17.46C Vancouver 17.46C VancouverJul 21, 2025 5:11 PM - Connect Newsroom
ਮਸ਼ਹੂਰ ਪੰਜਾਬੀ ਗਾਇਕ ਅਤੇ ਅਦਾਕਾਰ ਅਮਰਿੰਦਰ ਗਿੱਲ ਵੱਲੋਂ ‘ਚੱਲ ਮੇਰਾ ਪੁੱਤ’ ਫਿਲਮ ਦਾ ਚੌਥਾ ਪਾਰਟ ਯਾਨੀ ਕਿ ‘ਚੱਲ ਮੇਰਾ ਪੁੱਤ 4’ ਦੇ ਰਿਲੀਜ਼ ਦੇ ਐਲਾਨ ਤੋਂ ਬਾਅਦ ਫੈਨਜ਼ ਫਿਲਮ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਸਨ।
ਇਹ ਫ਼ਿਲਮ 1 ਅਗਸਤ ਨੂੰ ਵਿਸ਼ਵ-ਭਰ ‘ਚ ਰਿਲੀਜ਼ ਕੀਤੀ ਜਾ ਰਹੀ ਹੈ। ਪਰ ਇਸ ਵਿਚਾਲੇ ਹੀ ਵੱਡੀ ਖ਼ਬਰ ਸਾਹਮਣੇ ਆਈ ਹੈ ਕਿ ਭਾਰਤ ‘ਚ ਇਸ ਫਿਲਮ ‘ਤੇ ਰੋਕ ਲਗਾ ਦਿੱਤੀ ਗਈ ਹੈ।
ਜਾਣਕਾਰੀ ਮੁਤਾਬਕ ਇਸ ਫਿਲਮ ‘ਚ ਪਾਕਿਸਤਾਨੀ ਚਿਹਰਿਆਂ ਦੇ ਹੋਣ ਕਾਰਨ ਇਹ ਫਿਲਮ ਭਾਰਤ 'ਚ ਰਿਲੀਜ਼ ਨਹੀਂ ਹੋਵੇਗੀ। ਲੰਡਨ ਦੀਆਂ ਖੂਬਸੂਰਤ ਵੱਖ-ਵੱਖ ਲੋਕੋਸ਼ਨਜ ‘ਤੇ ਫਿਲਮਾਂਈ ਗਈ ਇਸ ਫਿਲਮ ‘ਚ ਅਮਰਿੰਦਰ ਗਿੱਲ ਤੇ ਸਿੰਮੀ ਚਾਹਲ ਤੋਂ ਇਲਾਵਾ ਗੁਰਸ਼ਬਦ ਅਤੇ ਹਰਦੀਪ ਗਿੱਲ ਵੀ ਹਨ। ਹੁਣ ਭਾਰਤ 'ਚ ਬੈਨ ਹੋਣ ਕਾਰਨ ਇਹ ਫਿਲਮ ਸਿਰਫ ਵਿਦੇਸ਼ਾਂ ‘ਚ ਹੀ ਰਿਲੀਜ਼ ਹੋਵੇਗੀ।
