'ਧੁਰੰਧਰ 2' ਦੀ ਸ਼ੂਟਿੰਗ ਕਾਨੂੰਨੀ ਝਮੇਲੇ ਵਿੱਚ ਫਸੀ

ਰਣਵੀਰ ਸਿੰਘ ਦੀ ਚਰਚਿਤ ਫਿਲਮ 'ਧੁਰੰਧਰ 2' ਦੀ ਸ਼ੂਟਿੰਗ ਕਾਨੂੰਨੀ ਝਮੇਲੇ ਵਿੱਚ ਫਸ ਗਈ ਹੈ। ਇਸ ਫਿਲਮ ਨੂੰ ਲੈ ਕੇ ਸਿਨੇਮਾ ਪ੍ਰੇਮੀਆਂ ਵਿੱਚ ਬਹੁਤ ਜ਼ਿਆਦਾ ਉਤਸ਼ਾਹ ਵਧ ਰਿਹਾ ਹੈ ਪਰ ਇਸ ਦੌਰਾਨ ਫਿਲਮ ਅਚਨਚੇਤ ਇਕ ਕਾਨੂੰਨੀ ਮੁੱਦੇ ਵਿੱਚ ਉਲਝ ਗਈ।

ਮੁੰਬਈ ਦੇ ਵੱਡੀ ਸੁਰੱਖਿਆ ਵਾਲੇ ਫੋਰਟ ਜੋਨ ਵਿੱਚ ਅਧਿਕਾਰਤ ਪ੍ਰਵਾਨਗੀ ਲੈਣ ਤੋਂ ਬਗੈਰ ਡਰੋਨ ਨਾਲ ਦ੍ਰਿਸ਼ ਫਿਲਮਾਏ ਜਾਣ ਨੂੰ ਲੈ ਕੇ ਅਧਿਕਾਰੀਆਂ ਨੇ ਫਿਲਮ ਦੇ ਲੋਕੇਸ਼ਨ ਮੈਨੇਜਰ ਵਿਰੁੱਧ ਕੇਸ ਦਰਜ ਕੀਤਾ ਹੈ।

ਸ਼ਿਕਾਇਤ ਵਿੱਚ ਕਿਹਾ ਗਿਆ ਹੈ ਕਿ ਫਿਲਮ ਦੇ ਲੋਕੇਸ਼ਨ ਮੈਨੇਜਰ ਰਿੰਕੂ ਰਾਜਪਾਲ ਫਿਲਮ ਦੇ ਹਵਾਈ ਸ਼ਾਟ ਲੈਣ ਸੰਬੰਧੀ ਲੋੜੀਦੀ ਪ੍ਰਵਾਨਗੀ ਹਾਸਲ ਨਹੀਂ ਕਰ ਸਕੇ। ਇਸ ਕਾਰਨ ਪੁਲਿਸ ਨੇ ਉਸ ਦੇ ਵਿਰੁੱਧ ਐਫ.ਆਈ.ਆਰ. ਦਰਜ ਕਰ ਲਈ। ਇਸ ਦੌਰਾਨ ਧੁਰੰਧਰ ਦਾ ਅਦੀਵੈਂਜ (ਬਦਲਾ) ਦਾ ਟੀਜ਼ਰ ਵੀ ਜਾਰੀ ਕਰ ਦਿੱਤਾ ਗਿਆ ਹੈ।