20.47C Vancouver 20.47C VancouverJul 29, 2022 12:35 PM - ANI
ਬੇਨ ਐਫਲੇਕ ਜੇਸਨ ਮੋਮੋਆ ਦੀ ਫਿਲਮ 'ਐਕਵਾਮੈਨ ਐਂਡ ਦਿ ਲੌਸਟ ਕਿੰਗਡਮ' ਵਿਚ ਬੈਟਮੈਨ ਦੇ ਰੂਪ ਵਿਚ ਵਾਪਸੀ ਕਰਨ ਜਾ ਰਹੇ ਹਨ।
ਜੇਸਨ ਮੋਮੋਆ ਨੇ ਇਸ ਦਾ ਖ਼ੁਲਾਸਾ ਕੀਤਾ। ਉਨ੍ਹਾਂ ਕਿਹਾ ਕਿ ਜਸਟਿਸ ਲੀਗ ਦੇ ਕੋ-ਸਟਾਰ ਬੇਨ ਐਫਲੇਕ 'ਐਕਵਾਮੈਨ ਐਂਡ ਦਿ ਲੌਸਟ ਕਿੰਗਡਮ' ਵਿਚ ਦਿਖਾਈ ਦੇਣਗੇ।
ਇਸ ਦੇ ਨਾਲ ਹੀ ਆਰਥਰ ਕਰੀ ਤੇ ਬਰੂਸ ਵੇਨ ਦੀ ਮੁੜ ਟੀਮ ਬਣਦੀ ਲੱਗ ਰਹੀ ਹੈ।
ਦਿ ਹਾਲੀਵੁੱਡ ਰਿਪੋਟਰ ਅਨੁਸਾਰ, ਮੋਮੋਆ ਨੇ ਵੀਰਵਾਰ ਨੂੰ ਇੰਸਟਾਗ੍ਰਾਮ 'ਤੇ ਇਸ ਦਾ ਖੁਲਾਸਾ ਕੀਤਾ। ਉਨ੍ਹਾਂ ਨੇ ਇਸ 'ਤੇ ਆਪਣੀ ਐਫਲੇਕ ਨਾਲ ਫੋਟੋ ਸਾਂਝੀ ਕੀਤੀ। ਮੋਮੋਆ ਨੇ ਲਿਖਿਆ, ''ਬਰੂਸ ਤੇ ਆਰਥਰ ਫਿਰ ਤੋਂ ਇਕੱਠੇ ਹੋਏ ਹਨ। ਲਵ ਯੂ ਐਂਡ ਮਿਸ ਯੂ ਬੇਨ।''
ਗੌਰਤਲਬ ਹੈ ਕਿ 2019 ਵਿਚ ਐਫਲੇਕ ਨੇ ਬੈਟਮੈਨ ਵਜੋਂ ਆਪਣੇ ਸੰਨਿਆਸ ਦੀ ਘੋਸ਼ਣਾ ਕੀਤੀ ਸੀ।
