ਅਮਿਤਾਭ ਬੱਚਨ ਸੂਰਤ ਵਿੱਚ ਕਸੂਤੇ ਫਸੇ

ਅਮਿਤਾਭ ਬੱਚਨ ਪਿਛਲੇ ਦਿਨੀਂ ਸੂਰਤ ਵਿੱਚ ਉਸ ਵੇਲੇ ਕਸੂਤੀ ਸਥਿਤੀ ਵਿੱਚ ਫਸ ਗਏ ਜਦੋਂ ਉਨ੍ਹਾਂ ਨੂੰ ਇਕ ਵੱਡੀ ਭੀੜ ਨੇ ਘੇਰ ਲਿਆ। ਅਮਿਤਾਭ ਬੱਚਨ ਸੂਰਤ ਵਿੱਚ ਇੰਡੀਅਨ ਸਟ੍ਰੀਟ ਪ੍ਰੀਮੀਅਰ ਲੀਗ ਸੀਜ਼ਨ 3 ਦੇ ਉਦਘਾਟਨੀ ਸਮਾਰੋਹ ਵਿੱਚ ਸ਼ਾਮਲ ਹੋਣ ਲਈ ਗਏ ਸਨ। ਇਸ ਸਮਾਗਮ ਵਿੱਚ ਬਹੁਤ ਸਾਰੇ ਪ੍ਰਸਿੱਧ ਕ੍ਰਿਕਟਰ ਅਤੇ ਫਿਲਮੀ ਸਿਤਾਰੇ ਵੀ ਮੌਜੂਦ ਸਨ।

ਅਮਿਤਾਭ ਬੱਚਨ ਆਪਣੇ ਦੋਸਤ ਕਾਰੋਬਾਰੀ ਸੁਨੀਲ ਸ਼ਾਹ ਨੂੰ ਮਿਲਣ ਲਈ ਉਨ੍ਹਾਂ ਦੇ ਘਰ ਜਾ ਰਹੇ ਸਨ ਜਿੱਥੇ ਕਿ ਬਹੁਤ ਭਾਰੀ ਭੀੜ ਇਕੱਠੀ ਹੋ ਗਈ ਅਤੇ ਅਮਿਤਾਭ ਲਈ ਮੁਸ਼ਕਲ ਸਥਿਤੀ ਬਣ ਗਈ। ਸੂਰਤ ਏਅਰਪੋਰਟ ਤੇ ਪਹੁੰਚਣ ਤੋਂ ਬਾਅਦ ਉਹ ਸਿੱਧੇ ਸੁਨੀਲ ਦੇ ਘਰ ਗਏ,ਜਿੱਥੇ ਬਹੁਤ ਜ਼ਿਆਦਾ ਉਤਸ਼ਾਹਤ ਪ੍ਰਸ਼ੰਸਕਾਂ ਨੇ ਉਸ ਨੂੰ ਘੇਰ ਲਿਆ। ਹਫੜਾ-ਦਫੜੀ ਵਿੱਚ ਸ਼ੀਸ਼ੇ ਦਾ ਗੇਟ ਟੁੱਟ ਗਿਆ, ਜਿਸ ਨਾਲ ਕੁਝ ਲੋਕਾਂ ਨੂੰ ਮਾਮੂਲੀ ਸੱਟਾਂ ਵੀ ਲੱਗੀਆਂ।

ਇੰਨੀ ਜ਼ਿਆਦਾ ਭਾਜੜ ਪੈ ਗਈ ਕਿ ਸਥਿਤੀ ਤੇ ਕਾਬੂ ਪਾਉਣ ਲਈ ਪੁਲਿਸ ਨੂੰ ਦਖਲ ਦੇਣਾ ਪਿਆ। ਪ੍ਰਸ਼ੰਸਕਾਂ ਦਾ ਵਿਵਹਾਰ ਬਹੁਤ ਜ਼ਿਆਦਾ ਉਤਸੁਕਤਾ ਵਾਲਾ ਸੀ ਅਤੇ ਉਹ ਇਸ ਮਹਾਨ ਸਟਾਰ ਪ੍ਰਤੀ ਆਦਰ ਸਤਿਕਾਰ ਦੀਆਂ ਭਾਵਨਾਵਾਂ ਨੂੰ ਹੀ ਭੁੱਲ ਗਏ ਸਨ।