ਬੀ ਪਰਾਕ ਵਲੋਂ ਮੁੜ ਗਾਇਆ ਜਾਵੇਗਾ ਮਸ਼ਹੂਰ ਗੀਤ 'ਤੁਝੇ ਯਾਦ ਨਾ ਮੇਰੀ ਆਈ'

ਮਸ਼ਹੂਰ ਗਾਇਕ ਬੀ ਪਰਾਕ ਨੇ ਇੰਸਟਾਗ੍ਰਾਮ 'ਤੇ ਆਪਣੇ ਆਉਣ ਵਾਲੇ ਪ੍ਰੋਜੈਕਟ ਬਾਰੇ ਖੁਲਾਸਾ ਕੀਤਾ ਹੈ।

ਬੀ ਪਰਾਕ ਨੇ ਦੱਸਿਆ ਕਿ ਉਹ ਹਿੰਦੀ ਫਿਲਮ 'ਕੁਛ ਕੁਛ ਹੋਤਾ ਹੈ' ਦੇ ਮਸ਼ਹੂਰ ਗੀਤ 'ਤੁਝੇ ਯਾਦ ਨਾ ਮੇਰੀ ਆਈ' ਨੂੰ ਮੁੜ ਗਾਉਣ ਜਾ ਰਹੇ ਹਨ।

ਬੀ ਪਰਾਕ ਨੇ ਲਿਖਿਆ- “#ਤੁਝੇ ਯਾਦ ਨਾ ਮੇਰੀ ਆਈ'ਨੂੰ 25 ਸਾਲ ਪੂਰੇ ਹੋ ਗਏ ਹਨ!!! ਕਹਿੰਦੇ ਹਨ ਕਿ ਜੇ ਤੁਸੀਂ ਦਿਲੋਂ ਸੁਫਨੇ ਦੇਖਦੇ ਹੋ ਤਾਂ ਉਹ ਸੱਚ ਹੋਣ ਲੱਗ ਜਾਂਦੇ ਹਨ। ਮੈਨੂੰ ਇਹ ਦੱਸਦਿਆਂ ਬਹੁਤ ਖੁਸ਼ੀ ਹੋ ਰਹੀ ਹੈ ਕਿ ਮੈਨੂੰ ਇਹ ਗੀਤ ਗਾਉਣ ਦਾ ਮੌਕਾ ਮਿਲ ਰਿਹਾ ਹੈ।"

ਉਨ੍ਹਾਂ ਸ਼ਾਹਰੁਖ ਖਾਨ, ਕਾਜੋਲ ਅਤੇ ਰਾਣੀ ਮੁਖਰਜੀ ਨੂੰ ਟੈਗ ਕਰਦਿਆਂ ਲਿਖਿਆ- “ਆਸ ਹੈ ਕਿ ਤੁਸੀਂ ਸਾਡੀਆਂ ਕੋਸ਼ਿਸ਼ਾਂ ਨੂੰ ਪਸੰਦ ਕਰੋਗੇ। ਮੇਰਾ ਇਹੀ ਸੁਫਨਾ ਹੈ ਕਿ ਮੈਂ ਇਸ ਮੈਜੀਕਲ ਗੀਤ ਨੂੰ ਆਪਣੇ ਸਟਾਈਲ ਵਿਚ ਗਾ ਸਕਾਂ।"