ਅਕਸ਼ੈ ਖੰਨਾ ਦੀ 'ਧੁਰੰਧਰ 2' ਵਿੱਚ ਹੋ ਸਕਦੀ ਹੈ ਵਾਪਸੀ

ਬਾਲੀਵੁੱਡ ਅਭਿਨੇਤਾ ਅਕਸ਼ੈ ਖੰਨਾ ਇਨ੍ਹੀਂ ਦਿਨੀਂ 'ਧੁਰੰਧਰ' ਫਿਲਮ ਵਿੱਚ ਆਪਣੀ ਸਫਲਤਾ ਨੂੰ ਲੈ ਕੇ ਕਾਫੀ ਖੁਸ਼ੀ ਦਿਖਾਈ ਦੇ ਰਹੇ ਹਨ। ਇਸ ਫਿਲਮ ਵਿੱਚ ਅਕਸ਼ੈ ਨੇ ਰਹਿਮਾਨ ਡਕੈਤ ਦੀ ਭੂਮਿਕਾ ਨਿਭਾਈ ਸੀ, ਜਿਸ ਨੂੰ ਦਰਸ਼ਕਾਂ ਨੇ ਬਹੁਤ ਜ਼ਿਆਦਾ ਪਸੰਦ ਕੀਤਾ, ਕੁਝ ਲੋਕ ਤਾਂ ਇਹ ਵੀ ਸੋਚਦੇ ਸਨ ਕਿ ਸ਼ਾਇਦ ਅਕਸ਼ੈ ਰਣਵੀਰ ਸਿੰਘ ਵੱਧ ਤੋਂ ਪ੍ਰਸਿੱਧੀ ਖੱਟ ਰਿਹਾ ਹੈ।

ਇਨ੍ਹੀਂ ਦਿਨੀਂ ਪ੍ਰਸ਼ੰਸਕਾਂ ਵਿੱਚ ਇਹ ਚਰਚਾ ਵੀ ਚੱਲ ਰਹੀ ਹੈ ਕਿ ਅਕਸ਼ੈ ਖੰਨਾ 'ਧੁਰੰਧਰ 2' ਵਿੱਚ ਵੀ ਨਜ਼ਰ ਆਏਗਾ। ਇਸ ਸੰਬੰਧ ਵਿੱਚ ਕੁਝ ਰਿਪੋਰਟਾਂ ਤੋਂ ਇਸ਼ਾਰਾ ਮਿਲਿਆ ਹੈ ਕਿ ਅਕਸ਼ੈ ਖੰਨਾ ਇਸ ਫਿਲਮ ਵਿੱਚ ਵੀ ਇਕ ਅਹਿਮ ਕਿਰਦਾਰ ਨਿਭਾਅ ਸਕਦੇ ਹਨ। 'ਧੁਰੰਧਰ' ਦਾ ਨਿਰਦੇਸ਼ਨ ਆਦਿਤਿਆ ਧਰ ਨੇ ਕੀਤਾ ਅਤੇ ਇਸ ਵਿੱਚ ਸੰਜੈ ਦੱਤ ਦੇ ਨਾਲ-ਨਾਲ ਅਰਜਨ ਰਾਮ ਪਾਲ ਵੀ ਸ਼ਾਮਲ ਰਹੇ ਅਤੇ ਫਿਲਮ ਬਾਕਸ ਆਫਿਸ 'ਤੇ ਹਿੱਟ ਰਹੀ।