14.44C Vancouver 14.44C VancouverApr 25, 2025 5:29 PM - Connect Newsroom
ਭਾਰਤ ਵਲੋਂ ਪਹਿਲਗਾਮ ਹਮਲੇ ਤੋਂ ਬਾਅਦ ਅਪਣਾਏ ਗਏ ਸਖਤ ਡਿਪਲੋਮੈਂਟਿਕ ਅਤੇ ਸਿਆਸੀ ਰੁਖ ਦੇ ਨਤੀਜੇ ਵਜੋਂ ਹੁਣ 'ਅਬੀਰ ਗੁਲਾਲ' ਵੀ ਸੰਕਟ 'ਚ ਘਿਰ ਗਈ ਹੈ। ਪ੍ਰਸਿੱਧ ਪਾਕਿਸਤਾਨੀ ਅਭਿਨੇਤਾ ਫਵਾਦ ਖਾਨ ਦੀ ਇਹ ਫ਼ਿਲਮ ਸ਼ਾਇਦ ਹੁਣ ਭਾਰਤੀ ਸਿਨੇਮਾ 'ਚ ਰਿਲੀਜ਼ ਨਹੀਂ ਹੋ ਸਕੇਗੀ। ਅਜਿਹਾ ਭਾਰਤ ਵਲੋਂ ਪਹਿਲਗਾਮ ਦੇ ਹਮਲੇ ਪ੍ਰਤੀ ਪ੍ਰਗਟਾਈ ਸਖਤ ਪ੍ਰਕਿਰਿਆ ਤੋਂ ਬਾਅਦ ਹੋਇਆ ਹੈ।
ਜ਼ਿਕਰਯੋਗ ਹੈ ਕਿ ਉਕਤ ਹਮਲੇ 'ਚ 26 ਭਾਰਤੀ ਸ਼ਹਿਰੀਆਂ ਦੀ ਮੌਤ ਹੋ ਗਈ ਸੀ। ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੇ ਸੀਨੀਅਰ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ 9 ਮਈ ਨੂੰ ਰਿਲੀਜ਼ ਹੋਣ ਵਾਲੀ 'ਅਬੀਰ ਗੁਲਾਲ' ਨੂੰ ਇਕ ਵੱਡੀ ਰਣਨੀਤਿਕ ਜਵਾਬੀ ਕਾਰਵਾਈ ਦੇ ਚੱਲਦਿਆਂ ਸਕ੍ਰੀਨਿੰਗ ਕਾਰਵਾਈ ਤੋਂ ਰੋਕ ਦਿੱਤਾ ਗਿਆ ਹੈ।
ਆਰਤੀ ਐਸ ਬਾਗਦੀ ਵਲੋਂ ਨਿਰਦੇਸ਼ਤ ਇਸ ਫਿਲਮ 'ਚ ਭਾਰਤੀ ਅਭਿਨੇਤਰੀ ਵਾਣੀ ਕਪੂਰ ਦੀ ਪ੍ਰਮੁੱਖ ਭੂਮਿਕਾ ਹੈ। ਉਮੀਦ ਸੀ ਕਿ 'ਅਬੀਰ ਗੁਲਾਲ' ਇਕ ਵਿਲੱਖਣ ਸਿਨੇਮੈਟਿਕ ਸਹਿਯੋਗ ਬਣੇਗੀ ਪਰ ਮੌਜੂਦਾ ਮਾਹੌਲ 'ਚ ਇਹ ਪ੍ਰਾਜੈਕਟ ਲਟਕਣ ਦੀ ਸੰਭਾਵਨਾ ਬਣ ਗਈ ਹੈ।
