ਗਾਇਕਾ ਅਡੈਲ ਨੇ ਤੋੜਿਆ ਪੂਰੇ ਸਾਲ ਦਾ ਰਿਕਾਰਡ

ਬ੍ਰਿਟਿਸ਼ ਗਾਇਕਾ ਅਤੇ ਗੀਤਕਾਰ ਅਡੈਲ ਦੀ ਨਵੀਂ ਐਲਬਮ '30' ਜੋ ਸਿਰਫ਼ ਤਿੰਨ ਦਿਨਾਂ ਪਹਿਲਾਂ ਹੀ ਰੀਲੀਜ਼ ਹੋਈ ਹੈ, ਹੁਣ 2021 ਦੀ ਸੱਭ ਤੋਂ ਵੱਧ ਵਿਕਣ ਵਾਲੀ ਐਲਬਮ ਬਣ ਗਈ ਹੈ। ਵੈਰਾਇਟੀ ਮੈਗਜ਼ੀਨ ਅਨੁਸਾਰ, ਬਿਲਬੋਰਡ ਚਾਰਟ ਦੀਆਂ ਸ਼ੁਰੂਆਤੀ ਰਿਪੋਰਟਾਂ ਸੁਝਾਅ ਦਿੰਦੀਆਂ ਹਨ ਕਿ ਐਲਬਮ, ਜੋ ਸ਼ੁੱਕਰਵਾਰ ਨੂੰ ਸਵੇਰੇ 12 ਵਜੇ ਈ. ਟੀ 'ਤੇ ਰਿਲੀਜ਼ ਕੀਤੀ ਗਈ ਸੀ, ਨੇ ਐਤਵਾਰ ਨੂੰ ਵਿਕਰੀ ਵਿੱਚ 5 ਲੱਖ ਦਾ ਅੰਕੜਾ ਪਾਰ ਕਰ ਲਿਆ ਹੈ ਜਿਸ ਨਾਲ ਇਹ ਪਿੱਛਲੇ 11 ਮਹੀਨਿਆਂ ਦੀ ਸੱਭ ਤੋਂ ਵੱਧ ਵਿਕਣ ਵਾਲੀ ਐਲਬਮ ਬਣ ਗਈ ਹੈ।

ਇਸ ਐਲਬਮ ਨੇ ਪਿਛਲੇ ਸਾਲ ਦੀ ਸਭ ਤੋਂ ਵੱਧ ਵਿਕਣ ਵਾਲੀ, ਟੇਲਰ ਸਵਿਫਟ ਦੀ 'ਐਵਰਮੋਰ' ਦੇ ਰਿਕਾਰਡ ਨੂੰ ਵੀ ਪਛਾੜ ਦਿੱਤਾ ਹੈ, ਜਿਸ ਦੀਆਂ ਹੁਣ ਤੱਕ 462,000 ਕਾਪੀਆਂ ਵਿਕੀਆਂ ਹਨ।