਤੀਭਾਵਾਂ ਨੇ ਸ਼ਿਰਕਤ ਕੀਤੀ।

ਇਨ੍ਹਾਂ ਵਿੱਚ ਬਾਲੀਵੁੱਡ ਸਟਾਰ ਆਲੀਆ ਭੱਟ ਦੇ ਨਾਲ ਫਰਹਾਨ ਅਖਤਰ, ਸ਼ਿਬਾਨੀ ਦਾਂਡੇਕਰ ਵੀ ਸ਼ਾਮਲ ਸਨ। ਆਲੀਆ ਭੱਟ ਵਿਸ਼ੇਸ਼ ਤੌਰ ਤੇ ਡਿਜ਼ਾਇਨ ਕੀਤੇ ਗਏ ਚਾਂਦੀ ਰੰਗੇ ਗੁਚੀ ਗਾਊਨ ਵਿੱਚ ਸਾਰਿਆਂ ਦਾ ਧਿਆਨ ਖਿੱਚ ਰਹੀ ਸੀ। ਉਸ ਦਾ ਹਾਈ ਨੈਕ ਵਾਲਾ ਗਾਊਨ ਸਮਾਗਮ ਵਿੱਚ ਲਾਲ ਕਾਲੀਨ ਤੇ ਵਿਸ਼ੇਸ਼ ਤੌਰ ਤੇ ਜਗਮਗਾ ਰਿਹਾ ਸੀ।

ਇਸ ਸਮਾਰੋਹ ਵਿੱਚ ਸਿਲੀਅਨ ਮਰਫੀ,ਬ੍ਰਾਇਨ ਕ੍ਰੈਨਸਟਨ,ਕੇਟ ਹਡਸਨ, ਅਲੀਸੀਆ ਵਿਕੈਂਡਰ, ਗਿਲੀਅਨ ਐਂਡਰਸਨ, ਗਲੇਨ ਕਲੋਜ਼, ਕੈਰਨ ਗਿਲਨ, ਮਾਈਕਲ ਬੀ. ਜੌਰਡਨ, ਰਿਜ਼ ਅਹਿਮਦ ਅਤੇ ਸਟੋਰਮਜ਼ੀ ਨੇ ਵੀ ਆਪਣੀ ਪੇਸ਼ਕਾਰੀ ਦਿੱਤੀ।