ਅਨੁਸ਼ਕਾ ਸ਼ਰਮਾ ਨੂੰ ਮਾਣ ਹੈ ਵਿਰਾਟ ਕੋਹਲੀ ਦੇ ਵਿਕਾਸ 'ਤੇ

ਵਿਰਾਟ ਕੋਹਲੀ ਵੱਲੋਂ ਸੱਤ ਵਰ੍ਹੇ ਟੀਮ ਦੀ ਅਗਵਾਈ ਕਰਨ ਪਿੱਛੋਂ ਇੰਡੀਆ ਦੇ ਟੈਸਟ ਕੈਪਟਨ ਵਜੋਂ ਅਸਤੀਫਾ ਦੇਣ 'ਤੇ ਉਸ ਦੀ ਪਤਨੀ ਤੇ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਨੇ ਕੋਹਲੀ ਦੇ ਜ਼ਿੰਦਗੀ 'ਚ ਅੱਗੇ ਵਧਣ, ਵਿਕਾਸ ਕਰਨ 'ਤੇ ਮਾਣ ਦਾ ਪ੍ਰਗਟਾਵਾ ਕੀਤਾ ਹੈ।
ਆਪਣੀ ਇੰਸਟਾਗ੍ਰਾਮ ਹੈਂਡਲ 'ਤੇ ਐਤਵਾਰ ਨੂੰ ਵਿਰਾਟ ਕੋਹਲੀ ਦੀਆਂ ਤਸਵੀਰਾਂ ਸਾਂਝੀਆਂ ਕਰਦਿਆਂ ਉਸ ਨੇ ਕਿਹਾ ਕਿ ਕਿਵੇਂ ਕੋਹਲੀ ਦਾ ਸਫ਼ਰ 2014 ਵਿੱਚ ਸ਼ੁਰੂ ਹੋਇਆ।
ਉਸ ਨੇ ਲਿਖਿਆ, "ਮੈਨੂੰ 2014 ਦਾ ਉਹ ਦਿਨ ਯਾਦ ਹੈ ਜਦ ਤੁਸੀਂ ਮੈਨੂੰ ਦੱਸਿਆ ਕਿ ਤੁਹਾਨੂੰ ਕਪਤਾਨ ਬਣਾ ਦਿੱਤਾ ਗਿਆ ਹੈ ਕਿਉਂਕਿ ਐਮ ਐਸ ਨੇ ਟੈਸਟ ਕ੍ਰਿਕਟ ਤੋਂ ਸੰਨਿਆਸ ਲੈਣ ਦਾ ਫ਼ੈਸਲਾ ਕਰ ਲਿਆ ਹੈ।
"ਅਨੁਸ਼ਕਾ ਨੇ ਅੱਗੇ ਲਿਖਿਆ ਹੈ ਕਿ ਕਿਵੇਂ ਉਸ ਨੇ ਕੋਹਲੀ ਦਾ 'ਬੇਹੱਦ ਵਿਕਾਸ' ਦੇਖਿਆ ਹੈ।ਉਹ ਇਹ ਜ਼ਿਕਰ ਕਰਨ ਤੋਂ ਵੀ ਨਹੀਂ ਖੁੰਝੀ ਕਿ ਕੋਹਲੀ ਨੇ ਫੀਲਡ ਤੇ ਫੀਲਡ ਤੋਂ ਬਾਹਰ ਕਿਨ੍ਹਾਂ ਕਿਨ੍ਹਾਂ ਚੁਣੌਤੀਆਂ ਦਾ ਸਾਹਮਣਾ ਕੀਤਾ।