16.05C Vancouver 16.05C VancouverApr 16, 2025 4:31 PM - Connect Newsroom
ਅਮਰੀਕਾ ਦੇ ਕੈਲੇਫੋਰਨੀਆ 'ਚ ਸਥਿਤ ਕੋਚੇਲਾ 'ਚ ਹਰ ਸਾਲ ਕਲਾ ਅਤੇ ਸੰਗੀਤ ਦਾ ਉਤਸਵ ਮਨਾਇਆ ਜਾਂਦਾ ਹੈ ਪਰ ਕੋਚੇਲਾ 2025 ਸਿਰਫ ਉਤਸਵ ਨਹੀਂ ਸਗੋਂ ਇਹ ਭਾਰਤੀ ਸਭਿਆਚਾਰ ਦਾ ਭਰਪੂਰ ਜਸ਼ਨ ਬਣ ਗਿਆ। ਇਸ ਵਾਰ ਕੋਚੇਲਾ ਦੇ ਇਸ ਵੱਡੇ ਮੇਲੇ 'ਚ ਢੋਲੇ ਦੇ ਡਗੇ ਦਾ ਮਿੱਠਾ ਸੰਗੀਤ ਅਤੇ ਗਰਬਾ ਨਾਚ ਵੀ ਵਿਲੱਖਣ ਪੇਸ਼ਕਾਰੀ ਦਰਸ਼ਕਾਂ ਨੂੰ ਦੇਖਣ ਨੂੰ ਮਿਲੀ।
ਵੇਅਰ ਹਾਊਸ (ਭਾਰਤੀ ਮੂਲ ਦਾ ਸੰਗੀਤ ਸਮੂਹ) ਵੇਅਰ ਹਾਊਸ ਨੇ 12 ਅਪ੍ਰੈਲ ਨੂੰ ਕੋਚੇਲਾ ਦੇ ਗਲੋਬਲ ਮੰਚ 'ਤੇ ਆਪਣੀ ਧਮਾਕੇਦਾਰ ਸ਼ੁਰੂਆਤ ਕੀਤੀ ਸੀ। ਨਤੀਜੇ ਵਜੋਂ ਇਹ ਮੰਚ ਅੰਤਰ ਸੱਭਿਆਚਾਰਕ ਡਾਂਸ ਫਲੋਰ ਦੇ ਰੂਪ 'ਚ ਤਬਦੀਲ ਹੋ ਗਿਆ। ਵੱਖ ਵੱਖ ਪੇਸ਼ਕਾਰੀਆਂ ਨੇ ਹੱਦਾਂ ਸਰਹੱਦਾਂ ਦੇ ਪਾੜੇ ਨੂੰ ਮਿਟਾ ਦਿੱਤਾ। ਇਕ ਪਾਸੇ ਗੁਜਰਾਤੀ ਗਰਬੇ ਦੀ ਰੰਗੀਨ ਅਤੇ ਕੀਲ ਲੈਣ ਵਾਲੀ ਪੇਸ਼ਕਾਰੀ ਜਦੋਂਕਿ ਦੂਜੇ ਪਾਸੇ ਪੰਜਾਬੀ ਭੰਗੜੇ ਦੇ ਊਰਜਾ ਭਰਪੂਰ ਕਾਲਾਤਮਕ ਨਾਚ ਰੰਗ ਨੇ ਦਰਸ਼ਕਾਂ ਨੂੰ ਹਿਲਾ ਕੇ ਰੱਖ ਦਿੱਤਾ।
ਕੋਚੇਲਾ ਦੇ ਇਤਿਹਾਸ 'ਚ ਇਹ ਪਹਿਲਾ ਮੌਕਾ ਸੀ ਕਿ ਭਾਰਤੀ ਸੱਭਿਆਚਾਰ ਦੀਆਂ ਪੇਸ਼ਕਾਰੀਆਂ ਦੇ ਵਿਲੱਖਣ ਅੰਦਾਜ਼ ਦਾ ਜਾਦੂ ਸਰੋਤਿਆਂ ਦੇ ਸਿਰ ਚੜ੍ਹ ਬੋਲਿਆ। ਇਸ ਪੇਸ਼ਕਾਰੀ ਨੇ ਸਾਬਤ ਕਰ ਦਿੱਤਾ ਕਿ ਗਲੋਬਲ ਸੰਗੀਤ ਦਾ ਭਵਿੱਖ ਦੇਸੀ ਹਾਰਟਬੀਟ 'ਤੇ ਆਧਾਰਿਤ ਹੈ।
