ਬਲੈਕ ਵਾਰੰਟ: ਜੇਲ੍ਹ ਦੀਆਂ ਸਲਾਖਾਂ ਨਾਲ ਝਲਕਦੀ ਹੈ ਵਿਕਰਮਾਦਿੱਤਿਆ ਮੋਟਵਾਨੀ ਦੀ ਸ਼ਾਨਦਾਰ ਸੀਰੀਜ਼

ਆਓ ਤੁਹਾਨੂੰ ਏਸ਼ੀਆ ਦੀ ਸਭ ਤੋ ਵੱਡੀ ਜੇਲ੍ਹ ਤਿਹਾੜ ਦੇ ਰੂ-ਬ-ਰੂ ਕਰਵਾਉਂਦੇ ਹਾਂ। ਜੇਲ੍ਹ ’ਚ ਕਦਮ ਰੱਖਦਿਆਂ ਹੀ ਸੁਣਾਈ ਦਿੰਦੀਆਂ ਹਨ ਹਾਈ ਪ੍ਰੋਫਾਈਲ ਕੇਸਾਂ ਦੀਆਂ ਕਹਾਣੀਆਂ ਅਤੇ ਇਸ ਦੀਆਂ ਨੁੱਕਰਾਂ ਬੈਰਕਾਂ ’ਚ ਗੂੰਜਦੇ ਹਨ। ਭਿਸ਼ਟ ਪ੍ਰਣਾਲੀ ਅਤੇ ਨੰਗੀ ਸਿਚਾਈ ਦੇ ਕਿੱਸੇ। ਇਹ ਸਭ ਤੁਹਾਨੂੰ ਨੈੱਟਫਿਲਕਸ ਸੀਰੀਜ਼ ਬਲੈਕ ਵਾਰੰਟ ’ਚ ਦੇਖਣ ਨੂੰ ਮਿਲੇਗਾ। 7 ਕਿਸ਼ਤਾਂ ’ਤੇ ਆਧਾਰਿਤ ਇਹ ਸੀਰੀਜ਼ ਤੁਹਾਨੂੰ ਬੜੀ ਰੋਮਾਂਚਕਾਰੀ ਰਾਈਡ ’ਤੇ ਲੈ ਜਾਂਦੀ ਹੈ।

ਵਿਕਰਮਾਦਿੱਤਿਆ ਮੋਟਵਾਨੇ ਦੀ ਦੇਖ-ਰੇਖ ਹੇਠ ਅਤੇ ਸੰਤਾਸ਼ੂ ਸਿੰਘ ਅਤੇ ਅਰਕੇਸ਼ ਅਜੈ ਵਰਗੇ ਲੇਖਕਾਂ ਦੀ ਜੁਗਲਬੰਦੀ ’ਚ ਕਥਾ ਕਹਾਣੀ ਦੀ ਪੁਰਾਣੀ ਕਲਾ ਨੂੰ ਪਰਦੇ ’ਤੇ ਦਿਖਾਉਣ ਦਾ ਯਤਨ ਕੀਤਾ ਗਿਆ ਹੈ। ਇਸ ਦੀ ਹਰ ਕਹਾਣੀ ਸ਼ੁਰੂ ਤੋਂ ਅਖੀਰ ਤੱਕ ਤੁਹਾਡੇ ’ਤੇ ਮਜ਼ਬੂਤ ਪਕੜ ਬਣਾ ਲਵੇਗੀ। 1980 ਦੇ ਦਹਾਕੇ ਦੀ ਪਿੱਠ ਭੂਮੀ ’ਤੇ ਆਧਾਰਿਤ ਇਹ ਜੇਲ੍ਹ ਡਰਾਮਾ ਕਈ ਰੌਂਗਟੇ ਖ਼ੜੇ੍ਹ ਕਰਨ ਵਾਲੀਆਂ ਕਹਾਣੀਆਂ ਨੂੰ ਉਜਾਗਰ ਕਰਦਾ ਹੈ, ਜਿੰਨਾਂ ’ਚ ਚਾਰਲਸ ਸ਼ੋਭ ਰਾਜ, ਰੰਗਾ ਬਿੱਲਾ ਅਤੇ ਇੱਥੋ ਤੱਕ ਕਿ ਮਰਹੂਮ ਇੰਦਰਾ ਗਾਂਧੀ ਵਰਗੇ ਜਾਣੇ ਪਛਾਣੇ ਨਾਵਾਂ ਦੀਆਂ ਕਹਾਣੀਆਂ ਵੀ ਇਸ ਸੀਰੀਜ਼ ’ਚ ਝਲਕਦੀਆਂ ਹਨ।

ਤਿਹਾੜ ਜੇਲ੍ਹ ’ਚ ਰਾਜੀਨੀਤੀ ਦਾ ਬਹੁਤ ਜ਼ਿਆਦਾ ਦਖ਼ਲ ਹੈ। ਇਸ ਤੋਂ ਇਲਾਵਾ ਸੀਰੀਜ਼ ਦੀ ਕਹਾਣੀ ਹਨੇਰੀਆਂ ਨੁਕਰਾਂ ਤੱਕ ਵੀ ਪਹੁੰਚ ਜਾਂਦੀ ਹੈ। ਰਾਹੁਲ ਭੱਟ, ਜ਼ਹਾਨ ਕਪੂਰ, ਅਨੁਰਾਗ ਠਾਕੁਰ ਪਰਮਵੀਰ ਸਿੰਘ ਚੀਮਾ ਅਤੇ ਸਿਧਾਂਤ ਗੁਪਤਾ ਵਰਗੇ ਹੰਢੇ ਹੋਏ ਸਿਤਾਰਿਆਂ ਨੇ ਦਰਸਾਇਆ ਕਿ ਆਖਰ ਜੇਲ੍ਹ ਇਕ ਡਰਾਉਣੀ ਜਗ੍ਹਾ ਸੀ। ਯਕੀਨਨ ਹੀ ਬਲੈਕ ਵਾਰੰਟ ਦਰਸ਼ਕਾਂ ਨੂੰ ਰੋਮਾਂਚਤ ਕਰਨ ’ਚ ਸਫਲ ਹੋਵੇਗੀ।