ਧਨੁਸ਼ ਤੇ ਐਸ਼ਵਰਿਆ ਰਜਨੀਕਾਂਤ ਦੀਆਂ ਰਾਹਾਂ ਵੀ ਵੱਖ ਵੱਖ ਹੋਈਆਂ

ਦੱਖਣੀ ਭਾਰਤੀ ਅਦਾਕਾਰ ਧਨੁਸ਼ ਨੇ ਸੋਮਵਾਰ ਨੂੰ ਐਲਾਨ ਕੀਤਾ ਹੈ ਕਿ ਉਹ ਤੇ ਉਸ ਦੀ ਫ਼ਿਲਮਸਾਜ਼ ਪਤਨੀ ਐਸ਼ਵਰਿਆ ਰਜਨੀਕਾਂਤ 18 ਵਰ੍ਹਿਆਂ ਦੇ ਵਿਆਹੁਤਾ ਜੀਵਨ ਪਿੱਛੋਂ ਅੱਡ ਅੱਡ ਹੋ ਰਹੇ ਹਨ।
ਧਨੁਸ਼ ਤੇ ਮੈਗਾਸਟਾਰ ਰਜਨੀਕਾਂਤ ਦੀ ਬੇਟੀ ਐਸ਼ਵਰਿਆ 20004 ਵਿੱਚ ਵਿਆਹ ਦੇ ਬੰਧਨ 'ਚ ਬੱਝੇ ਸਨ।
ਉਨ੍ਹਾਂ ਦੇ ਦੋ ਬੇਟੇ ਯਾਤਰਾ ਤੇ ਲਿੰਗਾ ਨੇ ਜਿਹੜੇ ਕਿ ਕ੍ਰਮਵਾਰ 2006 ਤੇ 2010 ਵਿੱਚ ਜਨਮੇ ਸਨ।ਧਨੁਸ਼ ਨੇ ਟਵਿੱਟਰ 'ਤੇ ਇਕ ਨੋਟ ਵਿਚ ਕਿਹਾ ਹੈ ਕਿ ਉਨ੍ਹਾਂ ਨੇ ਅੱਡ ਅੱਡ ਹੋਣ ਦਾ ਫ਼ੈਸਲਾ ਕੀਤਾ ਹੈ ਅਤੇ ਕਿਰਪਾ ਕਰਕੇ ਸਾਡੇ ਫ਼ੈਸਲੇ ਦਾ ਮਾਣ ਕਰੋ ਅਤੇ ਸਾਨੂੰ ਇਸ ਸਥਿਤੀ ਨਾਲ ਸਿੱਝਣ ਲਈ ਲੋੜੀਂਦੀ ਨਿੱਜਤਾ ਦਿਓ।