ਪੰਜਾਬੀ ਫਿਲਮ 'ਬੰਬੂਕਾਟ 2' ਨੇ ਪੀ.ਵੀ.ਆਰ. ਦਾ ਕੀਤਾ ਬਾਈਕਾਟ

ਪੰਜਾਬੀ ਸਿਨੇਮਾ ਦੇ ਖੇਤਰ ਵਿੱਚ 'ਬੰਬੂਕਾਟ 2' ਫਿਲਮ ਨੇ ਇਕ ਦਲੇਰਾਨਾ ਕਦਮ ਚੁੱਕਦਿਆਂ ਪੀ.ਵੀ.ਆਰ. ਸਿਨੇਮਾ ਘਰਾਂ ਤੋਂ ਦੂਰ ਰਹਿਣ ਦਾ ਫੈਸਲਾ ਕੀਤਾ ਹੈ। ਲੋਕਪ੍ਰਿਅ ਅਦਾਕਾਰ ਐਮੀ ਵਿਰਕ ਅਤੇ ਬਿਨੂੰ ਢਿਲੋਂ ਦੀ ਜੋੜੀ ਵਾਲੀ ਇਸ ਫਿਲਮ ਨੇ ਪੀ.ਵੀ.ਆਰ. ਦਾ ਬਾਈਕਾਟ ਕਰਦਿਆਂ ਦੋਸ਼ ਲਾਇਆ ਹੈ ਕਿ ਇਹ ਸਿਨੇਮਾ ਘਰ ਹਿੰਦੀ ਅਤੇ ਦੱਖਣੀ ਭਾਰਤੀ ਫਿਲਮਾਂ ਦੇ ਮੁਕਾਬਲੇ ਪ੍ਰਾਈਮ ਟਾਈਮ ਤੋਂ ਵਾਂਝਿਆਂ ਰੱਖਦੇ ਹਨ।

ਦੂਜੀਆਂ ਫਿਲਮਾਂ ਨੂੰ ਤਰਜ਼ੀਹ ਦਿੱਤੀ ਜਾਂਦੀ ਹੈ ਪਰ ਪੰਜਾਬੀ ਨੂੰ ਕਿਨਾਰੇ ਕਰ ਦਿੱਤਾ ਜਾਂਦਾ ਹੈ।'ਬੰਬੂਕਾਟ 2' ਦੇ ਨਿਰਮਾਤਾਵਾਂ ਦਾ ਕਹਿਣਾ ਹੈ ਕਿ ਇਸ ਨਾ ਬਰਾਬਰੀ ਵਾਲੇ ਵਤੀਰੇ ਨੇ ਖੇਤਰੀ ਸਿਨੇਮਾ ਨੂੰ ਭਾਰੀ ਨੁਕਸਾਨ ਪਹੁੰਚਾਇਆ ਹੈ। ਇਸ ਕਾਰਨ ਬਾਈਕਾਟ ਦਾ ਰਸਤਾ ਅਪਣਾਇਆ ਗਿਆ ਹੈ।

ਹੁਣ 'ਬੰਬੂਕਾਟ 2' ਦੀ ਟੀਮ ਇਸ ਫਿਲਮ ਨੂੰ ਹੋਰ ਮਲਟੀਪਲੈਕਸ ਅਤੇ ਆਜ਼ਾਦ ਸਿਨੇਮਾਘਰਾਂ ਵਿੱਚ ਲਿਜਾ ਰਹੀ ਹੈ। ਇਸ ਕਦਮ ਨੇ ਮਨੋਰੰਜਨ ਉਦਯੋਗ ਵਿੱਚ ਇਕ ਵੱਡੀ ਬਹਿਸ ਛੇੜ ਦਿੱਤੀ ਹੈ।