ਉਤਸ਼ਾਹ ਅਤੇ ਜੋਸ਼ ਨਾਲ ਸ਼ੁਰੂ ਹੋਏ ਕਰਨ ਔਜਲਾ ਦੇ ਟੂਰ ਵਿੱਚ ਭਰ ਗਈ ਕੁੜਤਣ

ਪੰਜਾਬੀ ਗਾਇਕ ਕਰਨ ਔਜਲਾ ਨੇ ਆਪਣੇ ਭਾਰਤ ਟੂਰ ਦੀ ਸ਼ੁਰੂਆਤ ਬੜੇ ਉਤਸ਼ਾਹ ਅਤੇ ਜੋਸ਼ ਨਾਲ ਕੀਤੀ ਸੀ ਪਰ ਬਾਅਦ ਵਿੱਚ ਪ੍ਰੰਸ਼ਸਕਾਂ ਵਲੋਂ ਮਿਲੀਆਂ ਭਾਰੀ ਸ਼ਿਕਾਇਤਾਂ ਕਾਰਨ ਸੰਗੀਤ ਮਈ ਇਸ ਟੂਰ ਵਿੱਚ ਕੁੜਤਣ ਭਰ ਗਈ। ਵੱਖ-ਵੱਖ ਤਰ੍ਹਾਂ ਦੀਆਂ ਸ਼ਿਕਾਇਤਾਂ ਕਾਰਨ ਜਸ਼ਨ ਵਾਲਾ ਮਾਹੌਲ ਨਿਰਾਸ਼ਾ ਵਿੱਚ ਬਦਲ ਗਿਆ।

ਸਭ ਤੋਂ ਪਹਿਲਾਂ ਪ੍ਰੇਸ਼ਾਨੀ ਦਿੱਲੀ ਤੋਂ ਸ਼ੁਰੂ ਹੋਈ, ਜਿੱਥੇ 28 ਫਰਵਰੀ ਨੂੰ ਕਰਨ ਦੇ ਸ਼ੋਅ ਦੌਰਾਨ 75,000 ਤੋਂ ਵੱਧ ਲੋਕ ਸ਼ਾਮਲ ਹੋਏ ਪਰ ਇੰਨੀ ਵੱਡੀ ਗਿਣਤੀ ਵਿੱਚ ਸ਼ਿਕਾਇਤਾਂ ਵੀ ਆ ਗਈਆਂ। ਕਈ ਸੰਗੀਤ ਪ੍ਰੇਮੀਆਂ ਨੇ ਤਾਂ ਸ਼ਿਕਾਇਤ ਕੀਤੀ ਕਿ ਟਿਕਟਾਂ ਤੇ 5-6 ਹਜ਼ਾਰ ਖਰਚਣ ਦੇ ਬਾਵਜੂਦ ਉਨ੍ਹਾਂ ਨੂੰ ਠੀਕ ਤਰ੍ਰਾਂ ਦਾਖਲਾ ਨਹੀਂ ਮਿਲ ਸਕਿਆ ਅਤੇ ਉਹ ਕਾਫੀ ਸਮਾਂ ਬਾਹਰ ਹੀ ਕਤਾਰਾਂ ਵਿੱਚ ਫਸੇ ਰਹੇ।

ਕਰਨ ਨੇ ਆਪਣੇ ਇੰਸਟਾਗ੍ਰਾਮ ਤੇ ਇਕ ਤਸਵੀਰ ਸਾਂਝੀ ਕਰਕੇ ਇਨ੍ਹਾਂ ਸ਼ਿਕਾਇਤਾਂ ਤੋਂ ਉਭਰਣ ਲਈ ਮੁੰਬਈ ਵਿੱਚ ਇਕ ਹੋਰ ਸ਼ੋਅ ਦਾ ਸੰਕੇਤ ਦਿੱਤਾ ਅਤੇ ਲਿਖਿਆ ਕਿ ਸ਼ਾਇਦ ਇਹ ਸ਼ਹਿਰ ਇਕ ਹੋਰ ਸੁਹਾਵਣੀ ਨਾਈਟ ਦਾ ਹੱਕਦਾਰ ਹੈ। ਉਸ ਨੇ ਆਪਣੀ ਟੀਮ ਦੇ ਮੈਂਬਰਾਂ ਨੂੰ ਵੀ ਟੈਗ ਕਰਕੇ ਲਿਖਿਆ ਕਿ ਉਹ ਵੀ ਇਕ ਜ਼ੋਰਦਾਰ ਵਾਪਸੀ ਦੀ ਯੋਜਨਾ ਬਣਾ ਰਹੇ ਹਨ।