ਚੱਲ ਮੇਰਾ ਪੁੱਤ ਚਾਰ' ਦੇ ਰਿਲੀਜ਼ ਦਾ ਹੋਇਆ ਐਲਾਨ

ਪੰਜਾਬੀ ਸਿਨੇਮਾ ਪ੍ਰੇਮੀਆਂ ਲਈ ਇਹ ਦਿਲਚਸਪ ਗੱਲ ਹੋਵੇਗੀ ਕਿ 'ਚੱਲ ਮੇਰਾ ਪੁੱਤ' ਆਪਣੀ ਚੌਥੀ ਕਿਸ਼ਤ ਨਾਲ ਵਾਪਸੀ ਕਰ ਰਹੀ ਹੈ। ਇਸ ਸੰਬੰਧ 'ਚ ਅਧਿਕਾਰਤ ਤੌਰ 'ਤੇ ਐਲਾਨ ਕੀਤਾ ਗਿਆ ਹੈ ਕਿ 'ਚੱਲ ਮੇਰਾ ਪੁੱਤ ਚਾਰ' ਫਿਲਮ 1 ਅਗਸਤ 2025 ਨੂੰ ਰਿਲੀਜ਼ ਹੋਣ ਵਾਸਤੇ ਪੂਰੀ ਤਰ੍ਹਾਂ ਤਿਆਰ ਹੈ। ਫਿਲਮ 'ਚ ਜਿੱਥੇ ਹਾਸਿਆਂ ਦਾ ਭਰਪੂਰ ਦੌਰ ਹੈ ਉੱਥੇ ਦਿਲਾਂ ਨੂੰ ਛੂਹਣ ਵਾਲੇ ਪਲਾਂ ਅਤੇ ਯੂ.ਕੇ. 'ਚ ਗੁਜਾਰੇ ਪ੍ਰਵਾਸੀਆਂ ਦੀ ਅਨੁਭਵ ਦੀ ਝਲਕ ਵੀ ਪੇਸ਼ ਹੋਵੇਗੀ।

ਇਸ ਸੰਬੰਧ 'ਚ ਜਾਣਕਾਰੀ ਅਮਰਿੰਦਰ ਗਿੱਲ ਨੇ ਸਾਂਝੀ ਕੀਤੀ ਹੈ, ਜਿਹੜਾ ਇਕ ਵਾਰ ਫਿਰ ਸਿਮੀ ਚਾਹਲ ਨਾਲ ਇਸ ਫਿਲਮ 'ਚ ਦਰਸ਼ਕਾਂ ਦੇ ਰੂ-ਬ-ਰੂ ਹੋਵੇਗਾ। ਇਸ ਫਿਲਮ 'ਚ ਦਰਸ਼ਕਾਂ ਦੇ ਪਸੰਦੀਦਾ ਅਦਾਕਾਰ ਇਕ ਵਾਰ ਫਿਰ ਵੱਡੇ ਪਰਦੇ 'ਤੇ ਵਾਪਸੀ ਕਰਨਗੇ।

ਇਨ੍ਹਾਂ 'ਚ ਇਫਤਿਖਾਰ ਠਾਕੁਰ, ਨਾਸਿਰ ਚਿਨਯੋਤੀ, ਅਮਾਨਤ ਚੰਨ, ਅਕਰਮ ਉਦਾਸ, ਜ਼ਫ਼ਰੀ ਖਾਨ, ਸਾਜਨ ਅੱਬਾਸ, ਹਰਦੀਪ ਗਿੱਲ, ਗੁਰਸ਼ਬਦ ਅਤੇ ਰੂਬੀ ਅਨੂਮ ਸ਼ਾਮਲ ਹੋਣਗੇ। ਇਹ ਫਿਲਮ ਇੰਗਲੈਂਡ 'ਚ ਰਹਿੰਦੇ ਪ੍ਰਵਾਸੀਆਂ ਦੇ ਸੁਪਨਿਆਂ, ਦੋਸਤੀਆਂ 'ਤੇ ਆਧਾਰਿਤ ਹੈ ਅਤੇ ਇਸ ਤੋਂ ਉਮੀਦ ਹੈ ਕਿ ਉਹ ਆਪਣੀ ਵਿਰਾਸਤੀ ਨੂੰ ਹੋਰ ਅੱਗੇ ਲੈ ਜਾਵੇਗੀ।