15.04C Vancouver 15.04C VancouverJun 19, 2025 12:43 PM - Connect Newsroom
ਵੱਖਰੇ ਅੰਦਾਜ਼ ਦੀਆਂ ਫਿਲਮਾਂ ਬਣਾਉਣ ਲਈ ਚਰਚਿਤ ਆਮਿਰ ਖਾਨ ਦੀ ਫਿਲਮ ਸਿਤਾਰੇ ਜ਼ਮੀਨ ਪਰ ਨੂੰ ਸੈਂਟਰਲ ਬੋਰਡ ਆਫ ਸਰਟੀਫਿਕੇਸ਼ਨ ਨੇ ਬਿਨਾਂ ਕਿਸੇ ਕੱਟ ਤੋਂ ਹਰੀ ਝੰਡੀ ਦੇ ਦਿੱਤੀ ਹੈ। ਇਸ ਤੋਂ ਪਹਿਲਾਂ ਕੁਝ ਅਜਿਹੀਆਂ ਰਿਪੋਰਟਾਂ ਵੀ ਮੀਡੀਆ 'ਚ ਆਈਆਂ ਸਨ ਕਿ ਬੋਰਡ ਵਲੋਂ ਕੁਝ ਕੱਟ ਲਾਉਣ ਦੇ ਸੁਝਾਅ ਤੇ ਆਪਸ ਵਿਚ ਵਿਵਾਦ ਵੀ ਪੈਦਾ ਹੋ ਗਿਆ।
ਬੋਰਡ ਅਧਿਕਾਰੀਆਂ ਨਾਲ ਮੀਟਿੰਗ ਤੋਂ ਬਾਅਦ ਆਖਰਕਾਰ ਇਹ ਮਾਮਲਾ ਸੁਲਝ ਗਿਆ ਅਤੇ ਫਿਲਮ ਦੇ ਰਿਲੀਜ਼ ਲਈ ਰਾਹ ਪੱਧਰਾ ਹੋ ਗਿਆ। ਇਹ ਫਿਲਮ 20 ਜੂਨ ਨੂੰ ਵੱਡੇ ਪਰਦੇ 'ਤੇ ਉਤਰੇਗੀ। ਇਹ ਫਿਲਮ 2007 ਵਿੱਚ ਹਿੱਟ ਹੋਈ 'ਤਾਰੇ ਜ਼ਮੀਨ ਪਰ' ਦਾ ਅਧਿਆਤਮਕ ਰੰਗ ਵਾਲਾ ਨਵਾਂ ਰੂਪ ਹੈ।
ਫਿਲਮ ਨੂੰ ਆਰ.ਐਸ.ਪ੍ਰਸੰਨਾ ਨੇ ਨਿਰਦੇਸ਼ਤ ਕੀਤਾ ਹੈ ਅਤੇ ਫਿਲਮ 'ਚ ਆਮਿਰ ਖਾਨ ਨਿਰਾਸ਼ਾ ਵਿੱਚ ਡੂਬੇ ਇਕ ਬਾਸਕਟਬਾਲ ਕੋਚ ਦੀ ਭੂਮਿਕਾ 'ਚ ਦਿਖਾਈ ਦੇਣਗੇ। ਬਾਸਕਟਬਾਲ ਕੋਚ ਨੂੰ ਕਿਸੇ ਮਾਮਲੇ 'ਚ ਸਜ਼ਾ ਤੋਂ ਬਾਅਦ ਮਾਨਸਿਕ ਤੌਰ ਤੇ ਪੀੜਤ ਬਾਲਗਾਂ ਨੂੰ ਸਿੱਖਿਆ ਦੇਣ ਲਈ ਨਿਯੁਕਤ ਕੀਤਾ ਜਾਂਦਾ ਹੈ।
ਆਮਿਰ ਖਾਨ ਦੇ ਪ੍ਰੋਡਕਸ਼ਨ ਹੇਠ ਬਣਨ ਵਾਲੀ ਇਸ ਫਿਲਮ 'ਚ ਜੇਨੇਲੀਆ ਦੇਸ਼ ਮੁਖ ਇਕ ਪ੍ਰਮੁੱਖ ਭੂਮਿਕਾ 'ਚ ਹੈ। ਇਸ 'ਚ 10 ਨਵੇਂ ਕਲਾਕਾਰ ਵੀ ਹਨ। ਫਿਲਮ 'ਚ ਆਮਿਰ ਖਾਨ ਦੀ 90 ਸਾਲਾ ਮਾਂ ਜੀਨਤ ਹੁਸੈਨ ਉਸ ਦੀ ਭੈਣ ਨਿਖਿਤ ਹੇਗੜੇ ਨਾਲ ਪਹਿਲੀ ਵਾਰ ਪਰਦੇ ਤੇ ਦਿਖਾਈ ਦੇਣਗੀਆਂ।
