ਬਾਫਟਾ ਐਵਾਰਡ ਸਮਾਗਮ ਵਿੱਚ ਜੇਤੂ ਰਹੀ 'ਬੂੰਗ'

ਫਰਹਾਨ ਅਖਤਰ ਦੀ ਐਕਸਲ ਐਂਟਰਟੇਨਮੈਂਟ ਵਲੋਂ ਬਣਾਈ ਅਨੋਖੀ ਮਨੀਪੁਰੀ ਫਿਲਮ 'ਬੂੰਗ ਨੇ ਲੰਡਨ ਵਿੱਚ ਆਯੋਜਿਤ ਬਾਫਟਾ ਪੁਰਸਕਾਰਾਂ ਦੌਰਾਨ ਆਪਣੀ ਸਫਲਤਾ ਦੇ ਝੰਡੇ ਗੱਢੇ।ਇਸ ਫਿਲਮ ਨੂੰ ਸਰਵਉੱਤਮ ਬਾਲ ਅਤੇ ਪਰਿਵਾਰਕ ਫਿਲਮ ਦਾ ਐਵਾਰਡ ਹਾਸਲ ਹੋਇਆ।

ਪਹਿਲੀ ਵਾਰ ਫਿਲਮ ਬਣਾਉਣ ਵਾਲੀ ਲਕਸ਼ਮੀਪ੍ਰਿਆ ਦੇਵੀ ਨੇ ਬੜੀ ਭਾਵੁਕ ਹੋ ਕੇ ਇਹ ਐਵਾਰਡ ਹਾਸਲ ਕੀਤਾ ਅਤੇ ਨਾਲ ਹੀ ਗੰਮ ਵਿੱਚ ਡੁੱਬੇ ਸ਼ਬਦਾਂ ਨਾਲ ਮਨੀਪੁਰ ਵਿੱਚ ਸ਼ਾਂਤੀ ਦੀ ਅਪੀਲ ਕੀਤੀ ਅਤੇ ਇਹ ਵੀ ਉਮੀਦ ਜ਼ਾਹਰ ਕੀਤੀ ਕਿ ਆਪਣਾ ਘਰ ਘਾਟ ਗਵਾ ਚੁੱਕੇ ਬੱਚੇ ਆਪਣੇ ਸੁਪਨੇ ਅਤੇ ਖੁਸ਼ੀਆਂ ਫਿਰ ਹਾਸਲ ਕਰ ਸਕਣਗੇ।

ਨਿਰਮਾਤਾ ਫਰਹਾਨ ਅਖਤਰ ਰਿਤੇਸ਼ ਸਿੰਧਵਾਨੀ ਅਤੇ ਸਹਾਇਕ ਡਰੈਕਟਰ ਰਾਹੁਲ ਸ਼ਾਰਧਾ ਨਾਲ ਮੰਚ ਤੇ ਆਈ ਲਕਸ਼ਮੀ ਪ੍ਰਿਆ ਨੇ ਇਸ ਜਿੱਤ ਨੂੰ ਆਪਣੀ ਯਾਤਰਾ ਦੀ ਵੱਡੀ ਪ੍ਰਾਪਤੀ ਦੱਸਿਆ।