ਦਿਲਜੀਤ ਦੋਸਾਂਝ ਅਤੇ ਜੇ ਬਾਲਵਿਨ ਨੇ ਜਨਮ ਦਿਨ ਮੌਕੇ ਨਵਾਂ ਗੀਤ 'ਸੀਨੋਰਿਟਾ' ਕੀਤਾ ਰਿਲੀਜ਼

ਪੰਜਾਬੀ ਗਾਇਕ ਅਤੇ ਅਦਾਕਾਰ ਦਿਲਜੀਤ ਦੋਸਾਂਝ ਨੇ ਕੋਲੰਬੀਆਈ ਸੁਪਰਸਟਾਰ ਜੇ ਬਾਲਵਿਨ ਨਾਲ ਮਿਲ ਕੇ ਆਪਣਾ ਨਵਾਂ ਅੰਤਰਰਾਸ਼ਟਰੀ ਗੀਤ 'ਸੀਨੋਰਿਟਾ' ਰਿਲੀਜ਼ ਕੀਤਾ ਹੈ। ਗੀਤ ਦਾ ਪੂਰਾ ਮਿਊਜ਼ਿਕ ਤੇ ਵੀਡੀਓ 6 ਜਨਵਰੀ ਨੂੰ ਜਾਰੀ ਕੀਤਾ ਗਿਆ ਸੀ।

ਇਸ ਤੋਂ ਪਹਿਲਾਂ ਦਿਲਜੀਤ ਨੇ ਸੋਸ਼ਲ ਮੀਡੀਆ 'ਤੇ ਟੀਜ਼ਰ ਸਾਂਝਾ ਕਰਕੇ ਪ੍ਰਸ਼ੰਸਕਾਂ ਨੂੰ ਇਸ ਸਾਂਝੇ ਪ੍ਰੋਜੈਕਟ ਦੀ ਝਲਕ ਦਿਖਾਈ ਸੀ।ਇਹ ਰਿਲੀਜ਼ ਦਿਲਜੀਤ ਦੋਸਾਂਝ ਦੇ ਅੰਤਰਰਾਸ਼ਟਰੀ ਸੰਗੀਤਕ ਸਫ਼ਰ ਵਿੱਚ ਇੱਕ ਹੋਰ ਮਹੱਤਵਪੂਰਨ ਪੜਾਅ ਮੰਨੀ ਜਾ ਰਹੀ ਹੈ।

ਪਿਛਲੇ ਕੁਝ ਸਾਲਾਂ ਦੌਰਾਨ ਉਹ ਪੰਜਾਬੀ ਸੰਗੀਤ ਨੂੰ ਵਿਸ਼ਵ ਪੱਧਰ ‘ਤੇ ਪਹੁੰਚਾਉਂਦੇ ਆ ਰਹੇ ਹਨ, ਖ਼ਾਸ ਕਰਕੇ ਕੈਨੇਡਾ, ਬ੍ਰਿਟੇਨ ਅਤੇ ਅਮਰੀਕਾ ਵਰਗੇ ਦੇਸ਼ਾਂ ਵਿੱਚ ਰਹਿੰਦੇ ਪੰਜਾਬੀ ਭਾਈਚਾਰੇ ਵਿੱਚ, ਜਿੱਥੇ ਉਨ੍ਹਾਂ ਦੇ ਕਨਸਰਟ ਵੱਡੀ ਗਿਣਤੀ ਵਿੱਚ ਦਰਸ਼ਕਾਂ ਨੂੰ ਆਕਰਸ਼ਿਤ ਕਰਦੇ ਹਨ।