12.72C Vancouver 12.72C VancouverAug 2, 2022 12:34 PM - ANI
ਆਲੀਆ ਭੱਟ ਦੀ ਫਿਲਮ 'ਗੰਗੂਬਾਈ' ਨੇ ਇੰਡੀਅਨ ਫਿਲਮ ਫੈਸਟੀਵਲ ਆਫ ਮੈਲਬੋਰਨ (ਆਈ. ਐੱਫ. ਐੱਫ. ਐੱਫ.) ਐਵਾਰਡਸ 2022 ਲਈ ਨੋਮੀਨੇਸ਼ਨ ਦੇ ਟਾਪ ਵਿਚ ਜਗ੍ਹਾ ਬਣਾਈ ਹੈ। ਸੰਜੇ ਲੀਲਾ ਭੰਸਾਲੀ ਦੇ ਨਿਰਦੇਸ਼ਨ ਵਿਚ ਬਣੀ ਇਸ ਫਿਲਮ ਨੂੰ ਤਿੰਨ ਕੈਟਾਗਿਰੀਜ਼- ਸਰਵੋਤਮ ਫਿਲਮ, ਸਰਵੋਤਮ ਅਭਿਨੇਤਰੀ ਤੇ ਸਰਵੋਤਮ ਨਿਰਦੇਸ਼ਕ ਵਿਚ ਨੋਮੀਨੇਟ ਕੀਤਾ ਗਿਆ ਹੈ।
ਸਰਵੋਤਮ ਫਿਲਮ ਪੁਰਸਕਾਰ ਲਈ ਰਣਵੀਰ ਸਿੰਘ ਦੀ ਸਪੋਰਟਸ ਡਰਾਮਾ '83' ਅਤੇ ਸੂਰੀਆ ਦੀ ਜੈ ਭੀਮ ਦਾ 'ਗੰਗੂਬਾਈ' ਨਾਲ ਮੁਕਾਬਲਾ ਹੋਵੇਗਾ। ਆਲੀਆ ਤੋਂ ਇਲਾਵਾ, ਦੀਪਿਕਾ ਪਾਦੂਕੋਣ ਅਤੇ ਵਿਦਿਆ ਬਾਲਨ ਵੀ ਆਪਣੀ-ਆਪਣੀ ਫਿਲਮ 'ਗਹਿਰਾਈਆਂ' ਅਤੇ 'ਜਲਸਾ' ਲਈ ਸਰਵੋਤਮ ਅਭਿਨੇਤਰੀ ਦੇ ਪੁਰਸਕਾਰ ਦੀ ਦੌੜ ਵਿਚ ਹਨ।
ਸਰਵੋਤਮ ਅਦਾਕਾਰ ਦੀ ਸ਼੍ਰੇਣੀ ਲਈ ਰਣਵੀਰ ਸਿੰਘ (83), ਅਭਿਸ਼ੇਖ ਬੱਚਨ (ਦਾਸਵੀ) ਅਤੇ ਵਿੱਕੀ ਕੌਸ਼ਲ (ਸਰਦਾਰ ਊਧਮ) ਨੋਮੀਨੇਟ ਕੀਤੇ ਗਏ ਹਨ।
ਇਸ ਮਹੀਨੇ ਹੋਣ ਵਾਲਾ ਇੰਡੀਅਨ ਫਿਲਮ ਫੈਸਟੀਵਲ ਆਫ ਮੈਲਬੋਰਨ ਦਾ ਇਹ 13ਵਾਂ ਸੰਸਕਰਣ ਹੈ। ਇਸ ਤੋਂ ਪਹਿਲਾਂ ਪਿਛਲੇ ਦੋ ਸਾਲਾਂ ਤੋਂ ਇਹ ਪੂਰੀ ਤਰ੍ਹਾਂ ਵਰਚੁਅਲ ਹੋਇਆ ਸੀ। ਇਸ ਸਾਲ ਇਹ 12 ਤੋਂ 20 ਅਗਸਤ ਨੂੰ ਹੋ ਰਿਹਾ ਹੈ ਅਤੇ ਆਸਟ੍ਰੇਲੀਆ ਦੇ ਦਰਸ਼ਕਾਂ ਲਈ 13 ਤੋਂ 30 ਅਗਸਤ ਵਿਚਕਾਰ ਵਿਸ਼ੇਸ਼ ਤੌਰ 'ਤੇ ਵਰਚੁਅਲ ਵੀ ਪ੍ਰਸਾਰਿਤ ਹੋਵੇਗਾ।
ਇਸ ਸਾਲ ਫੈਸਟੀਵਲ ਵਿਚ 23 ਭਾਸ਼ਾਵਾਂ ਵਿਚ 100 ਤੋਂ ਵੱਧ ਫਿਲਮਾਂ ਸ਼ਾਮਲ ਕੀਤੀਆਂ ਜਾ ਰਹੀਆਂ ਹਨ। ਪੁਰਸਕਾਰ ਵੰਡ ਸਮਾਰੋਹ 14 ਅਗਸਤ ਨੂੰ ਮੈਲਬੋਰਨ ਵਿਚ ਹੋਵੇਗਾ। ਇਸ ਸਾਲ ਦੇ ਨੋਮੀਨੇਸ਼ਨਸ ਵਿਚ ਅਗਸਤ 2021 ਤੋਂ ਅਪ੍ਰੈਲ 2022 ਦਰਮਿਆਨ ਰਿਲੀਜ਼ ਹੋਈਆਂ ਫ਼ਿਲਮਾਂ ਅਤੇ ਕੰਟੈਂਟ ਦੇਖਣ ਨੂੰ ਮਿਲਣਗੇ।
