ਧਾਨੁਸ਼ ਬਣਨਗੇ ਏ.ਪੀ.ਜੇ ਅਬਦੁਲ ਕਲਾਮ

ਭਾਰਤ ਦੇ ਪਿਆਰੇ "ਮਿਜ਼ਾਈਲ ਮੈਨ," ਡਾ. ਏ.ਪੀ.ਜੇ. ਅਬਦੁਲ ਕਲਾਮ ਨੂੰ ਮਹਾਨ ਫਿਲਮੀ ਸ਼ਰਧਾਂਜਲੀ ਦੇਣ ਦੀ ਤਿਆਰੀ ਹੈ। ਕੌਮੀ ਐਵਾਰਡ ਜੇਤੂ ਅਭਿਨੇਤਾ ਧਨੁਸ਼ ਇਸ ਫਿਲਮ 'ਚ ਅਬਦੁਲ ਕਲਾਮ ਦੀ ਭੂਮਿਕਾ ਨਿਭਾਉਣਗੇ। ਵੱਡੀਆਂ ਆਸਾਂ ਵਾਲੀ ਬਾਇਓਪਿਕ 'ਕਲਾਮ: ਦ ਮਿਜ਼ਾਈਲ ਮੈਨ ਆਫ਼ ਇੰਡੀਆ' ਬਾਰੇ ਕੌਮਾਂਤਰੀ ਧਿਆਨ ਖਿੱਚਣ ਲਈ 2025 ਦੇ ਕਾਨਸ ਫਿਲਮ ਫੈਸਟੀਵਲ 'ਚ ਧੂਮ ਧਾਮ ਨਾਲ ਐਲਾਨ ਕੀਤਾ ਗਿਆ ਸੀ।

ਨਿਰਦੇਸ਼ਕ ਓਮ ਰਾਉਤ ਵਲੋਂ ਬਣਾਈ ਜਾਣ ਵਾਲੀ ਇਹ ਫਿਲਮ ਭਾਰਤ ਦੀਆਂ ਸਤਿਕਾਰਯੋਗ ਸ਼ਖਸੀਅਤਾਂ ਵਲੋਂ ਇਕ ਦੇ ਡੂੰਘੇ ਮਨੁੱਖੀ ਅਤੇ ਪ੍ਰਰੇਣਾਦਾਇਕ ਤਜ਼ਰਬਿਆਂ ਨੂੰ ਚਿਤਰਣ ਦਾ ਯਤਨ ਹੋਵੇਗੀ। ਇਸ ਪ੍ਰਾਜੈਕਟ ਨੂੰ ਪਾਵਰ ਹਾਊਸ ਨਿਰਮਾਤਾ ਅਭਿਸ਼ੇਕ ਅਗਰਵਾਲ (ਦਿ ਕਸ਼ਮੀਰ ਫਾਈਲਜ਼) ਅਤੇ ਟੀ-ਸੀਰੀਜ਼ ਦੇ ਭੂਸ਼ਣ ਕੁਮਾਰ ਵਲੋਂ ਪਰਦੇ 'ਤੇ ਉਤਾਰਣ ਦਾ ਯਤਨ ਕੀਤਾ ਜਾ ਰਿਹਾ ਹੈ।

ਇਸ ਫਿਲਮ ਦੇ ਲੇਖਕ ਸੈਵਿਨ ਕਵਾਡਰਾਸ ਸਨ , ਜਿਨ੍ਹਾਂ ਦੇ ਖਾਤੇ 'ਚ ਨੀਰਜਾ ਅਤੇ ਮੈਦਾਨ ਵਰਗੀਆਂ ਪ੍ਰਸ਼ੰਸਾ ਪ੍ਰਾਪਤ ਫਿਲਮਾਂ ਬੋਲਦੀਆਂ ਹਨ। ਇਸ ਫਿਲਮ ਦਾ ਸ੍ਰਕੀਨ ਪਲੇਅ ਡਾ. ਕਲਾਮ ਦੀ ਬਹੁਤ ਜ਼ਿਆਦਾ ਵਿਕਣ ਵਾਲੀ ਸਵੈ ਜੀਵਨੀ ਵਿੰਗਜ਼ ਆਫ਼ ਫਾਇਰ" ਤੋਂ ਲਿਆ ਗਿਆ ਹੈ। ਇਹ ਫਿਲਮ ਡਾ. ਕਲਾਮ ਦੀ ਮਹਾਨ ਜੀਵਨ ਯਾਤਰਾ ਨੂੰ ਦਰਸਾਉਣ ਵਾਲੀ ਹੈ। , ਜਿਸ ਦੀ ਸ਼ੁਰੂਆਤ ਸਮੁੰਦਰ ਕੰਢੇ ਵਸੇ ਸ਼ਹਿਰ ਰਾਮੇਸ਼ਵਰਮ ਵਿੱਚ ਉਸ ਦੇ ਪਾਲਣ ਪੋਸ਼ਣ ਨਾਲ ਹੁੰਦੀ ਹੈ।

ਭਾਰਤ ਦੇ ਪੁਲਾੜ ਅਤੇ ਮਿਜ਼ਾਇਲ ਪ੍ਰੋਗਰਾਮਾਂ ਨਾਲ ਸੰਬੰਧਿਤ ਡਾ. ਕਲਾਮ ਦੇ ਵੱਡੀ ਮਿਹਨਤ ਵਾਲੇ ਕਾਰਜ ਨੂੰ ਦਰਸਾਉਣ ਦਾ ਵਾਅਦਾ ਹੈ। ਇਹ ਸਿਰਫ ਇਕ ਕੌਮੀ ਨਾਇਕ ਦਾ ਜਸ਼ਨ ਮਨਾਉਣ ਦਾ ਯਤਨ ਨਹੀਂ ਸਗੋਂ ਇਕ ਅਜਿਹੀ ਰੂਹ ਨੂੰ ਸਾਹਮਣੇ ਲਿਆਉਣ ਦਾ ਉਪਰਾਲਾ ਵੀ ਹੈ, ਜਿਹੜੀ ਦੁਨੀਆ ਦੇ ਮਨਾਂ ਨੂੰ ਜਗਾਉਣ ਦਾ ਕਾਰਜ ਜਾਰੀ ਰੱਖਦੀ ਹੈ।