25.37C Vancouver 25.37C VancouverAug 17, 2022 12:32 PM - ANI
ਬਾਲੀਵੁੱਡ ਅਦਾਕਾਰਾ ਸ਼ੈਫਾਲੀ ਸ਼ਾਹ ਦੀ ਕੋਵਿਡ-19 ਟੈਸਟ ਰਿਪੋਰਟ ਪਾਜ਼ੇਟੀਵਿ ਆਈ ਹੈ। ਹਾਲ ਹੀ ਵਿਚ ਆਲੀਆ ਭੱਟ ਦੀ ਫਿਲਮ ਡਾਰਲਿੰਗਜ਼ ਵਿਚ ਨਜ਼ਰ ਆਈ ਅਦਾਕਾਰਾ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ।
ਸ਼ੈਫਾਲੀ ਨੇ ਇਸ ਬਾਰੇ ਆਪਣੇ ਇੰਸਟਾਗ੍ਰਾਮ ਹੈਂਡਲ 'ਤੇ ਪੋਸਟ ਪਾ ਕੇ ਜਾਣਕਾਰੀ ਦਿੱਤੀ ਹੈ।
ਉਨ੍ਹਾਂ ਲਿਖਿਆ, ''ਮੈਂ ਕੋਵਿਡ-19 ਨਾਲ ਪਾਜ਼ੇਟਿਵ ਹੋ ਗਈ ਹਾਂ ਅਤੇ ਖੁਦ ਨੂੰ ਤੁਰੰਤ ਘਰ ਵਿਚ ਕੁਆਰੰਟੀਨ ਕਰ ਲਿਆ ਹੈ।'' ਉਨ੍ਹਾਂ ਕਿਹਾ ਕਿ ਡਾਕਟਰਾਂ ਦੀ ਸਲਾਹ ਤਹਿਤ ਸਾਰੇ ਸੇਫਟੀ ਪ੍ਰੋਟੋਕਾਲਸ ਦਾ ਧਿਆਨ ਰੱਖ ਰਹੀ ਹਾਂ।
ਸ਼ੈਫਾਲੀ ਸ਼ਾਹ ਨੇ ਉਨ੍ਹਾਂ ਦੇ ਸੰਪਰਕ ਵਿਚ ਆਏ ਲੋਕਾਂ ਨੂੰ ਵੀ ਜਲਦ ਤੋਂ ਜਲਦ ਟੈਸਟ ਕਰਵਾਉਣ ਦੀ ਅਪੀਲ ਕੀਤੀ ਹੈ।
ਸ਼ੈਫਾਲੀ ਵੱਲੋਂ ਕੋਰੋਨਾ ਪਾਜ਼ੇਟਿਵ ਹੋਣ ਦੀ ਪੋਸਟ ਪਾਏ ਜਾਣ ਮਗਰੋਂ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਤੇ ਸ਼ੁਭਚਿੰਤਕਾਂ ਨੇ ਸੋਸ਼ਲ ਮੀਡੀਆ 'ਤੇ ਕੁਮੈਂਟ ਸੈਕਸ਼ਨ ਵਿਚ ਉਨ੍ਹਾਂ ਦੇ ਜਲਦ ਠੀਕ ਹੋਣ ਦੀ ਕਾਮਨਾ ਕੀਤੀ ਹੈ। ਇਨ੍ਹਾਂ ਵਿਚ ਅਚਿੰਤ ਕੌਰ, ਸਬਾ ਪਟੌਦੀ, ਗੁਰਪ੍ਰੀਤ ਕੌਰ ਚੱਢਾ ਸ਼ਾਮਲ ਸਨ।
ਗੌਰਤਲਬ ਹੈ ਕਿ ਡਾਰਲਿੰਗਜ਼ ਵਿਚ ਕੰਮ ਕਰਨ ਮਗਰੋਂ ਆਉਣ ਵਾਲੇ ਦਿਨਾਂ ਵਿਚ ਸ਼ੈਫਾਲੀ 'ਦਿੱਲੀ ਕ੍ਰਾਈਮ 2' ਅਤੇ 'ਡਾਕਟਰ ਜੀ' ਵਰਗੀਆਂ ਫਿਲਮਾਂ ਵਿਚ ਨਜ਼ਰ ਆਉਣ ਵਾਲੀ ਹੈ। 'ਦਿੱਲੀ ਕ੍ਰਾਈਮ ਸੀਜ਼ਨ-2' ਨੈੱਟਫਲਿਕਸ 'ਤੇ 26 ਅਗਸਤ ਨੂੰ ਰਿਲੀਜ਼ ਹੋਵੇਗੀ, ਜਦੋਂ ਕਿ 'ਡਾਕਟਰ ਜੀ' 3 ਦਸੰਬਰ ਨੂੰ ਆਵੇਗੀ।
