19.86C Vancouver 19.86C VancouverAug 31, 2022 12:23 PM - Agencies
ਬਾਲੀਵੁੱਡ ਗਾਇਕ ਬੀ. ਪਰਾਕ ਨੂੰ 67ਵੇਂ ਫਿਲਮਫੇਅਰ ਅਵਾਰਡ ਵਿਚ 'ਸ਼ੇਰਸ਼ਾਹ' ਦੇ ਗੀਤ 'ਮਨ ਭਰਿਆ' ਲਈ ਮੇਲ ਕੈਟਾਗਿਰੀ ਵਿਚ ਸਰਵੋਤਮ ਪਲੇਬੈਕ ਸਿੰਗਰ ਦਾ ਪੁਰਸਕਾਰ ਮਿਲਿਆ ਹੈ।
ਬੀ. ਪਰਾਕ ਵੱਲੋਂ ਸਿਧਾਰਥ ਮਲਹੋਤਰਾ ਅਤੇ ਕਿਆਰਾ ਅਡਵਾਨੀ ਦੀ ਸਟਾਰਰ ਬਾਇਓਪਿਕ ਡਰਾਮਾ ਫਿਲਮ 'ਸ਼ੇਰਸ਼ਾਹ' ਲਈ ਕੰਪੋਜ਼ਡ ਕੀਤਾ ਗਿਆ ਅਤੇ ਗਾਇਆ ਗਿਆ ਇਹ ਗੀਤ ਹਿੱਟ ਗੀਤ ਦਾ ਦੁਬਾਰਾ ਬਣਾਇਆ ਗਿਆ ਸੰਸਕਰਣ ਹੈ।
ਫਿਲਮ ਵਿਚ ਸਿਧਾਰਥ ਦੇ ਕਿਰਦਾਰ ਦੇ ਅੰਤਿਮ ਸੰਸਕਾਰ ਦੇ ਸੀਨ ਦੌਰਾਨ ਗਾਏ ਗਏ ਇਮੋਸ਼ਨਲ ਟ੍ਰੈਕ ਨੂੰ ਦਰਸ਼ਕਾਂ ਵਲੋਂ ਕਾਫੀ ਪਸੰਦ ਕੀਤਾ ਗਿਆ। ਜਾਨੀ ਵੱਲੋਂ ਲਿਖੇ ਇਸ ਗੀਤ ਨੂੰ ਯੂਟਿਊਬ 'ਤੇ 200 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਗਿਆ ਹੈ।
'ਸ਼ੇਰਸ਼ਾਹ' ਨੇ 67ਵੇਂ ਫਿਲਮਫੇਅਰ ਐਵਾਰਡ ਵਿਚ ਸਭ ਤੋਂ ਵੱਧ ਨੋਮੀਨੇਸ਼ਨਸ ਹਾਸਲ ਕੀਤੇ ਹਨ। ਫਿਲਮ ਨੂੰ ਬੈਸਟ ਪਲੇਬੈਕ ਸਿੰਗਰ ਫੀਮੇਲ, ਬੈਸਟ ਐਕਸ਼ਨ ਤੇ ਬੈਸਟ ਐਡੀਟਿੰਗ
ਅਵਾਰਡ ਵੀ ਮਿਲੇ ਹਨ।
ਕਰਨ ਜੌਹਰ ਵੱਲੋਂ ਪ੍ਰੋਡਿਊਜ਼ਡ ਇਸ ਫਿਲਮ ਵਿਚ ਸਿਧਾਰਥ ਮਲਹੋਤਰਾ ਅਤੇ ਕਿਆਰਾ ਅਡਵਾਨੀ ਮੁੱਖ ਭੂਮਿਕਾਵਾਂ ਵਿਚ ਸਨ। ਫਿਲਮ ਦਾ ਪ੍ਰੀਮੀਅਰ ਵਿਸ਼ੇਸ਼ ਤੌਰ 'ਤੇ ਐਮਾਜ਼ੋਨ ਪ੍ਰਾਈਮ ਵੀਡੀਓ 'ਤੇ ਕੀਤਾ ਗਿਆ ਸੀ।
