15.64C Vancouver 15.64C VancouverMay 21, 2025 12:54 PM - Connect Newsroom
ਇਕ ਹੈਰਾਨੀਜਨਕ ਘਟਨਾਚੱਕਰ 'ਚ ਤਜ਼ਰਬੇਕਾਰ ਅਭਿਨੇਤਾ ਪਰੇਸ਼ ਰਾਵਲ 'ਹੇਰਾਫੇਰੀ 3' ਤੋਂ ਪਾਸੇ ਹੱਟ ਗਿਆ, ਜਿਸ ਕਾਰਨ ਇਸ ਕਾਮੇਡੀ ਦੇ ਪ੍ਰਸ਼ੰਸਕਾਂ ਨੂੰ ਕਾਫੀ ਝਟਕਾ ਲੱਗਾ। ਫਿਲਮ ਦੇ ਨਿਰਮਾਤਾ ਪ੍ਰਿਯਦਰਸ਼ਨ ਹੋਰ ਵੀ ਹੈਰਾਨ ਹੋ ਗਏ। 'ਹੇਰਾਫੇਰੀ 3' 'ਚ ਫਿਲਮ ਦੀ ਅਸਲੀ ਤਿਕੜੀ ਅਕਸ਼ੈ ਕੁਮਾਰ, ਸੁਨੀਲ ਸ਼ੈਟੀ ਅਤੇ ਪਰੇਸ਼ ਰਾਵਲ ਨੂੰ ਇਕ ਵਾਰ ਫਿਰ ਇਕੱਠੇ ਦਰਸਾਇਆ ਜਾ ਰਿਹਾ ਸੀ। ਇਹ ਤਿੰਨੇ ਨਾਅ ਹੇਰਾਫੇਰੀ '2000' ਅਤੇ ਫਿਰ ਇਸ ਦੇ ਸੀਕਵਲ ਦੀ ਸਫਲਤਾ ਤੋਂ ਬਾਅਦ ਬਹੁਤ ਚਰਚਿਤ ਹੋ ਗਏ ਸਨ।
ਇਸ ਬਾਰੇ ਤਣਾਅ ਉਦੋਂ ਹੋਰ ਵਧ ਗਿਆ ਜਦੋਂ ਪਤਾ ਲੱਗਾ ਕਿ ਜਦੋਂਕਿ ਅਕਸ਼ੈ ਕੁਮਾਰ ਜੋ ਕਿ 'ਹੇਰਾਫੇਰੀ 3' ਦਾ ਨਿਰਮਾਣ ਕਰ ਰਿਹਾ ਹੈ ਨੇ ਪਰੇਸ਼ ਰਾਵਲ ਵਿਰੁੱਧ ਕਾਨੂੰਨੀ ਮੁਕੱਦਮਾ ਠੋਕ ਦਿੱਤਾ ਹੈ। ਅਕਸ਼ੈ ਕੁਮਾਰ ਨੇ ਪਰੇਸ਼ ਵਿਰੁੱਧ 25 ਕਰੋੜ ਰੁਪਏ ਦਾ ਮੁਕੱਦਮਾ ਦਾਇਰ ਕੀਤਾ ਹੈ ਅਤੇ ਕਿਹਾ ਹੈ ਕਿ ਉਸ ਨੇ ਫਿਲਮ ਦੀ ਸ਼ੂਟਿੰਗ ਅੱਧ ਵਿਚਾਲੇ ਛੱਡ ਕੇ ਗੈਰ ਪੇਸ਼ੇਵਰ ਤਰੀਕਾ ਅਪਣਾਇਆ ਹੈ।
